Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Jorhendaa je chári sapiichani

 JORHENGUARHIKUA 6

Dabidi tsʼiuespti

Dabidi tsʼiuespti

¿Amberi úsïni engari chéni jarhajka?... Arhiajkari chíti tátichani eskaksïni jarhuataaka. Peru jarhasti nema engakini ístu uáka jarhuatani. Kánikua sánderu uinhapisti eska né uéjki. ¿Mítiskiri néski?... Jo, Jeobaesti. Méntkisïri uáka kurhakuni eskakini jarhuataaka. Dabidi ísï úspti. Tumbi máespti enga no chéanga jimboka mintsikasïrenga Jeobani. Imeri uandantskua, Bibliarhu jarhasti.

Desdeka Dabidi sapichuepka, imeri tátichaksï jorhendasti uékani Jeoba. Jimbosï no chéndi. Nájkiruka uánikua ambe nitamakuarhinchapka, enga né uéjkini chérapiringa. Ima mítispti eska Jeoba imeri amiguespka, ka eska úpiringa jarhuatani. Ma uelta, enga Dabidi imeri karichichani eranguani japka, ¡leoni ma jurhaspti ka karichini ma páspti! ¿Mítiskiri ambe úspi Dabidi? Niraspti andanguni leonini, ka peringa, uándikupka imeri jájkichani jimbojku. Ka enga osu ma uékaenga auantani imeri karichichani, Dabidijtu uándikuspti. ¿Né jarhuataspi Dabidini para no chéni?... Jo, Jeobaespti.

Ju exeni máteru uelta enga ístu Dabidi no chépka. Jiánispti engaksï israelitecha uarhiperani japka filisteuechani jingoni. Filisteuecheri sondadu ma Goliati arhinhasïrendi ka kánikua, kánikua iójtaraspti, ¡jiganti máespti! Goliati teresmarhuasïrendi sondadu israelitechani ka ístu Jeobani. Arhiasïrendi sondaduechani: “¡Né tekaua jindeni jingoni uarhiperani!”. Peru iáminduechaksï chérhisïrendi ka no nema uékasïrendi imani jingoni uarhiperani. Enga Dabidi kurhaapka ambe enga Goliati uandapka, arhispti: “¡Ji kʼóruni uarhipeaka tʼungini jingoni! ¡Jeobarini jarhuataati ka uándikuakakini!”. ¿A no eska Dabidi kánikua tsʼiuespka?... Jo, ísïspti. ¿Ka ambe úkuarhispi tátsekua?

Dabidi sinku tsakapu pitsipitichani jupikaaspti ka jonda ma, ka niraspti jigantini jingoni uarhiperani. Enga Goliati exepka eska Dabidi tumbi sapichu máespka, teresmarhuspti. Jimajkani Dabidi arhispti: “Tʼurini jurhaxaka andarherani espada ma jingoni, ¡perukini ji Jeobaeri arhinhakua jimbo andarheraxaka!”. Jimajkani Dabidi uiriispti andarherani jigantini. Tsakapu ma  jatsirukuspti jondani ka kʼuaniraspti. Tsakapu sési tserhukuarhu ataspti, ¡ka Goliati méntku uarhiri andatseraspti! Engaksï filisteuecha exepka ini ambe, chérakuarhisptiksï ka uiriisptiksï sïpakuarhini. ¡Tumbi sapichu Dabidi, úspti andani jiganti Goliatini! ¿Nari exesïni, andisï úpi andani?... Jimboka Jeoba jarhuataspka, ¡ka ima sánderu uinhapisti eska náki uéjki jiganti ma!

Dabidi tsʼiuespti jimboka mítispka eska Jeoba úpiringa jarhuatani

¿Ambejtsïni jorhendasïni Dabidiri uandantskua?... Eska no nema sánderu uinhapiska eska Jeoba. Ísï jimbo, engari ménisï chéaka, miá: Jeoba chíti amiguesti ka imakini uáti jarhuatani parari no chéni.

JU JE EXENI BIBLIARHU:

  • Salmo 56:3, 4

  • 1 Samuel 17:20-54