Exeni ambe enga jataka

Segundu menu jimbo nirani

Jeobaeri testiguecha

Purépecha

¿Ambejtsï eratsisïni eska úkuarhiaka sánderu orhepani?

¿Ambejtsï eratsisïni eska úkuarhiaka sánderu orhepani?

¿Exesïntsï eska i parhakpini...

  • ... májkueni jánhaskuarheaka?

  • ... sánderu no sési jánhaskuarheaka?

  • ... sési jánhaskuarhentaaka?

 AMBE ENGA BIBLIA UANDAJKA

“Ka Diosï kutsunharhikuauati iámindu uekua, ka nóteru jauatia uarhikua, ka ni uandanhiata, ka nóteru nema ueraati o pʼamenchani, jimboka nitamaakia iámindu ueenani anapu ambe.” (Jaŋaskuecha [Apocalipsis] 21:4, Jimbaŋi Eiatsperakua Tata Jesukristueri.)

NÉNAKSÏNI MARHUACHISÏNI JAKAJKUNI INI AMBE

Ambakiti ánchikuarhitajtsï jatsiaka engaksïni sési pʼikuastaaka (Isaías 65:21-23).

Nóterujtsï kómu nitamakuarhiakia ka ni pʼamenchani (Isaías 25:8; 33:24).

Uaakajtsï tsípikua jingoni irekani para méntkisï chári familia ka chári amiguechani jingoni (Salmo 37:11, 29).

 ¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

  • Tata Diosï uinhapikua jatsisti para úni ambe enga eiatspika. Bibliarhu, Tata Diosï Jeobantkusï arhijti ima enga “iámindu ambe újka úni”, jimboka imeri uinhapikua no méni kʼamakurhisïnga (Jaŋaskuecha 15:3). Ísï jimbo, enga ima eiatspika eska i parhakpini sési jánhaskuarhentaaka, uákachi seguru jarhani eska ísï uáka. Eska na arhijka Biblia, “Diosïni jingoni, iámindu ambe úsïndi úkuarhini” (Mateu 19:26).

  • Tata Diosï uékaxati úni ambe enga eiatspika. Biblia arhisïndi eska Jeoba uékaxaka tsítaantani imani kʼuiripuechani engaksï uarhikia (Job 14:14, 15).

    Ístu Biblia arhisïndi eska Jesusi, Tata Diosïri Uájpa, pʼamenchatichani tsinaaspka. ¿Ka andisï ísï úpi? Jimboka kánikua tsitisïrenga ísï úni (Markusʌ 1:40, 41). Ambe enga Jesusi úpka, kánikua sési xarhatasti ambe enga imeri Táti uékajka úni para jarhuataani imechani engaksï kómu nitamakuarhejka (Juanu 5:19).

    Ini ambe jimbochi uáka seguru jarhani eska Jeoba ka Jesukristu uékasïnga eskajtsïni sési nicheaka sánderu orhepani (Salmo 72:12-14; 145:16; 2 Pedru 3:9).

 KURHAMARHIKUARHI JE

¿Néna uá Tata Diosï eska i parhakpini sési jánhaskuarhentaaka?

Biblia mókuntasïndi ini kurhamarhikuani ixú MATEU 6:9, 10 ka DANIEL 2:44.