Хабакук 1:1—17

1  Хабаку́к* пәйгамбәрнең күренештә алган хәбәре.  И Йәһвә, күпме миңа синнән ярдәм үтенергә? Кайчан инде син ишетерсең?+ Күпме миңа синнән ярдәм сорарга? Кайчан инде син мине җәбер-золымнан коткарырсың?+  Нигә син миңа явызлыкны күрергә бирәсең? Нигә син җәбер-золымны түзеп торасың? Нигә минем алдымда һәлакәт һәм мәрхәмәтсезлек? Ни өчен бар җирдә ызгыш-талаш һәм сугыш-каршылык?  Шунлыктан канун үз көчен югалткан,Һәм гаделлек һич тә юк. Явызлар тәкъваларны кысрыклый,Шуңа күрә гаделлек бозыла да.+  «Халыкларга карагыз һәм игътибар итегез! Гаҗәпләнеп карагыз һәм шаккатыгыз. Чөнки сезнең көннәрдә буласы нәрсәгә,Сезгә моның турында әйтсәләр дә, ышанмассыз.+  Чөнки мин калдайлыларны,Үзен ерткычларча тотучы кызу канлы халыкны күтәрәм.+ Алар, үзләренеке булмаган җирләрне басып алыр өчен,Җир йөзе буйлап гаять зур ара үтә.+  Алар куркыныч һәм кот алырлык. Алар үз гаделлекләрен һәм үз хакимлекләрен урнаштыра.+  Аларның атлары капланнардан җитезрәк,Ә үзләре төнлә йөргән бүредән кансызрак.+ Сугыш атлары алга ыргылып чаба. Аларның атлары ерактан килә. Алар ризыкка ташланган бөркет шикелле.+  Аларның барысы да тәвәккәллек белән җәбер-золым кылырга килә.+ Алар көнчыгыш җиледәй алга ябырыла,+Әсирләрне ком җыйгандай җыя. 10  Алар патшалардан мыскыллап көлә,Түрәләрне көлкегә калдыра.+ Алар һәр ныгытылган урыннан көлә,+Туфрактан өем ясап, аны яулап ала. 11  Шуннан соң алар җилдәй алга бара һәм шушы илне үтеп чыга,Әмма алар гаепле булыр,+Чөнки көчләре үз илаһыннан дип уйлый».*+ 12  И Йәһвә, син мәңгелектән түгелме?+ И Аллаһым, изге Аллаһым, син һичкайчан үлмисең.*+ И Йәһвә, син аларны хөкемне үтәр өчен билгеләдең. Кыям минем,+ син аларны җәза бирер өчен сайладың.+ 13  Күзләрең шулкадәр саф ки, син явызлыкка карый алмыйсың,Яманлыкны түзеп тора алмыйсың.+ Алайса, ни өчен син мәкерле кешеләрне түзеп торасың?+ Ни өчен син явыз кеше үзеннән күпкә тәкъварак кешене йотканда дәшмисең?+ 14  Нигә син кешене диңгездәге балык шикелле,Идарәчесе булмаган сөйрәлүчеләр шикелле итәсең? 15  Аларның барысын ул* кармакка эләктереп тартып чыгара,Аларны үз җылымы* белән тота,Балык тоту ятьмәсенә җыя. Менә ни өчен ул сөенеп бетә алмый.+ 16  Шуңа күрә ул үз җылымынаҺәм балык тоту ятьмәсенә корбаннар китерә,Чөнки алар ярдәмендә аның өлеше мулҺәм ризыгы иң яхшы. 17  Ул моннан ары да үз җылымын салып, аны бушатып торырмы?* Халыкларны һич тә кызганмыйча кырып торырмы?+

Искәрмәләр

Бәлки, мәгъ. «кайнар кочаклар».
Я, бәлки, «көчләре — аларның илаһы».
Я, бәлки, «без үлмәячәкбез».
Ягъни калдайлы дошман.
Җылым — балык тота торган зур ау, ятьмә.
Я, бәлки, «үз кылычын күтәреп торырмы».

Искәрмәләр

Медиаматериал