Exeni ambe enga jataka

Segundu menu jimbo nirani

Jeobaeri testiguecha

Purépecha

¿Ambeski Tata Diosïri Reinu?

¿Ambeski Tata Diosïri Reinu?

¿Uandapirintsï eska...

  • ... ambe ma engachi mintsitarhu pájka?

  • ... ambe enga Tata Diosï uékajka úni?

  • ... gobiernu ma enga auandarhu jaka?

 AMBE ENGA BIBLIA UANDAJKA

“Tata Diosï auandarhu anapu, gobiernu ma uaxastaati enga no méni kʼamajkunhaaka.” (Daniel 2:44, Traducción del Nuevo Mundo.)

“Ima kʼéri ambeati ka arhinhaati: ‘Imeri Uájpa enga sánderu kʼéri ambeeka’, ka imeri Tata Diosï íntskuati [...] juramukuani, [...] ka imeri juramukua no méni kʼamaraati.” (Lukasʌ 1:32, 33, Jimbaŋi Eiatsperakua Tata Jesukristueri.)

NÉNAKSÏNI MARHUACHISÏNI MÍTINI INI AMBE

  • Ambakiti gobiernu máesti engajtsïni uáka jarhuatani mándani arhini juchantsïni (Isaías 48:17, 18).

  • No ióni jimbo, jimbanhi parhakpinirhu, uáti eskachi sési irekaaka ka no ma pʼamenchakua jingoni (Jaŋaskuecha [Apocalipsis] 21:3, 4).

 ¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

  • Jesusi xarhatasti ambe enga uáka Tata Diosïri Reinu. Ima jorhendaasti imeri chúxapatichani eskaksï kurhajkuarhipiringa kómarhikua jimbo, eska jupiringa Tata Diosïri Reinu ka eska úkuarhipiringa ixú Parhakpinirhu ambe enga Tata Diosï uékajka (Mateu 6:9, 10). Ístu xarhatasti néna úkuarhia ambe enga uandajka inde kómarhikua.

    Enga Jesusi Echerirhu japka, uánikuechani tʼireraaspti, tsinaaspti pʼamenchatichani ka tsítantaaspti kʼuiripuechani engaksï uarhipkia (Mateu 15:29-38; Juanu 11:38-44). Jimboka Jesukristu, Tata Diosïri Reinueri Juramutipiringa, úspti xarhatani máru ambakiti ambe enga i Reinu uáka kʼuiripuechani jimbo enga juramukuani jauaka (Jaŋaskuecha 11:15).

  • Ambe enga úkuarhini jaka iámu parhakpinirhu xarhatasïndi eska no ióni jimbo juuakia Tata Diosïri Reinu. Jesusi uandaspti eska ante de Tata Diosïri Reinu pínandikua juáni Parhakpinirhu, japiringa uarhiperakuecha, kʼarhingua ka jenchekuecha iámu parhakpinirhu (Mateu 24:3, 7).

    Iásïchi exexaka eska úkuarhixaka iámindu i ambe. Ísï jimbo, uákachi seguru jarhani eska no ióni jimbo Tata Diosïri Reinu sési peentauaka ini uandanhiatechani.

 KURHAMARHIKUARHI JE

¿Nénaeua irekua enga Tata Diosïri Reinu juramuni jauakia?

Biblia mókuntasïndi ini kurhamarhikuani ixú SALMO 37:29 ka ISAÍAS 65:21-23.

PARAJTSÏ SÁNDERU MÍTINI

AMBAKITI AMBE ENGA TATA DIOSÏRIKA

¿Ambe uékasïni úni Tata Diosï ini Parhakpinini jingoni?

Bibliajtsïni eiangusïndi andisï kueraa Tata Diosï parhakpinini, káni enga kʼamakurhiaka no sési jásï ambe, ka ambe enga úkuarhiaka ini echerini jingoni ka imeecha jingoni engaksï ixú irekaka.