Exeni ambe enga jataka

Segundu menu jimbo nirani

Jeobaeri testiguecha

Purépecha

¿Ambe uétarhijki paraka familia ma sési irekaaka?

¿Ambe uétarhijki paraka familia ma sési irekaaka?

¿Uandapirintsï eska...

  • ... uékperakua?

  • ... tumina?

  • ... o máteru ambe?

 AMBE ENGA BIBLIA UANDAJKA

“Tsípisïndi[ksï] imecha engaksï kurhandijka Diosïri uandakuani ka únksï eska na arhijka.” (Lukasʌ 11:28, Jimbaŋi Eiatsperakua Tata Jesukristueri.)

NÉNAKSÏNI MARHUACHISÏNI ÚNI INI AMBE

Exentaakajtsï ambakiti uékperakua (Efesu 5:28, 29).

Respetu jauati (Efesu 5:33).

Sési jimbomindujtsï mintsikperaaka (Markusʌ 10:6-9).

 ¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

  • Tata Diosï kueraasti familiani. Bibliarhu arhisïndi eska Jeoba úspka eska Adani ka Eba temungurhiri máepiringa (Génesis 2:18-24). I ambe arhikuekasïndi, eska familia jarhaska jimboka Jeoba kueraaska. ¿Andi xáni jukaparhakue jiókuarhini ini ambe?

    Eratsi je ini ambe: Engajtsï áspemuntani japiringa ambakiti tʼirekua ma ka uékantsï mítini ambe ka ambeksï jatsikuski, ¿néntsï kurhamarhipirini? ¿No ísïski eska imani enga úmantaka tʼirekuani?

    Májkueni, engajtsï uékaaka mítini ambe ka ambe uétarhisïni para eska chári familia sési irekaaka, sési japirindi eskajtsï kurhamarhipiringa Jeobani, imani enga familiani kueraaka.

  • Tata Diosï uandanhiasïndi juchantsïni jimbo. Chánksïni ka chári familiani sési nicheati engajtsï jirinhantaaka Bibliarhu Jeobaeri arhistakuechani, “jimboka ima pendienti pásïnga chánksïni jimbo” (1 Pedru 5:6, 7). Jeoba uékasïndi eskaksïni kánikua sési nicheaka. Ka imeri arhistakuechaksï méntkisï marhuasïndi (Proverbios 3:5, 6; Isaías 48:17, 18).

 KURHAMARHIKUARHI JE

¿Néna uá jindeeni sánderu ambakiti uámba, témba o táti?

Biblia mókuntasïndi ini kurhamarhikuani ixú EFESU 5:1, 2 ka KOLOSASI 3:18-21.

PARAJTSÏ SÁNDERU MÍTINI

LIBRUECHA KA FOIETUECHA

Chári familia uáti sési irekani

Chári temungurhirikua ka chári familia uáti sési irekani engajtsï úska ambe engaksï uandajka Jeobaeri juramukuecha.