Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Marsu de 2016

 KRISTIANUECHERI IREKUA

Jesusiri uarhikuani jimbo uáti jarhani tsíntskua

Jesusiri uarhikuani jimbo uáti jarhani tsíntskua

Jesusiri uarhikueri miántskua jimbo, uákachi eratsintani imani ambakiti ambe engachi jatsiaka imeri uarhikua jimbo. Ma ambe jindesti tsíntskua. Jeoba no méni uékasti eskachi uarhipiringa. Jimbosï ma ambe enga sánderu no sési pʼikuastpijka jindeti uarhirani nemani engachi uékajka (1Ko 15:26). Jesusi kánikua no sési pʼikuarheraspti enga exeapka imeri chúxapatichani engaksï uerani japka jimboka Lasaru uarhispka (Jn 11:33-35). Jesusi xarhataspti na enga pʼikuarherajka imeri Táti, ini ambe jimbo úsïngachi míti eska Jeoba májkueni no sési pʼikuarherasïnga engajtsïni exejka uerani jarhani jimbokachi uarhinchaska nemani (Jn 14:7). Jeoba uékaxati eska niáraaka jurhiatikua para tsítantaani imeri marhuarichani engaksï no méni jurajkuka, ka juchajtuchi ísï (Job 14:14, 15).

Jimboka Jeoba tsitisïnga eska iámu ambe sési úkuarhiaka, erokuarhisïngachi eska tsíntskuajtu májkueni úkuarhiaka (1Ko 14:33, 40). Nochi uerani jauaka jimboka nema uarhiska, sánderu sési tsípikua jingonchi eroantani jauaka imechani engaksï tsíntaaka. ¿Arhutasïntsï tiempu para eratsintani ini erokuarhikuani, ka sánderu jiáni enga nema uarhijka? (2Ko 4:17, 18). ¿Agradeserikusïntsï Jeobani engajtsïni íntskuka ini regaluni tsíntskueri ka engajtsïni eiangujka Bibliarhu eskaksï uarhiricha tsíntaaka? (Kol 3:15).

  • ¿Náki familiari o amiguntsï uékasïni exentani?

  • ¿Náki Bibliarhu anapu personajentsï uékasïni mítini ka uandontskuarhikuni?