Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Oktubri de 2017

 KRISTIANUECHERI IREKUA

¿Nénachi uá sési estudiarini Bibliani?

¿Nénachi uá sési estudiarini Bibliani?

¿Uékapirintsï no jurajkuni Jeobani ísï eska Danieli nájkirukajtsï tsʼéjkukuechani jatsiauaka? Danieli sési estudiarisïrendi Tata Diosïri Karakatani, exepariani profesiauechani engaksï jukaparhakuepka (Da 9:2). ¿Nénaksïni jarhuataa sési estudiarini Bibliani parajtsï no jurajkuni Jeobani? Sánderujtsï mintsikaaka eskaksï Jeobaeri aiatsperakuecha kumplirikuarhiaka (Jos 23:14). Ístujtsï sánderu xénchaaka Jeobani ka ísï jimbo, ambakiti ambejtsï uáka (Sl 97:10). Peru ¿naniasï uénani? Exea je arini sujerensiauechani.

  • ¿Ambe jatsipirini parani estudiarini? Ambakiti programa ma para estudiarini, ístu jindesti prepararikuarhini para tánguarhikua. Sánderuksïni jarhuataati Bibliaeri arhintskua semaneri engajtsï arhutaaka tiempu para jirinhantani ambe engajtsï no kurhanguaka. Máruksï ístu, uékasïndi sánderu sési estudiarini Bibliaeri profesiechani, ambe xáni úrpisïni espiritu santu, nani xáni biajarispi apostuli Pablu o Jeobaeri kueraakata ambe. Engajtsï jatsiaka kurhamarhikua ma Bibliaeri, kara je ka ima ambe estudiari je.

  • ¿Nani uá exentani informasioni? Exeantauakajtsï máru sujerensiauechani bideurhu Jarhuajperatecha para jirinhantani jukaparhakua ambe Bibliaeri. Parajtsï uénani, jirinhanta je náki potensia mundialini arhikuekasïni mándani animali enga Daniel 7 uandajka.

  • ¿Na xáni ióni jatsipirini parani estudiarini? Para sési jarhani Jeobani jingoni, uétarhisïndi méntkisï estudiarini. Enga uétarhiaka, uákajtsï mándani ratitu uénani ka tátsekua sánderu ióni durarini. Bibliani estudiarini ísïsti komu jarhakuni para tesoruechani jirinhaani: engajtsï uánikua exeantauaka, sánderujtsï uékaaka jarhakuni (Pr 2:3-6). Sánderujtsï jukaparharaaka Bibliani ka pʼindeakajtsï estudiarini (1Pe 2:2).

¿AMBEKSÏ ARHIKUEKASÏNI ANIMALICHA ENGA DANIEL 7 UANDAJKA?

  • Da 7:4

  • Da 7:5

  • Da 7:6

  • Da 7:7

MÁTERU KURHAMARHIKUA:

¿Néna kumplirikuarhispi Daniel 7:8, 24?

AMBE ENGANI ESTUDIARIUAKA:

¿Ambeksï arhikuekasïni animalicha enga Jaŋaskuecha 13 uandajka?