Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

“Tata Diosïri xénchperakuarhu ja je”

 APENDISI

Ambe úni para nóteru masturbarikuarhinia

Ambe úni para nóteru masturbarikuarhinia

Masturbarikuarhini bisiu máesti enga újka eska no sési úkuarhiaka imeri pájperakua Jeoba jingoni, jimboka úsïnga eska nema ísï exekuarhiaka enajki no nema sánderu jukaparha eska ima ka no sési úkusïndi eratsikuani. * Engaksï ini ambe pʼindeka úni, úpirindiksï puru ísï exeani kʼuiripuechani komueska ambe májku para relasioni sexuali jatsini, nomasi paraksï sési pʼikuarherani. Imaksï eratsisïndi eska ma ambeska relasioni sexuali jatsini  ka máteru ambe xénchperani, ka exesïndiksï eska ambe máeska nomasi paraksï sési pʼikuarherani ma ratu ka enga újka eska ma no xáni eratsiaka relasioni sexuali jatsini. I ambe marhuasïndi solu para ma ratu. Jimboka masturbarikuarhini no úsïnga eska ma no pʼikuarheraaka ísku jándikua ambe uékani úni ka ikichakueni jásï ambe, sánderu sési, sánderu tsitisïndi ma ini ambe úni (Kolosasi 3:5).

Apostuli Pablu karasti: “Jaue pímbinhasïntani para iámindu indeni no sési jásï ambe jingoni enga kuerpu újka ka enga mintsita tamapu eratsijka, parajtsï sési jimbo pímbinhasïni Diosïni janhanharhiparini” (2 Korintu 7:1). Para máru kʼuiripuecha kánikua úkua jukakuasïndi ísï pímbinhasïntani eska na uandajka i textu; peruksï no jatsisti para kuatantani, jimboka Jeoba méntkisï “jingontku jarhasïnga para puátspintani” ka para jarhuajpini (Salmo 86:5; Lukasʌ 11:9-13). Ménisï úpirindi ma uelta ménderu indeni ambe niátani, peru xarhatasïndi eska uékasïnga jurajkuni, jimbosï no sési pʼikuarherajti enga ménderu i ambe újka, ka jánguarhintasïndi para nóteru indeni bisiuni únia. Nochi méni jatsiska para mirikurhini eska “[Tata] Diosï sánderu kʼéris[ka] eska juchari mintsita, ka mítisti iámindu ambe” (1 Juanu 3:20). Engajtsïni ima exejka, no puru exeani jarhasïndi juchari pekaduechani, sino iámu na engachi jásïka. Ka jimboka ima sési mítiska na engachi nitamakuarhejka, pʼamojkusïndijtsïni engachi kurhakujka eskajtsïni puáchentaaka. Ísï jimbo, ju je no méni jurajkuni pauani pauani mintsita jingoni ka kaxumbikua jingoni kómarhini, ísï eska sapi ma enga nirajka tátembani andarherani para jarhuajperata kurhakuni. Jo, Jeoba uáti úni eska juchari konsiensia pímbinhaxentaaka (Salmo 51:1-12, 17; Isaías 1:18). Peru ísïsti, no nomasi uétarhisïndi kómarhini, sino ísï úni eskachi na kurhajkuarhijka ka jirejiresï úni ambe ma, komueska no jámani pornografia ambe exeni, sea Interneti jimbo, rebistechani jimbo, pelikulechani jimbo, o máteru i jásï ambe jimbo. *

 Enga útasï seguiriska ísï úkuekani, ma jatsisti para jirejiresï uandontskuarhini imeri tátembani jingoni (o amamba jingoni) enga kristianueuaka o erachi ma jingoni (o pirenchi ma jingoni) enga jánhaskatiuaka ka enga uandanhiajka máteruechani jimbo (Proverbios 1:8, 9; 1 Tesalonika 5:14; Titu 2:3-5). *

^ párr. 3 Masturbarikuarhini jindesti pʼájchukuarhini jarhani o pʼárhini jarhani imeri partini sáno méntkisï astaka kʼamarajka.

^ párr. 1 Uánikuechaksï uandasïndi eska marhuasïnga jima peerani komputadorani enga iámindu familia uáka exeni, i ambe úsïndi eska sési úrakuarhiaka komputadora. Peru miá je eska ma úsïnga Internetirhu inchani selulari jimbo, o máteru aparatuechani jimbo. Máruksï jatsikuasïndi filtruechani komputadorechani, o programechani para no i jásï ambe xarharani. Peru uétarhisïndi miáni eskaksï i programecha no méntkisï seguruesïnga.

^ párr. 1 Parajtsï sánderu ambe mítini néna nóteru masturbarikuarhinia, exe je “Los jóvenes preguntan... ¿Cómo puedo superar este hábito?”, en ¡Despertad! nobiembriri 2006, ka Lo que los jóvenes preguntan. Respuestas prácticas, vol. 1, pájinecha 178-182.