Exeni ambe enga jataka

Segundu menu jimbo nirani

Jeobaeri testiguecha

Purépecha

¿Uáksï tsíntani uarhiricha?

¿Uáksï tsíntani uarhiricha?

¿Uandapirintsï eska...

  • ... jo?

  • ... nómbe?

  • ... jamberi?

 AMBE ENGA BIBLIA UANDAJKA

“Tsíntaa[tiksï] uarhiricha.” (Ukuecha 24:15, Jimbaŋi Eiatsperakua Tata Jesukristueri.)

NÉNAKSÏNI MARHUACHISÏNI JAKAJKUNI TSÍNTSKUANI

Tsíntskuaksïni uinhaperantaati engajtsï uarhiranchaaka nemani (2 Korintu 1:3, 4).

Chájtsï nóteru chéakia uarhini (Ebreu 2:15).

Uaakajtsï mintsikani i erokuarhikuani, eskajtsï ménderu exeantauaka imechani engajtsï xáni uékauenga ka engaksï uarhikia (Juanu 5:28, 29).

 ¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

  • Tata Diosïjtsïni kueraasti. Biblia arhisïndi Jeobani “ima enga tsípikua íntspijka” (Salmo 36:9, Traducción del Nuevo Mundo; Ukuecha 17:24, 25). Jiájkani, enga Tata Diosï tsípikua íntskuka iámindu ambeni enga tsípiti jaka, ístu uinhapikua jatsisti para tsítantani nemani enga uarhikia.

  • Tata Diosï ióntki tsítantaastia uarhirichani. Biblia uandantasïndi ochu kʼuiripuecheri engaksï tsíntaka —tumbicha, tʼarhepiticha, achaticha ka uarhiiticha— ka engaksï ménderu irekapka ixú Parhakpinirhu. Máruksï no xáni ióni uarhirixapti, peru ma, tʼámu jurhiatikua páxaptia uarhirini (Juanu 11:39-44).

  • Tata Diosï uékaxati ménderu tsítantaani uarhirichani. Jeoba kurhunhisïndi uarhikuani ka ísï exesïndi komueska ikiatspiti ma (1 Korintu 15:26). Ísï jimbo, ima uékaxati kʼamarani ini ikiatspitini jingoni, ka tsíntskuani jimbo kʼamajkuati uarhikuani. Tata Diosï uékaxati tsítantaani imechani engaksï imeri eratsikuarhu jaka, para ménderu tsípiti exeani ixú Parhakpinirhu (Job 14:14, 15).

 KURHAMARHIKUARHI JE

¿Andichisï tʼarhepijki ka uarhini?

Biblia mókuntasïndi ini kurhamarhikuani ixú GÉNESIS 3:17-19 ka ROMA 5:12.

PARAJTSÏ SÁNDERU MÍTINI

AMBAKITI AMBE ENGA TATA DIOSÏRIKA

¿Ambe ambakiti erokuarhikua jarhaski para uarhiricha?

¿Ambe úkuarhisïni juchantsïni jingoni engachi uarhijka? ¿Uáchi ménderu exeantani imeechani engachi uarhiranchaka?