Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

“Tata Diosïri xénchperakuarhu ja je”

 KAPITULU 6

Nénachi uá erakuni sési tsípikuarhini

Nénachi uá erakuni sési tsípikuarhini

“Ú je iámindu ambe para eska Diosï kʼéri ambe arhinhaaka.” (1 KORINTU 10:31.)

1, 2. ¿Ambe uétarhisïni exeni engachi erakuni jámaaka néna tsípikuarhini?

ERANHASKA je eskajtsï arhaxamka fruta ma, perujtsï exesïnga eska terejtarhaskia. ¿Ambejtsï uá? Úpiringajtsï: iámu arhani, kʼuanikuni o pʼikujtakuni imani enga terejtarhakia ka arhani imani enga sési jaka. ¿Ambejtsï uá?

2 Sáno májkueni úkuarhisïndi eska i fruta jingoni enga ma uékajka tsípikuarhini. Engachi exeajka tsípikuarhitechani, exesïngachi eskaksï uánikuecha ikichakueni jáxetixaka. ¿Ambechi uá? Máruksï iámu “arhasïndi”, ka nóksï exesïni sésiksï jarhaski o nómbe. Máteruksï no ma jiókuarhisïndi paraksï no sési úkuarhinchani. Ka máteruechaksï no úsïndi imani ambe engaksï no sési jauaka, peruksï ménisï tsípikuarhisïndi imani ambe jingoni enga sési jauaka. Jimajkani, ¿ambechi erakua jucha parachi méntkisï Tata Diosïri xénchperakuarhu jarhani?

3. ¿Ambechi exea iáiasï?

3 Sáno iámindu jucha, últimunchi erakupiringa: mítiskachi eskachi uétarhinchasïnga tsípikuarhini, peru solu imani ambe jingoni engajtsïni no no sési pʼikuastaaka. Peru para úni i ambe úkuarhini, jatsiskachi para mítini nákiksï sési jarhaski ka nákiksï nómbe. Peru ante de exenchi nénachi uá sési erakuani tsípikuarhitechani, exeakachi néna úpirini i ambe no sési úkuni juchari pájperakuani Jeobani jingoni.

 “Ú JE IÁMINDU AMBE PARA ESKA DIOSÏ KʼÉRI AMBE ARHINHAAKA”

4. Miáni eskachi aiakukuarheskia Tata Diosïni, ¿nénajtsïni jarhuatasïni parachi erakuni néna tsípikuarhini?

4 Nótki iónisti enga Jeobaeri testigu ma enga itsï atakuarhipka 1946 jimbo uandapka: “Pʼindeskia no méni tsïtakuarhini diskursuni enga jindeka para imecha engaksï itsï atakuarhiaka ka méntkisïni jingontkuni kurhaasïnga, ísïni kurhaasïnga enajkini ji jindeua engani itsï atakuarhiaka”. Tátsekua uandaspti andisï ísï uéni: “Miántani eskani aiakukuarheskia Jeobani, kánikuarini jarhuatasïndi parani méntkisï marhuakuni”. Juchajtuchi májkueni eratsisïnga: parachi méntkisï marhuakuni Jeobani jatsiskachi para miántani ambe engachi aiakuka. ¿Ambechi arhiski engachi aiakukuarheka? Eskachi úraaka juchari tsípikuani parachi marhuakuni (arhinta je Eclesiastés 5:4). I aiatsperakua, úsïndi eskachi xarhataaka na engachi exejka nirani aianhpini Reinueri ambe. Peru ístu jatsisti para manatani máteruni ambe engachi újka, komueska engachi erakujka néna tsípikuarhini. Ísï xarhataspti apostuli Pablu enga karakuapka kristianuechani engaksï imani jurhiatikuechani japka: “Engajtsï tʼireaka o itsïmani o máteru ambe, ú je iámindu ambe para eska Diosï kʼéri ambe arhinhaaka” (1 Korintu 10:31).

5. Levítico 22:18-20 uandasïrendi ambe ma enga no jatsipka para úkuarhini, jimajkani, ¿ambe jimbochi jatsiski para jingontku jámani seguni Roma 12:1?

5 Eskachi na exejka, iámindu ambe engachi újka, sési úkusïndi o no sési úkusïndi, juchari marhuakukuani engachi Jeobani íntskujka. Ísï xarhataspti apostuli Pablu enga ini ambakiti uandakuechani karakuapka Roma anapu kristianuechani, arhiaspti: “Entregarianta[...] [je] chári kuerpuechani Diosïni komueska ma kéjtsïtakua enga tsípitika ka pímbinhasïni ka enga Diosï jeiapanhintajka, jimboka inde ambe jindeska enga terokuntajka parajtsï kʼéri ambe arhini Diosïni” (Roma 12:1). ¿Ambe arhikuekasïreni Pablu enga kuerpueri ambe uandaenga? Iámu juchari ambe arhikuekaxapti,  juchari eratsikuani, mintsitani ka uinhapikuani (Markusʌ 12:30). ¿Ka nénachi íntspisïni juchari kuerpuni komueska kéjtsïtakua ma? Marhuakuparini Tata Diosïni iámu alma jingoni, jo, iámu ambe jingoni. I uandakua, “kéjtsïtakua”, enga úrakuarhika ixú, arhikuekasïndi eskachi jatsiska para jingontku jámani máru ambe jimbo. ¿Andi? Jimboka Moisesiri Lei uandasïrenga eskaksï no kéjtsïtaapiringa animalichani engaksï no ambarhatipiringa; Tata Diosï no jaiapanhiantasïrendi (Levítico 22:18-20). Májkueni, enga kristianu ma no sési marhuakuaka Jeobani, ima no jaiapanhintaati. Peru, ¿ambe úpirini úni eska Jeoba no jaiapanhintaaka juchari kéjtsïtakuani?

6, 7. ¿Néna úpirini kristianu ma no sési jájkuni imeri kuerpuni, ka ambe tsïtapirini?

6 Pablu arhispti Roma anapu kristianuechani: “Ásteru jurajkutakuarhi je eska pekadu úraaka chári kuerpurhu anapu ambeni para no sési úrani”. Ístu uandaspti eskachi “uándikua[piringa] mintsita tamapueri úkuechani”, o “úkuechani enga kuerpu tsitiajka” (Roma 6:12-14; Romanos 8:13, TNM). Orheta uandasptia kuerpurhu ambe, ka na engaksï máru úrajka para no sési ambe niátani. I ambe uandaspti imecheri engaksï pekadu újka: “Imecheri penchumikua ísïsti eska ma pʼorhota jima enga uarhiricha jatsinhantajka, ka imecheri katambechani jimboksï kʼarhapini jámasïndi, ka imecheri penchumikuarhu  jarhasti ma benenu enga ísïka eska ma akuitsi tsiriparheri. Ka imecheri penchumikuarhu uinirixati xukajchperata ka ikichakueni jásï uandakua ka uiriakuarkuksï jámasïndi paraksï iurhiri tsïtatspini, ka jimangaksï ísï jámajka, xeretpisïndiksï ka uandanhiatpinksï, ka nóksï mítisti pínandikueri xanharuni. Ka nójtuksï sáni chérhisïndi Diosïni” (Roma 3:13-18). ¿Ambe úkuarhipirini enga kristianu ma, úrapiringa ma parti kuerpueri para i jásï pekaduechani uáni? No sési jájkuni japirindi imeri kuerpuni. Exe je ini ejempluni, enga tsitipiringa exeni ikichakueni jásï ambe, komueska pornografia o no sési kámberakua ambe, “pekadu úrani” japirindi imeri éskuechani ka jimajkani no sési úrani japirindi imeri kuerpuni. Nóteru úpirindia kéjtsïtakua úkuni Tata Diosïni imeri kuerpuni, jimboka nóteru úpiringia sési o pímbinhasï marhuakuni (Deuteronomio 15:21; 1 Pedru 1:14-16; 2 Pedru 3:11). Kánikua ambe tsïtapirindi, jimboka no úska sési erakuni néna tsípikuarhini.

7 Xarharasïndi jiájkani eska sési o no sési erakuani tsípikuarhitechani, uákajtsïni sési o no sési úcheni. Jucha no uékasïnga eska ima ambe engachi erakuaka úni parachi tsípikuarhini, tsïjpaaka juchari marhuakukuani Tata Diosïni jingoni, sino eska sánderu ambakiti úkuarhiaka. Iásï ju je exeni, nénachi uá mítini sésiski ambe ma engachi uékani jaka úni, o nómbe.

“ASÏMINDU JÁMA JE JIÓKUARHINI INDENI AMBE ENGA NO SÉSIKA”

8, 9. a) ¿Ambe tsimani jásï tsípikuarhitecha jarhaski? b) ¿Ambe jásï tsípikuarhitechanchi no jaiapanhintasïni, ka andi?

8 Para kristianu ma, tsimani jásï tsípikuarhitechaksï jarhasti: imecha enga meru no jatsika para úni, ka imecha enga uáka úni enga imeri konsiensia jiárataska. Ju je exeni orheta: ima ambe enga kristianu no jatsika para úni.

9 Eskachi na exekia kapitulu 1 jimbo, uánikua pájinecha Internetirhu, pelikulecha, programecha telebisionirhu ka  kústakua, imani ambeksï xarhatasïndi enga Biblia no jaiapanhintajka. Íchaksï xarhatasïndi ka tsitirpini ísku jándikua ambe, no sési kámberakuani, Noambakitiri úkuechani ka pornografia. ¿Ambechi jatsiski para úni kristianu jurhimbiticha, imani tsípikuarhitechani jingoni enga tsitirpiaka o enga ísï xarhataaka eskaksï sési jarhaska ima jánguecha enga Tata Diosïri Karakata no jeiapanhintajka? Méntku no jaiapanhiantani (Ukuecha 15:28, 29; 1 Korintu 6:9, 10; Jaŋaskuecha 21:8). Ísïchi uáka xarhatakuni Jeobani eskachi kánikua jukaparharaasïnga ini tsimani juramukuechani: “Asïmindu jáma je jiókuarhini indeni ambe enga no sésika” ka “Késtatakuarhi je indeni ambe enga no sésika ka sési jáma je”. Engachi ísï úska, xarhataakachi eskachi “mintsita jingoni[sï] jakajkuni jaka” (Roma 12:9; 1 Pedru 3:11; 2 Timoteo 1:5).

10. ¿Ambeksï uandasïni máru, ka andisï no sési jaki ísï eratsini?

10 Máruksï uandasïndi eska no no sési jarhaska imani ambe exeni enga xarhatajka ima ambe enga Biblia meru no jaiapanhintajka. Jamberiksï uandajti: “Ma ambeesti exeni, ka máteru ambeesti ísï úni”. Peru imecha engaksï ísï eratsijka, jandiajkuksï enganiarikuarhisïndi ka uátiksï no sési úkuarhinchani (arhinta je Jeremías 17:9). Engachi tsitiaka exeni imani ambe enga Jeoba no jaiapanhintajka, ¿úpirinchi meru uandani eskachi no “jiókuarhi[sïnga] indeni ambe enga no sésika”? Ístu, engachi mémindu uéntaaka no sési jásï ambe exeni, juchari konsiensia nóteru sési marhuauatia ka i ambe úpirindi úni eskachi pekadu uáka o eskachi no no sési exeaka engaksï máteruecha no sési jásï ambe uáka (Salmo 119:70; 1 Timoteo 4:1, 2).

11. ¿Néna jarhuajpisïni Galasia 6:7 para ma úni erakuani tsípikuarhitechani?

11 Ka i ambeksïsï úkuarhinchatia máru kristianuecha. Xánksï pʼindesïndi ísku jándikua ambe exeni, engaksï tátsekua imechajtu niárajka ísï úni. Ka ísïksï niárasïndi no sési jásï jimbo jorhenguarhini eska “iámindu ambe enga ma kʼuiripu  [ikarajka], indeni ambemindu pʼikuntaaka” (Galasia 6:7). Peruchi no jatsiska para májkueni enganiarikuarhini. Engachi jánguarhintaska tsikirani juchari eratsikuarhu ambakiti ambe, ambakiti ambechi pʼikuntaaka (exe je rekuadruni “ ¿Ambe jásï tsípikuarhitechani erakuaua?”).

ERAKUNI AMBE ÚNI ÚRAPARINI BIBLIARHU ANAPU PRINSIPIUECHANI

12. ¿Néna uá úrakuarhini Roma 14:12 engachi jámaaka erakuni néna tsípikuarhini, ka nanichi exentaa jarhuajperakua parachi úni sési erakuni?

12 Iásïchi exeaka máteru járhati tsípikuarhitechani: imecha enga Biblia no uandajka eskaksï sési jarhaska o eskaksï no sési jarhaska. Íchani jingoni, mándani jucha jatsiska para exeni sésijtsïni pʼikuastaa o nómbe (arhinta je Roma 14:12). Peruchi no jatsiska para solu exeni ambe engachi jucha eratsijka. Jarhasti ambe ma engajtsïni uáka jarhuatani parachi úni erakuni ambe úni. Jo, jarhastiksï prinsipiuecha, —o jurhimbikuecha engaksï sánderu jukaparhakueka— engaksï Bibliarhu jaka. I prinsipiuechajtsïni exerasïndi na enga eratsijka Jeoba. Ísï jimbo, engachi iatsitakuarhu exeaska, uákachi mítini “ambe enga juchari Tata jeiapanhintajka” eskachi uáka juchari tsípikuarhu, jo, asta jiáni engachi tsípikuarhini jámaaka (Efesu 5:17).

13. ¿Ambejtsïni jarhuataa parachi no tsípikuarhini imani ambe jingoni enga Jeoba no jeiapanhintajka?

13 Peruchi mítiska eskachi no iámindu kristianuecha májkueni eratsisïnga, jo, eskachi no iámindu májkueni exesïnga ambe ma (Ebreu 5:14). Ka ístuksï no iámindu májkueni tsitisïndi tsípikuarhini. Ísï jimbo, nochi uáka erokuarhini eskaksï iáminduecha májkueni eratsiaka. Peru kʼóru kánikua jukaparhakuesti eskachi iáminduecha méntkisï eratsintaaka Tata Diosïri prinsipiuechani ka eskachi jurajkuaka eskaksï i prinsipiuecha manataaka juchari eratsikuani ka juchari mintsitani. Ka ísïchi uáka sési jorhendakata jarhani, parachi  no jiókuarhini imani ambe jingoni tsípikuarhini enga Jeoba no jeiapanhintajka (Salmo 119:11, 129; 1 Pedru 2:16).

14. a) ¿Ambechi máteru ambe jatsiski para exeni engachi uékaaka erakuni néna tsípikuarhini? b) ¿Ambejtsïni jarhuataa parachi méntkisï orheta peerani Reinueri ánchikuarhiteri ambe?

14 Kánikua sésisti eratsintani na engachi tsitijka tsípikuarhini, jimboka i ambe xarhataati na engachi exejka jucha ambe enga sésiika ka ambe enga no sésiika. Peru ístu uétarhisïndi máteru ambe exeni: na engachi xáni tiempu úrajka parachi tsípikuarhini. ¿Andi? Jimbokachi ísï  uáka mítini engachi jukari jukaparharani jauaka ini ambe. Nochi jatsiska para mirikurhini eska sánderu jukaparhakua ambe para kristianu ma, jindeska Reinueri ánchikuarhiteri ambe, jo, Tata Diosïri ambe (arhinta je Mateu 6:33). ¿Ambejtsïni jarhuataa parachi méntkisï orheta pérani Tata Diosïri ambe? I ambe enga Pablu uandapka: “Kuidadu jingoni jáma je, ka no komueska ima engaksï no sáni eratsikua jukaka, sino komueska ima engaksï sési eratsijka, ka nójtsï xáni ísku tiempu tsïtani jámani” (Efesu 5:15, 16). Ísï jimbo, engachi sési uaxastaaka na engachi xáni tiempu úraaka parachi tsípikuarhini, sánderuchi tiempu jatsiaka parachi úni “ambe enga sánderu ambakitika”, jo, parachi úni imani ambe engajtsïni jarhuataaka parachi sánderu sési pájperani Jeobani jingoni (Filipusʌ 1:10).

15. ¿Andisï jukaparhakue sánderu ambe exeni engachi uékaaka erakuni néna tsípikuarhini?

15 Engachi uékaaka erakuni néna tsípikuarhini, ístu jukaparhakuesti máteru ambe exeni. ¿Ambechi arhikuekasïni? Ju je ménderu fruteri ejempluni exeni engachi primeru párrafurhu uandapka. Parachi seguru jarhani eskachi no ma ambe auaka enga terekia, asta jimachi jamberi pʼikujtakusïnga enga sési jarhajka, no solu imantku enga terekia. Engachi uékajka tsípikuarhini, kristianuechachi nómindu úsïnga ima ambe enga Biblia no jaiapanhintajka, peru ístu kánikua jukaparhakuesti eskachi no jiókuarhiaka ambe uéjki engachi no seguru jauaka eska sési jarhaska o enga ísï xarharaaka eska jataska ambe ma enga uáka no sési úkuni juchari pájperakuani Jeobani jingoni (Proverbios 4:25-27). Ma ambe engajtsïni jarhuataaka parachi ísï úni, jindesti meru ísïmindu úni ambe engajtsïni Biblia arhijka.

“INDENI AMBE ENGA [...] PÍMBINHASÏKA”

Engachi erakuaka néna tsípikuarhini, Bibliarhu anapu prinsipiuechajtsïni kuájchakusïndi parachi no jarharini Tata Diosïni

16. a) ¿Nénachi xarhatasïni eskachi imani ambe jeiapanhintasïnga enga Jeoba jeiapanhintajka? b) ¿Nénachi jatsiski para jámani pauani pauani?

16 Engachi jucha kristianuecha erakuni jámajka néna  tsípikuarhini, ma ambe engachi orheta exejka jindesti néna exesïni Tata Diosï ambe ma. Ka parachi úni ísï úni, Biblianchi arhintasïnga, jimbokachi jima úsïnga exeni na enga exejka Jeoba ambe ma ka ambe enga juramujka. Úsïngachi arhintani rei Salomoniri listani enga jimbo uandajka ambesï no sáni jaiapanhintajki Jeoba, ariksï jindesti máru ambe “katamba ma enga chkuanderajka”, “jájkichani engaksï iurhiri tsïtakujka nemani enga no kulpa jatsika”, “mintsita ma enga uékajka no sési útspini”, “jantsiricha engaksï jirejiresï uirijka para no sési ambe úni” (Proverbios 6:16-19). Engachi na exejkia ambe enga Tata Diosï eratsijka, ¿ambechi jatsiski para úni? Apostuli Pedru uandaspti: “Késtatakuarhi je indeni ambe enga no sésiika ka sési jáma je” (1 Pedru 3:11). Ísï jimbo, ambe engachi erakuaka para tsípikuarhini, jatsisti para xarhatani eskachi no tsitisïnga ambe enga Jeoba no jaiapanhintajka (Galasia 5:19-21). Ka i ambe jatsisti para xarharani engachi uánikuecha jingoni jauaka o engachi jandiajku jauaka, jimboka jiánisï uáka meru xarharani na engachi jásïika (Salmo 11:4; 16:8). ¿Meruchi uékasïni mintsita jingoni ísï irekani eska Jeoba na jeiapanhintajka? Enga ísïka, méntkisïchi orheta exeaka ambe uandasïni Bibliarhu anapu prinsipiuecha engachi uékaaka ambe ma úni. Ísïchi jatsiska para jámani pauani pauani (Efesu 5:1).

17. ¿Ambe sési japirini kurhamarhikuarhini engachi erakuni jámaaka néna tsípikuarhini?

17 ¿Ambechi máteru ambe uá úni parachi mítini sini  Jeoba jaiapanhintasïni tsípikuarhita ma? Ini kurhamarhikuani úkuarhini: “¿Nénarini marhuachia jindeni ka juchiti pájperakuani Tata Diosïni jingoni?”. Ari jindesti ejemplu ma, ante de pelikulanchi ma exeni sési japirindi eratsintani: “¿Néna pʼikuastaa juchiti konsiensiani?”. Ju je exeni máru Bibliarhu anapu prinsipiuechani engajtsïni marhuachiaka para i ambe exeni.

18, 19. a) ¿Nénajtsïni jarhuatasïni Filipusʌ 4:8 parachi erakuni ambakiti ambe jingoni tsípikuarhini? b) ¿Náki máteru prinsipiuechajtsïni uá jarhuatani? (Exe je notani.)

18 Ma prinsipiu enga sánderu jukaparhakueka ariisti enga Filipusʌ 4:8 jaka: “Enga sési jáxeka para kʼuiripuechani japarini, enga jurhimbikueka, enga pímbinhasïka, enga sési xarharajka ka sési arhikateni. Ka enga jaka sési jásï eratsikua o máteru ambe enga jukanchaka sési arhinhani, indeni ambe eratsi je”. Jo ísïsti, enga Pablu ini ambe uandapka no tsípikuarhiteri ambesï uandani japti, sino na enga xáni jukaparhakueka eratsintani imani ambe enga Tata Diosï jaiapanhintajka (Salmo 19:14). Peru i uandakuechaksï ístu marhuasïndi para erakuni néna tsípikuarhini. ¿Néna?

19 Ju je eratsini ambe engachi erakujka para tsípikuarhini, —sea pelikulecha, bideojueguecha, pirekuecha o máteru ambe— ka ju je kurhamarhikuarhini: “¿Úsïnksï eskani eratsiaka imani ambe ‘enga pímbinhasïka’?”. Engachi kʼamaraakia pelikula ma exeni, ju je eratsintani ambe pakarasïni juchari eratsikuarhu. Engachi sési jásï ka ambakiti ambe pakarajka eratsini, jimajkani ambakiti ambechi erakuska para tsípikuarhini. Peruchi no úpiringa májkueni uandani engachi no sési jásï ambe pakaraska eratsini (Mateu 12:33; Markusʌ 7:20-23). ¿Nénajtsïni no sési ambe úchesïni no sési jásï ambe eratsini? Nochi agustu jarhasïnga, no sési úkusïndi juchari konsiensiani ka uáti tsïjpani juchari pájperakuani Tata Diosïni jingoni (1 Korintu 6:9, 10; 1 Timoteo 1:5, 19). Mítiparini na engaksï xáni no sési útspejka no sési járhati tsípikuarhitecha, uétarhisïndi eskachi  no méni jámaaka ini ambe úni (Roma 12:2). * Uékasïngachi ísïni eska salmista enga kurhakupka Jeobani: “Ú eskaksï juchiti éskuecha no exeaka indeni ambe enga ísku ambeeka” (Salmo 119:37).

JU JE UANDANHIANI MÁTERUECHA JIMBO

20, 21. ¿Nénachi uá úrani 1 Korintu 10:23, 24 engachi jámaaka erakuni néna tsípikuarhini?

20 Pablu uandaspti Bibliarhu anapu prinsipiu ma engachi jatsika para eratsini engachi uékaaka ambe ma úni: “Sésikua jatsiskani para iámindu ambe úni, peru no iámindu ambe jarhuatpisïndi. Jimajkani asï nema jirinhakuarhie solu indeni ambe enga para imajkumindu sési uéraaka sino ambe enga jarhuataaka máteruntu” (1 Korintu 10:23, 24). ¿Ambejtsïni jarhuataa parachi úrani i prinsipiuni engachi jirinhani jauaka néna tsípikuarhini? Úkuarhinchi ini kurhamarhikuani: “¿Néna jarhuataua máteruechani ambe engani ji erakuaka?”.

21 Jamberijtsïni juchari konsiensia arhijti eskachi uáka “iámindu ambe úni”, engachi uékaaka tsípikuarhini. Peru engachi exeaka eskaksï máteru erachicheri konsiensia no májkueni exesïnga ambe ma eska juchari, jánguarhintaakachi máteru ambe úni. ¿Andi? Jimbokachi no uékasïnga eskaksï úkua exeaka erachicha marhuakuni Tata Diosïni. Jimboka i ambe jindepiringa pekadu úkuani “juchari ermanuechani” o eska na uandapka Pablu úpiringachi ‘Kristuni no sési úkuni’. Jatsiskachi para kánikua jukaparharani ini uandakuechani: “Asï jáma je úni ambe enga pekadu úrauaka” (1 Korintu 8:12; 10:32). Jurhimbiti kristianuechachi no tsípikuarhisïnga imani ambe jingoni engachi uáka “úni” peru enga no ‘jarhuatauaka’ juchari erachichani. Ísïchi uáka chúxapaani indeni xáni ambakiti  konsejuechani enga apostuli Pablu uandaapka (Roma 14:1; 15:1).

22. ¿Andichisï jatsi para respetarini na engaksï eratsijka máteruecha engaksï erakuaka ambe ma úni?

22 Peru ístu, uétarhisïndi uandanhiani erachi jimbo, engachi jucha jindeuaka engachi jatsiaka konsiensia ma enga no xáni uinhapitiuaka. Enga ísïuaka, nochi jatsiska para afuersa uékani eskaksï juchari erachicha májkueni eratsiaka eska jucha enga tsípikuarhiteri ambeuaka. I ambe ísïpirindi komueska uékani eska iámindu trokecha májkuenksï uiriaka eska jucha, karreterarhu. Ísï jimbo, engaksï máteru erachicha erakuaka tsípikuarhini imani ambe jingoni engachi no káni sési exejka, peru enga no uanajchakuauaka Bibliarhu anapu prinsipiuechani, ¿ambechi uá? Uékperakua jimbo, respetariuakachi na engaksï eratsijka. Ka ísïksï uáti iámindu exeni, eskachi “no solu pendienti pá[sïnga] para [ju]chajkumindu sési uérani, sino ístu [eskachi] pendienti pá[sïnga] para máteruecha” (Filipusʌ 2:4; Eclesiastés 7:16).

23. ¿Ambechi jatsiski para úni parachi úni sési erakuni néna tsípikuarhini?

23 Jimajkani, ¿ambechi jatsiska para úni parachi úni erakuni sési tsípikuarhini? Orhetachi exeaka eska no xarhataaka ima no sési jásï ambe enga Biblia méntku no jeiapanhintajka, ka enga i ambe jataaka, méntkuchi no jámaaka jiókuarhiani. Ka enga ima ambeuaka enga Biblia no uandaaka eska sési jarhaska o eska no sési jarhaska, jimajkani uétarhiati Bibliarhu anapu prinsipiuechani úraani parachi erakuni ambe úni. Ístu, nochi uáka ambe engajtsïni no sési pʼikuastachiaka konsiensiani, ka jánguarhintaakachi para no úni ambe enga uáka no sési pʼikuastaani máteruechani, ka sánderu enga no sési pʼikuastauaka erachichani. Engachi jánguarhintaska sési erakuni néna tsípikuarhini, kʼéri ambechi arhiaka Tata Diosïni ka imeri uékperakuarhuchi jauaka, mándani jucha ka ístu iámu juchari familia.

^ párr. 19 Exentaakajtsï sánderu prinsipiuechani engaksï uáka úrakuarhini para tsípikuarhiteri ambe exeni ixú Proverbios 3:31; 13:20; Efesu 5:3, 4 ka Kolosasi 3:5, 8, 20.