Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Agostu de 2017

 KRISTIANUECHERI IREKUA

¿Na jatini úpirini prekursori auxiliariini?

¿Na jatini úpirini prekursori auxiliariini?

Templu Esekieliri bisioniri, xarhatasïndi eska Jeobaeri ireta tsípikua jingoni uápiringa kéjtsïtakuechani. ¿Nénachi uá jucha kéjtsïtakua úkuani Jeobani parachi kʼéri ambe arhini? (Eb 13:15, 16).

Ma ambe enga kánikua jukaparhakueka jindesti prekursori auxiliariini. Aniu de serbisiu 2018 jimbo, uánikua kutsï sinku sábadu o sinku domingu jukasti. I ambe jarhuatauati imechani engaksï tiempu kompletu ánchikuarhijka ka engaksï fin de semana aianhpijka. Ístu, eianhpirichaksï uáti erakuni 30 o 50 ora eianhpini marsuni ka abrilini, ka jiáni enga sirkuitueri orhejtsïkuti pʼorhembiani jauaka.

¿Ka engachi no uáka prekursori auxiliarinia? Jiájkani, jarhasti ambe ma engachi uáka úni: iáminduchi uáka jánguarhintani sánderu aianhpeni ka sánderu sési. Ambe uéjki jarhani, eskajtsïni juchari uékperakua Jeobani jimbo, manataaka íntskuni sánderu ambakiti ambe aniu de serbisiu 2018 jimbo (Os 14:2).

¿Néna uá tsípikua jingoni eianhpini ísï eska Sabina Hernández?

EXE JE BIDEUNI JEOBAERI JARHUAJPERATA JIMBO, SÁNO IÁMINDU AMBE ÚSÏNGA ÚNIKA MÓKUANTA JE ARINI KURHAMARHIKUECHANI:

  • ¿Andisï Sabina tsitijki sánderu marhuakuni Jeobani?

  • ¿Nénaksïni uinhaperantasïni chánksïni Sabinaeri ejemplu?

  • Aniu de serbisiuni 2018, ¿ambe mesi o mesichani úpirintsï prekursori auxiliariini?