Exeni ambe enga jataka

Segundu menu jimbo nirani

Jeobaeri testiguecha

Purépecha

¿Kʼamakurhia ma jurhiani kómu nitamakua?

¿Kʼamakurhia ma jurhiani kómu nitamakua?

¿Uandapirintsï eska...

  • ... jo?

  • ... nómbe?

  • ... jamberi?

 AMBE ENGA BIBLIA UANDAJKA

“Ka Diosï kutsunharhikuauati iámindu uekua, ka nóteru jauatia uarhikua, ka ni uandanhiata, ka nóteru nema ueraati o pʼamenchani.” (Jaŋaskuecha [Apocalipsis] 21:4, Jimbaŋi Eiatsperakua Tata Jesukristueri [JEJ].)

NÉNAKSÏNI MARHUACHISÏNI MÍTINI INI AMBE

Uaakajtsï mintsikani eska no Tata Diosïsï úni jaka eskachi uandanhiatechani jatsiauaka (Santiagu 1:13).

Sésiksïni pʼikuastaati mítini eska Tata Diosï kurhangusïnga engachi kómu nitamakuarhejka (Zacarías 2:8).

Uaakajtsï mintsikani eska sánderu orhepani nóteru ambe ma jauakia engachi jimbo kómu nitamakuarhiaka (Salmo 37:9-11).

 ¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

  • Tata Diosï kurhunhisïndi kómu nitamakuani ka no sési kámpikuani. ¿Néna pʼikuarherapi Jeoba enga ióntki imeri ireta kánikua no sési kánhapka? Biblia arhisïndi eska ima kánikua no sési pʼikuarherasïrenga, enga exeaenga eska máteru nasionicha “pʼapʼakchakuasïrenga” (Jueces 2:18, Traducción del Nuevo Mundo).

    Tata Diosï no jaiapanhiantasïndi kʼuiripuechani engaksï újka eskaksï máteruecha kómu nitamakuarhiaka. Biblia uandasïndi eska ima kurhunhesïnga “jájkichani engaksï iurhiri tsïtakujka nemaeri enga no kulpa jatsika” (Proverbios 6:16, 17).

  • Tata Diosï uandanhiasïndi mándani juchantsïni jimbo. Jeobajtsïni pʼímarhisïndi eskachi imani jurajkukuaka iámindu juchari uandanhiatechani, ‘jimboka ima pendienti pásïnga juchantsïni jimbo’ (1 Pedru 5:7, JEJ).

    Imeri Reinuni jimbo, Tata Diosï no ióni jimbo kʼamajkuati mándani kʼuiripueri kómu nitamakuani (Mateu 6:9, 10). Peru iáiasï, Tata Diosï uékperakua jingoni, sési pʼikuastaasïndi iámindu imechani engaksï mintsita jingoni jirinhajka imani (Ukuecha 17:27; 2 Korintu 1:3, 4).

 KURHAMARHIKUARHI JE

¿Andisï jurajkujki Tata Diosï eskachi kómu nitamakuarhiaka?

Biblia mókuntasïndi ini kurhamarhikuani ixú ROMA 5:12 ka 2 PEDRU 3:9.