Erokuarhikua ísïsti eska ankla ma (Eb 6:19). Jarhuatasïndijtsïni parachi no chkeni engachi uandanhiata ambe nitamaaka Tata Diosïni marhuakuparini (1Ti 1:18, 19). Íksï uandanhiatecha uáti jarhani engachi no uáka sési úni ambe ma, engachi tsïtaaka jatsikuarhikua ambe, kʼérati pʼamenchakuecha jimbo, engachi uarhiranchaaka nemani o máteru ambe enga úpiringa úni eskachi jurajkuaka Jeobani.

Jakajkukua ka erokuarhikua, jarhuatasïndijtsïni seguru jarhani eska kumplirikuarhiaka ambe engachi aiaminhaka (2Ko 4:16-18; Eb 11:13, 26, 27). Ia sea engachi auandarhu irekaaka o Echerirhu, jatsiskachi para méntku eratsintani jarhani ambe enga Biblia eiatspijka, para uinhaperantani juchari erokuarhikuani. Ísï úparini, sánderu fásiliuati tsípini pʼikuarherani, nájkirukachi jatsiauaka tsʼéjkukuechani (1Pe 1:6, 7).

ENGAJTSÏ EXEAKIA BIDEUNI EROKUARHIKUA MA ENGAJTSÏNI KÁNIKUA SÉSI PʼIKUASTAJKA”, MÓKUANTA JE ARINI KURHAMARHIKUECHANI:

  • ¿Andisï Moisesi ambakiti ejemplu máe para jucha?

  • ¿Náki responsabilidadiksï jatsiski familiaeri orhejtsïkuticha?

  • ¿Náki temechanksï uá exeani familiaeri jorhenguarhikuarhu?

  • ¿Nénajtsïni uá jarhuatani erokuarhikua parachi úni orhepani uérakuani tsʼéjkukuechani?

  • ¿Ambejtsï sánderu tsípikua jingoni erokuarhixaki?