Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Jorhendaa je chári sapiichani

 JORHENGUARHIKUA 7

¿Amberi uá engari chéaka ka jandiajkuri pʼikuarherani?

¿Amberi uá engari chéaka ka jandiajkuri pʼikuarherani?

Exe ini sapini. Chérakata xarharasïndi ka jandiajku, ¿no ísïski? ¿Niáraskiri ménisï chéni?... Iáminduchi niáraska ménisï chéni. Biblia uandasïndi máru kʼuiripuecheri engaksï marhuakuenga Tata Diosïni, ka engaksï uékaenga Jeobani, peru engaksï ístu chépka ka jandiajku pʼikuarherani. Ma jindespti Eliasi. Ju exeni ambe úkuarhinchaspi.

Jesabeli uékasïrendi uándikuni Eliasini

Eliasi Israeli irekaspti, ióni antesi de Jesusi andajpenuni. Imani tiempuni jimbo, Israeli anapu rei ka témba nóksï uékasïrendi Jeobani, Tata Diosï jurhimbitini. Akabi ka Jesabeli arhinhasïrendiksï, ka Baalinksï kómarhisïrendi diosï no jurhimbitini ma. Jimboksïsï sáno iámindu Israelitecha, Baalinksï kómarhiendi. Reina Jesabeli kánikua no ambakispti ka uékasïrendi uándikuani imechani engaksï Jeobani kurhajchaenga. Ka jimboka Eliasi Jeobani marhuakusïrenga, ¡ístu uékasïrendi uándikuni! ¿Ambe úpirini Eliasi? ¿Amberi úpirini tʼu?...

 ¡Iauani niraspti! Sïpakuarhispti desierturhu ka kuebarhu ma jirikuarhispti. ¿Andisï jirikuarhipi?... Jimboka chéxapka. Peru no jatsispti para chéni. ¿Andi? Mítispti eska Tata Diosï úpiringa jarhuatani. Ióntki jarhuatasptia. Ma uelta, Eliasi kómarhikua ma úkuspti, ka Tata Diosï mókukuspti chpiri axaparini auandarhu uératini. ¿A no eska Jeoba kánikua uinhapiska? Jo, ísïsti. ¡Eliasi meru úpirindi mintsikani Jeobani!

¿Néna jarhuataspi Jeoba, Eliasini?

Enga Eliasi kuebarhu japka, Jeoba arhispti: “¿Andirisï ixú jaki?”. Eliasi arhispti: “Antesiksï jarhaspti máteruecha engaksïni kurhajchaenga, peru iásï jíterkusïni jakaia. Ka chésïnga eskajtsïni uándikuaka jindentu”. Eliasi eratsisïrendi eskaksï uándikuaspkia iámindu Tata Diosïri marhuarichani. Peru Jeoba arhispti: “Nómbe, no tʼujkurisï pakarajka. Sietemiliksï jarhasti engajtsïni útasï marhuachijka. Asï ché, jimbokani ánchikuarhita ma jatsiska para tʼu”. Enga Tata Diosï ini ambe arhipka, ¿néna pʼikuarherapi Eliasi?... ¡Kánikua sési pʼikuarherapti!

Eratsintani ambe enga Eliasi nitamanchapka. ¿Ambechi úsïni jorhenguarhini?... Eskari ménisï uáka chéni o jandiajku pʼikuarherani. Engari ísï pʼikuarheraaka, ¿mítiskiri amberi eratsia? Eskari no jandiajku jarhaska, jimbokari jatsiaska amiguechani engaksï uékajka Jeobani ka ístu tʼungini. Ka asï mirikurhi eska Jeoba kánikua uinhapiska ka méntkisïkini jarhuataati. ¿A no eska kánikua sésiika mítini i ambe?...

JU JE EXENI BIBLIARHU:

  • 1 Reyes 19:3-18

  • Salmo 145:18

  • 1 Pedru 5:9