Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Nobiembri de 2016

 KRISTIANUECHERI IREKUA

Néna úrani jimbanhi libruni lenguaje sensiiueri

Néna úrani jimbanhi libruni lenguaje sensiiueri

Libru What Can the Bible Teach Us? sáno májkueni jásïsti eska libru ¿Ambemindusï jorhentpejki Biblia?, ka no ióndani uánikua idiomecha jimbo jauati. Íksï libruecha májkueni ambe jorhentpesïndi ka kapituluechaksï májkueni jarhasti. Peru i jimbanhi libru jingoni sánderu fásilisti kurhanguni ka eratsintani ambe ma. Úkata jarhasti para imecha engaksï úkua jukanchajka kurhanguni libruni ¿Ambemindusï jorhentpejki Biblia? Últimu pájinecharhu, enbesi de apendisi ma, notechani jukaasti engaksï sési explikarijka máru uandakuechani o jorhentperakuechani engaksï máru kapituluecharhu jaka. Kapituluechaksï no jukaasti kurhamarhikuechani uénakuarhu ni rekuadru repasueri. Sánderu sési, resumeni ma jukasti Bibliaeri jorhentperakuecheri engaksï párrafuecharhu exekuarhijka. Eska na úkuarhijka libru jingoni ¿Ambemindusï jorhentpejki Biblia?, i libru uáti na uéjki jatini aiatspinhani, nájkiruka ima kutsï máteru publikasioni úranhani jauaka. ¿Néna uá úrakuarhini sánderu sési na enga úkata jaka i libru lenguaje sensiiueri para jorhentpini Bibliaeri ambe?

RESUMENICHA. Sáno iáminduecha jingoni uákachi seguirini estudiarini libruni ¿Ambemindusï jorhentpejki Biblia? eskachi na újka, arhiantani párrafuechani ka úpariani kurhamarhikuechani. Ka ¿enga kʼuiripu no káni mítiakia idiomani enga jimbo estudiarini jaka o no jorhenani sési arhintani? Enga ísïuaka, aianhpiri uáti úrani jimbanhi libruni lenguaje sensiiueri. Úrapariani resumenichani mándani kapitulueri para jorhentpini ka pʼímarhini estudiantini eska arhikuarhintaaka kapituluni. Sáno méntkisï, Bibliaeri jorhenguarhikua ma úsïndi exekuarhini estudiu ma jimbo kinse minutueri. Resumenichaksï no xáni uánikua ambe arhisïndi eska kapituluecha. Jimbosï aianhpiri jatsiti para sési prepararikuarhini ka exeni ambe uétarhinchasïni estudianti. Ka engaksï párrafuechani estudiariuaska, aianhpiri uáti úrani resumenini para miántani ambe engaksï jorhenguarhika.

NOTECHA. Uandakuecha ka ambe engaksï explikarijka notecha, ísïksï jarhasti eskaksï na jaka kapituluecharhu. Aianhpiri uáti exeni sinksï exeaua notechani mientrasi engaksï estudiarini jauaka ini libruni.