Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Jorhendaa je chári sapiichani

 JORHENGUARHIKUA 2

Rebeka uékasïrendi jaiapanherantani Jeobani

Rebeka uékasïrendi jaiapanherantani Jeobani

Rebeka uékasïrendi Jeobani. Ka uámba, Isaaki, ístu kánikua uékasïrendi Jeobani. Ini uandantskuani jimbo, jorhenguarhiakachi nénaksï mítperaspi, ka andisï Jeoba xáni jaiapanhintapi Rebekani.

Abraani ka Sara jindespiksï Isaakiri táti jembecha. Abraani uékasïrendi eska Isaaki tembuchapiringa uátsï ma jingoni enga uékapiringa Jeobani. Peruksï i Kanaani irekaspti, ka jimaksï anapuecha no marhuakusïrendi Jeobani. Jimbosï Abraani axapti imeri jántspirini ma (jamberi Elieseripti) Arani. ¿Andisï jima axapi? Jimbokaksï Arani irekaspka máru Abraaniri parienticha, ka Elieseri jima úpirindi ambakiti uátsïni ma exentani para Isaaki.

Rebeka kánikua ánchikuarhispti para kameiuechani itsïmataani

Elieseri ka máteru Abraaniri jántspiricha, nirasptiksï asta jini jamberi. Pásptiksï 10 kameiuechani engaksï tʼirekua ka regaluechani jatsiparhakuapka. Peru, ¿néna úpirini Elieseri exentani témba ma para Isaaki? Elieseri mítispti eskaksï iretarhu anapu uátsïcha posurhu ma nirasïrenga itsï pʼitani. Ísï jimboksïsï imani posurhu nípti engaksï niárapkia Arani. Jiájkani, Elieseri kómarhispti Jeobani ka arhispti: “Itsï kurhakuaka uátsïni ma. Engarini ima itsï íntskuska ka ístu juchiti kameiuechani, arhikuekasïndi eska imaeska engari tʼu erakuka”.

Jimajkani Rebeka niáraspti posurhu. Biblia uandasïndi eska kánikua sési jáxespka.  Elieseri kurhakuspti itsï ka ima arhispti: “Jo, íntskuakakini itsï tʼungini ka ístu chíti kameiuechani”. Kameiuechaksï kánikua itsïmasïndi, jimbosï Rebeka jatsipti para kánikua itsï pʼitani. ¡Uánikua uelta nirasti ka junguani para úni xáni itsï pʼitani! Exe dibujuni enga máteru pájina jimbo jaka. ¿Ambe úxaki Rebeka?... Enga Elieseri exepka na enga xáni ánchikuarhienga, ísku pakaraspti jimboka Jeoba mókuntaspka kómarhikuani.

Elieseri ambakiti regaluechani íntskuaspti Rebekani, ka Rebeka pʼímarhispti imani ka jántspirichani paraksï nirani nani enga ima ka imeri familia irekapka. Elieseri eianguaspti andisï Abraani axapi Arani. Ístu arhiaspti na enga Jeoba mókuntapka kómarhikuani. Enga Rebekaeri familia kurhaapka i ambe, kánikuaksï tsípispti. Arhisptiksï Elieserini: “Sésichi exesïnga eska Rebeka Isaaki jingoni uambuchaaka”.

Rebeka niraspti Kanaani Elieserini jingoni ka uambuchaspti Isaaki jingoni

¿Exesïniri tʼu eska Rebeka uékapiringa Isaaki jingoni uambuchani?... Enga imeri familia kurhamarhipka ima uandaspti eska jo. ¿Andi? Jimboka Rebeka mítispka eska Jeobasï axapka Elieserini. Ísï jimbosï nípti imani jingoni Kanaani, ka engaksï niárapkia, Rebeka uambuchaspti Isaaki jingoni.

Rebeka kurhajchaspti Jeobani, ka jimbosï Jeoba kuidaripti. Ka no i ambejku: ima niáraspti Jesusiri ióntki anapu parientini. Engari tʼujtu kurhandiska ísï eska Rebeka, Jeobajtukini kuidariuati. Ka ístu Jeoba, kánikuakini jaiapanhintaati.

JU JE EXENI BIBLIARHU:

  • Génesis 12:4, 5; 24:1-58, 67