Зәбур 105:1—45

105  Йәһвәгә рәхмәтләр белдерегез,+ аның исемен чакырыгыз,Халыклар арасында аның эшләрен игълан итегез!+  Җыр җырлагыз* аңа, мәдхияләр җырлагыз,Аның барлык гаҗәеп эшләре турында уйланыгыз.*+  Аның изге исеме белән мактаныгыз.+ Йәһвәне эзләүчеләрнең күңелләре сөенсен.+  Йәһвәне һәм аның көч-куәтен эзләгез.+ Аның хуплавын* һәрчак эзләгез.  Кылган гаҗәеп эшләрен,Могҗизаларын һәм чыгарган хөкемнәрен истә тотыгыз,+  Әй Аллаһының хезмәтчесе Ибраһимның токымы,*+Ягъкуб угыллары, аның сайланганнары.+  Ул — Йәһвә, безнең Аллаһыбыз.+ Аның хөкем карарлары* бөтен җир йөзендә гамәлдә тора.+  Ул үз килешүен — мәңге,+Биргән вәгъдәсен* мең буын дәвамында исендә тота,+  Бу килешүне ул Ибраһим белән төзеде,+Антны Исхакка бирде.+ 10  Аны ул карар итеп — Ягъкубка,Гасырларга төзелгән килешү итеп Исраилгә бирде 11  Һәм: «Сиңа мирас итеп+Кәнга́н җирен бүлеп бирәм»+,— диде. 12  Ул вакытта алар аз санлы иде,+Әйе, бик аз иде, һәм алар анда чит ил кешеләре булып яшәде.+ 13  Алар халыктан халыкка,Патшалыктан патшалыкка йөрде.+ 14  Ул берәүгә дә аларны җәберләргә бирмәде.+ Ул алар хакына патшаларны шелтәләп:+ 15  «Майланганнарыма тимәгезҺәм пәйгамбәрләремә һичнинди начарлык кылмагыз»,— диде.+ 16  Ул җиргә ачлык китергән,+Аларның җыйган икмәген юкка чыгарган.* 17  Ул үз хезмәтчеләре алдыннан бер кешене җибәргән. Бу кеше коллыкка сатылган Йосыф булган.+ 18  Богаулар салып, аның аякларын чикләгәннәр.*+ Муены* зынҗыр белән богауланган булган, 19  Сүзе чынга ашканчы;+Йәһвәнең сүзләре аны сафландырган. 20  Патша аны азат итәргә боерган,+Халыклар идарәчесе аны иреккә чыгарган. 21  Ул аны өйдәгеләре өстеннән — хуҗа,Бөтен милке өстеннән идарәче итеп куйган,+ 22  Үз түрәләре өстеннән җаны теләгәнчә хакимлек итсен өчен,Аксакалларын зирәклеккә өйрәтсен өчен.+ 23  Аннары Исраи́л Мисырга килгән,+Ягъкуб Хам җирендә чит ил кешесе булып яшәгән. 24  Аллаһы үз халкын гаять күбәйткән,+Ул аларны дошманнарына караганда көчлерәк иткән.+ 25  Аларның йөрәкләрендә үз халкына карата нәфрәтнең үсүенәҺәм хезмәтчеләренә каршы мәкер коруына юл куйган.+ 26  Ул үз хезмәтчесе Мусаны+Һәм үзе сайлаган Һарунны+ җибәргән. 27  Алар аның галәмәтләрен,Хам җирендә аның могҗизаларын күрсәткән.+ 28  Ул караңгылык җибәргән, һәм җирдә караңгылык урнашкан,+Алар аның сүзенә каршы төшмәгән. 29  Ул аларның суларын канга әйләндергән,Балыкларын үтереп бетергән.+ 30  Аларның илендә,Хәтта патша бүлмәләрендә, бакалар мыжлап торган.+ 31  Аның боерыгы буенча, җирне кигәвеннәр басып алган, Аларның бар җирләре черки белән тулган.+ 32  Ул аларга яңгыр урынына боз яудырган,Җирләренә яшен* җибәргән.+ 33  Ул аларның йөзем һәм инҗир агачларын харап иткән,Яшәгән җирләрендәге бөтен агачларны чәрдәкләп бетергән. 34  Әйткән сүзе буенча, җирне саранча,Исәпсез-хисапсыз яшь саранча басып алган.+ 35  Алар шул җирдәге бар үсемлекләрне,Җирдәге уңышны ашап бетергән. 36  Аннары ул аларның җирендә беренче туган һәр баланы,+Аларның ирлек куәтенең беренче җимешен һәлак иткән. 37  Ул үз халкын көмеш һәм алтын белән алып чыккан,+Аның кабиләләре арасында берсе дә хәлдән таеп егылмаган. 38  Исраиллеләр киткәч, Мисыр сөенгән,Чөнки Исраил аркасында алар бик нык куркуга төшкән булган.+ 39  Аларны ышыклау өчен, ул болыт җәйгән,+Төнлә якты булсын өчен, ут биргән.+ 40  Алар ит сораган, һәм ул бытбылдыклар җибәргән,+Аларны күктән иңгән икмәк белән туендырып торган.+ 41  Ул кыяны ярган, һәм сулар ургылган,+Чүл буйлап елгадай аккан.+ 42  Чөнки Аллаһы үз хезмәтчесе Ибраһимга биргән изге вәгъдәсен истә тоткан.+ 43  Шулай итеп ул үз халкын тантана белән,Үзенең сайланганнарын шатлыклы авазлар белән алып чыккан.+ 44  Ул аларга халыкларның җирләрен биргән,+Алар башка халыкларның тырыш хезмәт җимешләрен мирас итеп алган.+ 45  Ул моны алар аның күрсәтмәләрен тотсыннар өчен,+Кануннарын үтәп яшәсеннәр өчен эшләгән. Йәһне* мактагыз!

Искәрмәләр

Яки «Көй уйнагыз».
Я, бәлки, «сөйләгез».
Сүзгә-сүз «йөзен».
Сүзгә-сүз «орлыгы».
Яки «законнары».
Сүзгә-сүз «Боерган сүзен».
Сүзгә-сүз «икмәк [эленгән] һәр таякны сындырган». Күрәсең, икмәк саклау өчен кулланылган таяклар күздә тотыла.
Сүзгә-сүз «авырттырганнар».
Яки «Җаны».
Яки «ут ялкыннары».
Йәһвә исеменең кыска формасы.

Искәрмәләр

Медиаматериал