Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

“Tata Diosïri xénchperakuarhu ja je”

Karta ma Grupueri enga Orhejtsïkuajka iámindu kúnguarhikuechani

Karta ma Grupueri enga Orhejtsïkuajka iámindu kúnguarhikuechani

Para imecha engaksï uékajka Jeobani:

Jesusi uandasti: “Mítiakajtsï indeni ambe enga sési jimboeka, [jurhimbikuani, TNM], ka inde enga sési jimboeka, uáti eska cha nóteru jinde[u]aka jántspiricha” (Juanu 8:32). ¡Xáni engajtsïni uinhaperantajka i uandakuecha! Jo, uákachi jatsini jurhimbikuani, ini xáni no sési járhati jurhiatikuecharhu, engaksï jindeeka “últimu jurhiatikuecha” enga puru chkuanderakua ambe jaka (2 Timoteo 3:1). Seguruchi jarhaska eskachi miáni jaka na engachi sési pʼikuarherapka, engachi jorhenguarhika jurhimbikuani enga Bibliarhu jaka. ¡Xáni ambakiti ambe engachi nitamakuarhika!

Peru no nomasi uétarhisïndi sési mítini jurhimbikuani ka jánguarhintani nirani eianhpini. Sánderu sési, uétarhisïndi ísï irekani. Jatsiskachi para Tata Diosïri xénchperakuarhu jarhani. Peru, ¿nénachi uá imeri uékperakuarhu jarhani? Ma chúrikua ante de uarhini, Jesusi uandasti nénachi uá ísï úni, enga arhiapka imeri apostulichani: “Engajtsï cha janhanharhiska ambe engaksïni ji juramuchijka, májku jásï eskani ji na janhanharhijka ambe engarini juchiti Táti juramuchika, jíksïni méntku jauenaaka uékani májku jásï eskarini Táti na uékajka jindeni” (Juanu 15:10).

¿Exeskichia na enga Jesusi úpka Tata Diosïri uékperakuarhu jarhani? Kurhandiparini ambe enga Imeri Táti juramuenga. Ka májkuenisti juchantsïni jingoni. Parachi úni Tata Diosïri xénchperakuarhu jarhani, jatsiskachi para úrani jurhimbikuani iámindu ambe jimbo engachi uáka. Sésimindusï uandapti Jesusi ima mísmu chúrikua: “Engajtsï cha jánhaskajka ini ambe, ka úntsï eskaksïni ji na arhijka, tsípintsï jauaka” (Juanu 13:17).

Kánikuachi uékasïnga eskaksïni i libru jarhuataaka, parajtsï úni jarhani ambe enga jurhimbikueka ka ísïjtsï úni ‘Tata Diosïri xénchperakuarhu jarhani engajtsïni tsípikuarhu paaka enga méntkisïka’ (Júdasïri 21, TDU).

Grupu enga Orhejtsïkuajka iámindu kúnguarhikuechani Jeobaeri Testiguecheri