Tata Jesukristu uandaspti: “Chájtsï no meiampiska indeni ambe jimbo engajtsï intsïnhaka, jimajkani chájtu íntspinta je ka no kobrarpini” (Mt 10:8). Kurhajchasïngachi Jesusini engachi no kobrarpijka Bibliani jimbo ni Bibliaeri publikasionicha jimbo (2Ko 2:17). Peru i publikasionichaksï jukaasti jukaparhakua jorhentperakuechani Tata Diosïri Karakateri. Ka para imprimiriuani ka axaani interu parhakpini anapu kúnguarhikuecharhu, kánikua tumina ka ánchikuarhita uétarhisïndi. Ísï jimbo, jatsipiringachi para imechantku pʼíkuani engachi úrauaka.

Sési eratsinta je néntsï uá íntsaani publikasionichani, asta jiáni engajtsï xanharu ísï eianhpini jauaka (Mt 7:6). Enbesi de íntskuni publikasioni ma, iámindu imani enga nitamaaka, jánguarhi je uandontskuarhikuni kʼuiripuni parajtsï exeni na xáni interesi jatsiski. ¿Uájtsï mókuntani eska jo sikiera máechakua kurhamarhikuani enga rekuadrurhu jaka? Engajtsï no seguru jaka eska nema interesi jatsiska, sánderu sésiuati eskajtsï tratadu ma íntskuaka. Peruchi tsípikua jingoni íntskuaka rebista ma o máteru publikasioni imani enga kurhajkuarhiaka (Pr 3:27, 28).