Aplikasioni JW Library programa máesti gratisi para telefonu, tableta o komputadora ka marhuasïndi para késkuni Bibliani ka máteru publikasionichani, ístu bideuechani ka audiu.

NÉNA KÉSKUNI: Incha je Internetirhu, késku je ka instalari je JW Library jima uératini engaksï késkunhajka aplikasionicha. I aplikasioni jindesti para selulari, tableta ka komputadora. Engajtsï jatsiaka Interneti, míta je aplikasionini ka eraku je ambe engajtsï uéjka késkuni. Engajtsï no jatsika Interneti, uákajtsï Kʼumanchikua Reinuerirhu anapu úrani, bibliotekeri ma o nani enga jauaka. Engajtsï na késkuauakia publikasionichani, nóteru uétarhiatia Interneti parajtsï úraani. Ka jimboka sánhani arhiaka jimbanhi ambe jatsikunhani, jatsiakajtsï para késkuani aktualisasionichani engaksï jauakia.

ANDISÏ UÉTARHIJKI: JW Library kánikua marhuasïndi para ma estudiarini ka para tánguarhikuecha. Ístu marhuasïndi para eianhpini, ka sánderia enga xanharu jimboeuaka.