Юныс 3:1—10

3  Шуннан соң Йәһвә Юныска икенче тапкыр мөрәҗәгать итте:+  «Тор да Нинәвәгә+ — бөек шәһәргә бар, анда мин сиңа әйткән хәбәрне җиткер».  Шунда Юныс, Йәһвә сүзенә буйсынып,+ торды да Нинәвәгә китте.+ Нинәвә́ исә зур* шәһәр иде, аны йөреп чыгар өчен өч көн кирәк иде.  Юныс шәһәргә керде һәм бер көнлек араны үтеп: «Тагын 40 көн генә үтәр, һәм Нинәвә һәлак булыр»,— дип игълан итеп йөрде.  Шулчак Нинәвә халкы — байлар да, ярлылар да, олылар да, кечеләр дә — Аллаһыга иман итте,+ ураза тота башлады һәм матәм киеме киде.  Бу хәбәр Нинәвә патшасына ирешкәч, ул, тәхетеннән торып, үзенең патша киемен салды һәм матәм киеме киеп, көлгә утырды.  Өстәвенә, патша бөтен Нинәвәгә болай дип игълан итәргә кушты: «Патша һәм аның мирзалары чыгарган әмер шундый: кеше дә, мал да, көтүдәге бернинди хайван да бернәрсә ашамасын. Аларга ризык белән тукланырга да, су эчәргә дә ярамый.  Бөтен кешеләр һәм хайваннар матәм киеме белән каплансын, һәркем Аллаһыга ихлас дога кылсын, үзләренең явыз юлларын калдырсын һәм җәбер-золым кылуын ташласын.  Кем белә, бәлки, Аллаһы үз ниятен үзгәртеп* ачуын тыяр, һәм без һәлак булмабыз». 10  Аларның ни эшләгәннәрен, үзләренең явыз юлларын калдырганнарын күргәч,+ Аллаһы аларга бәла китерү ниятеннән кире кайтты* һәм бәла җибәрмәде.+

Искәрмәләр

Сүзгә-сүз «Аллаһы каршында бөек».
Яки «безгә бәла китерергә ниятләгәненә үкенеп».
Яки «китерергә ниятләгәненә үкенде».

Искәрмәләр

Медиаматериал