Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Jorhendaa je chári sapiichani

 JORHENGUARHIKUA 4

Sési pʼikuastaspti imeri tátembani ka Jeobani

Sési pʼikuastaspti imeri tátembani ka Jeobani

¿Jefte ambe aiakuxaki Jeobani?

Jefteri uájpa úspti ambe enga tátemba aiatspipka, nájtuka no fásilipka

¿Mítiskiri néski nanaka sapichu enga dibujurhu jaka?... Biblia no arhisïndi imeri arhinhakuani, perujtsïni eiangusïndi eska tátemba Jefte arhinhasïrenga. Jeoba ka Jefte kánikuaksï sési pʼikuarheraxapti ambe ma jimbo enga ima úpka. ¿Uékasïniri sánderu mítini Jefteri ka imeri uájperi?

Jefte ambakiti kʼuiripu máespti. Ístu kánikua tiempu úrasïrendi para jorhendani uájpani Jeobaeri ambe. Kánikua uinhapitispti ka mítispti néna orhekupani iretani. Jimboksïsï israelitecha arhipti: “¿Uékasïniri juchari orhejtsïkutiini guerrarhu?”.

Jefte kurhakuspti Jeobani eska jarhuatapiringa guerrani andani. Aiakuspti eska i ambe úpiringa enga andapiringa: eska Jeobaeripiringa ima primeru kʼuiripu enga uérapiringa erokani enga Jefte kʼuanhatsintapiringa guerrarhu uératini.  ¿Ambe arhikuekasïreni i ambe? Eska i kʼuiripu jatsipiringa para irekani ka ánchikuarhini Tata Diosïri tabernakulurhu. Tabernakulu jindespti ma nani enga kʼuiripu niraenga kómarhini Jeobani. ¿Andaspi Jefte guerrani? Jo. Ka enga kʼuanhatsintapka kʼumanchikuarhu, ¿eranhaskasïniri né uéraspi orheta?...

¡Imeri uájpa! Imajku uátsïni kánguarhisïrendi, ka iásï Jefte jatsispti para tabernakulurhu axani para jima irekani. I ambe kómu pʼikuastaspti, peru Jefte eiakusptia Jeobani, ¿miásïniri? Jimbosï uájpa arhipti: “Táti, aiakuskaria Jeobani, ka jatsiskari para ísï úni”.

Amiguembecha Jefte uájperi, mándani uéxurhinksï nirasïrendi pʼorhembini

Uátsïjtu orheta kómu pʼikuarheraspti. ¿Andi? Jimbo no úpiringa uambuchani ni sapiichani kaani enga tabernakulurhu irekapiringia. Peru ima uékasïrendi úni ambe enga tátemba aiatspipka. Ka uékasïrendi sési pʼikuastani Jeobani. I ambe, sánderu jukaparhakuespti para ima ka eska uambuchani o sapiichani kaani. Jimbosï nípti tabernakulurhu ka jima irekaspti astaka uarhipka.

¿Exesïniri eska Jeoba ka Jefte sésiksï pʼikuarherapka uátsïni jimbo?... ¡Jo! Ka tʼujturi uáka ísïini eska Jefteri uájpa. Engari kurhandiska ka engari kánikua uékaska Jeobani, ima kánikua sési pʼikuarheraati tʼungini jimbo. Ka chíti táti ka chíti nándi ístuksï kánikua sési pʼikuarheraati.

JU JE EXENI BIBLIARHU:

  • Deuteronomio 6:4-6

  • Jueces 11:30-40

  • 1 Korintu 7:32-34