Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Programa para ánchikuarhini tánguarhikuarhu Kristianuecheri Irekua ka Aianhpikua  |  Abrili de 2017

 KRISTIANUECHERI IREKUA

Reinueri pirekuechajtsïni íntskusïndi balori

Reinueri pirekuechajtsïni íntskusïndi balori

Pablu ka Silasi, pirekusptiksï Jeobani engaksï ónhakata japka (Uk 16:25). Ka sánderu iásï sáni, juchari erachichaksï pireasti Reinueri pirekuechani engaksï jupikata japka kampurhu ma jini Sachsenhausen, Alemania nasi ka engaksï Siberia pánhani japka. Íksï eranhikuecha xarhatasïndi eskaksï i pirekuecha úsïnga uinhaperantaani erachichani engaksï tsʼéjkukuechani jatsiauaka.

Jimbanhi libru pirekuecheri enga arhinhajka Cantemos con gozo a Jehová, no ióndani jauatia uánikua idiomecha jimbo. Engachi kámani jauakia, uákachi pireani pirekuechani juchari familiaeri jorhenguarhikuarhu parachi patsajtsïani (Ef 5:19). Ka ísï, engaksï jauaka tsʼéjkukuecha, espiritu santu uáti eskachi miántauaka. Reinueri pirekuechajtsïni jarhuatasïndi juchari erokuarhikuani miáni jarhani. Íntskusïndijtsïni uinhapikua engachi jatsiauaka tsʼéjkukuechani. Ka nájkirukachi sési jauaka, jarhuatasïndijtsïni parachi “tsípikua jingoni pireni”, jimbokachi kánikua sési pʼikuarherasïnga (1Cr 15:16; Sl 33:1-3). Ísï jimbo, ju je jánguarhintani úraani Reinueri pirekuechani.

EXE JE BIDEUNI PIREKUA MA ENGA KATSÏKUAKA KADENECHANI KA TÁTSEKUA MÓKUANTA JE INI KURHAMARHIKUECHANI:

  • ¿Ambe úspi eska erachi Frost úntapiringa pirekua ma?

  • ¿Néna uinhaperantaaspi erachichani pirekua engaksï Sachsenhausen japka kampurhu ma?

  • ¿Kániksïni úpirini uinhaperantani Reinueri pirekuecha?

  • ¿Náki pirekuechantsï tsitipirini jorhenguarhiani?