Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

¿Néksï úxaki iásï ambe enga Jeoba uékajka?

 JORHENGUARHIKUA 21

¿Ambeski Beteli?

¿Ambeski Beteli?

Ofisina enga dibujuechani uájka (Estados Unidos)

Alemania

Kenia

Colombia

I uandakua Beteli, ebreu jimboesti ka arhikuekasïndi “Tata Diosïri Kʼumanchikua” (Génesis 28:17, 19, nota). I arhinhakua sési pakarakusïndi kʼumanchikuechani engachi Jeobaeri testiguecha iámu parhakpinirhu jatsiaka, jimboka jimini uératinisï uandanhajka néna aianhpinha Bibliaeri ambe. Grupu enga Orhejtsïkuajka iámindu kúnguarhikuechani, imani kʼumanchikua jimbo irekasti enga exejka na engaksï ánchikuarhijka iámindu sukursalicha, ka i jini Nueva York jarhasti (Estados Unidos). Erachicha engaksï Beteli ánchikuarhijka, mítikatestiksï komueska familia Beteli. Ka májkueni eska familia ma, iáminduksï márku tʼiresïndi, márku irekasïndi, márku ánchikuarhisïndi ka márkuksï jorhenguarhisïndi Bibliaeri ambe (Salmo 133:1).

Ambakiti kʼumanchikua ma, nani enga kánikua ánchikuarhinhajka. Mándani Beteli jimbo, marhuasïndiksï erachicha ka pirenchicha engaksï kánikua jakajkujka Jeobani, engaksï pauani pauani ánchikuarhikujka Tata Diosïni ka engaksï jánguarhintajka paraka iápurisï eianhpinhaaka Tata Diosïri Reinueri ambe (Mateu 6:33). No nema meiamunhasïndi, peruksï intsïnhasïndi tʼirekua ka nani engaksï pakaraaka; ka intsïnhasïndiksï sáni tumina para ambe engaksï uétarhinchaaka. Iáminduksï jatsikuarhisti ánchikuarhita ma: ofisinecharhu, kosinarhu o komedorirhu, jima engaksï takukatechani uájka; kuartuechani ambantskantaani, takusïni jupani, o máteru ambe.

Kánikua ánchikuarhinhasïndi paraka iápurisï aianhpinhaaka Tata Diosïri Reinueri ambe. Mándani Beteli ánchikuarhisïndi paraka iápurisï mítinhaaka Tata Diosïri Reinueri ambe. Ka jimbosï únhati i foietu. Grupu enga Orhejtsïkuajka iámindu kúnguarhikuechani exesti eska i foietu sési úkata japiringa, Interneti jimboksï axakuasti imechani engaksï máteru idioma jimbo karantapiringa, tátsekua kʼérati fabrikechanksï jimbo uásti ka axanhaastiksï iámu parhakpinirhu parakaksï jukari sientu diesi mili kúnguarhikuecha jatsipiringa. Familia Betelichaksï kánikua ánchikuarhisïndi paraka úkuarhiaka ima sánderu ambakiti ánchikuarhita enga jatsika para úkuarhini: aianhpinhani Tata Diosïri Reinueri ambe (Markusʌ 13:10).

  • ¿Néksï ánchikuarhisïni jima Beteli, ka ambeksï intsïnhasïni jima?

  • ¿Nákiski sánderu ambakiti ánchikuarhita enga jatsika para úkuarhini ka enga jimbo Beteli ánchikuarhijka?

PARAJTSÏ SÁNDERU MÍTINI

KURHAMARHIKUECHA ENGAKSÏ SÁNDERU ÚKUARHIJKA

Kampania aianhpikueri interu parhakpini Jeobaeri testiguecheri

Exe je andichisï uánikua idioma jimbo aianhpijki ka andichisï mándani uéxurhini uánikua orechani aianhpijki.