Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Jorhendaa je chári sapiichani

 JORHENGUARHIKUA 5

Samueli méntkisï ústi ambe enga Jeoba uékaenga

Samueli méntkisï ústi ambe enga Jeoba uékaenga

Desde kánikua sapiichu uénani, Samueli irekaspti ka marhuaspti tabernakulurhu. Tabernakulu jindespti nani enga kʼuiripu niraenga Jeobani kómarhini. ¿Uékapiriniri mítini andisï jima japi? Parachi mítini, ju jorhenguarhini máru ambe, Samueliri amamberi. I, Ana arhinhasïrendi.

Ana kánikua uékasïrendi sapini ma kánguarhini, peru no úsïrendi. Jimbosï kómarhipti Jeobani, ka arhispti: “Jeoba, jarhuatarini”. Aiakuspti: “Engani kánguarhiska sapini ma, tabernakulurhu axaaka para jima irekani ka marhuani”. Jeoba kurhaaspti kómarhikuani, ka Ana úspti kánguarhini sapini ma. Ka Samueli arhiraspti. Enga Samueli tanimu o tʼámu uéxurhini jatiripkia, Ana úspti ambe enga eiatspipka, páspti tabernakulurhu para jima marhuakuni Tata Diosïni.

Kʼéri saserdoti enga tabernakulurhu marhuauenga, Eli arhinhasïrendi. Tsimani Eliri uájpecha, kʼérisptiksïa, ka ístuksï jima ánchikuarhisïrendi. Kʼuiripu, tabernakulurhu kómarhisïrendi Jeobani, jimboksïsï jatsipti para sési jámani ima engaksï jima jarhaenga. Peru Samueli exesïrendi eskaksï Eliri uájpecha kánikua no sési ambe úsïrenga. ¿Májkueni no sési ambe úsïreni Samuelijtu? ¿Nari exesïni?... Nómbe, Samueli úsïrendi ambe enga Jeoba uékenga, ísï eskaksï na jorhendapka imeri táticha.

¿Ambe jatsispi para úni Eli? ¿Nori ísï exesïni eska jatsispka para jurhimberaantani uájpechani?... ¡Jo, jatsispti para ísï úni! Jatsispti para nóteru jurajkuani eskaksï seguiripiringa tabernakulurhu marhuani. Peru no ísï úspti. Jimbosï Jeoba kánikua ikiapti imani jingoni ka imeri uájpecha jingoni, ka eratsispti kastigariani.

Samueli arhispti Elini ambe enga Jeoba uandapka

Ma chúrikua, Samueli kʼuíxapti ka kurhaaspti eska nema uandajpaxapka. Arhisïrendi, “¡Samueli!”. Ima uiriipaspti jima enga Eli japka, peru i arhispti: “Jíkini no uandajpaska”. Ísï úkuarhinchaspti tsimani uelta. Peru tanimu úni jámani, Eli arhispti: “Engakini ménderu uandajpaska, arhi: ‘Arhirini, Jeoba. Ji kurhaaxaka’”. Enga Samueli ísï úpka, Jeoba arhispti:  “Arhi Elini eskani kastigariuaka imeri familiani, ima no sési úkuechani jimbo engaksï úka”. ¿Fásilipi para Samueli i ambe arhini Elini? ¿Nari exesïni?... Úkua jukakupti. Samueli chéspti ini ambe eianguni. Peru kurhajchaspti Jeobani, ka arhispti Elini ambe enga Jeoba uandapka. Ambe enga Tata Diosï uandapka, úkuarhispti: sánisï tátsekua, Eli ka imeri uájpechaksï uarhispti.

Uákachi uánikua ambe jorhenguarhini Samueliri ambe. Nájtuka exepka eskaksï máteruecha no sési úsïrenga, ima méntkisï ústi ambe Jeoba uékaenga. ¿Májkueniri uá tʼujtu? ¿Ísïuari eska Samueli ka seguiriuari kurhajchani Jeobani? Engari ísï úska, kánikuari sési pʼikuastaaka Jeobani ka chíti tátichani.

JU JE EXENI BIBLIARHU:

  • 1 Samuel 2:22-26; 3:1-21