Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Marsu de 2017

 KRISTIANUECHERI IREKUA

Nénachi uá úrani foietuni Kurhajcha je Tata Diosïni

Nénachi uá úrani foietuni Kurhajcha je Tata Diosïni

Foietu Kurhajcha je Tata Diosïni, úkata jarhasti para dibujuecha jingoni, jorhendaani imechani engaksï no újka sési arhintani, imani ambe enga jatsika para orheta mítini Bibliaeri ambe. Mándani jorhenguarhikua tsimani pájineristi ka jukaasti dibujuechani engaksï sési jorhentpejka ka flechechani engaksï xarhatajka náki dibuju seguiriua.

Foietu Kurhajcha je Tata Diosïni ka irekakajtsï para méntkisï, imani mísmu dibujuechani jukaasti eska Kurhajcha je Tata Diosïni, peru sánderu textu jingoni. Imecha engaksï újka arhintani, uátiksï ini foietu jingoni estudiarini. Eianhpirichaksï sánderu tsitisïndi ini úrani, nájkiruka estudianti úrani jauaka foietuni Kurhajcha je Tata Diosïni. Máru pájinechaksï jukasti rekuadru ma sánderu informasioni jingoni engajtsï uáka exeni, seguni mándani estudianti.

Uákajtsï aiatspiani ini foietuechani, nájkiruka kampania imani kutsïri máteru publikasioniuaka. Engajtsï estudiu bíbliku ma úni jauaka, úraa je dibujuechani parajtsï explikarikuni estudiantini ambe enga arhijka Biblia. Úkua je kurhamarhikuechani para imajtu uandani ambe eratsisïni ka parajtsï exeni sini kurhanguxaki. Arhianta je textuechani engaksï kétsekua jaka ka explikariua je. Engajtsï kʼamaraakia foietuni, estudiari je libruni ¿Ambemindusï jorhentpejki Biblia? parajtsï jarhuatani estudiantini itsï atakuarhini.