Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Mókuntskuecha para 10 kurhamarhikuecha tumbiicheri

 KURHAMARHIKUA 10

¿Uárini jarhuatani Biblia jíndeni?

¿Uárini jarhuatani Biblia jíndeni?

ANDISÏ JUKAPARHAKUE

Biblia uandasïndi eska “iámindu Diosïri karakata, Diosïni jimboes[ka]” o eska Tata Diosï kararkuarhiska (2 Timoteo 3:16). Enga i ambe ísïka, jiájkani Biblia uátikini íntskuni jarhuajperata engari uétarhinchajka.

¿AMBERI ÚPIRINI TʼU?

Eranhaska arini ambe: Dabidi imeri karru jingoni niraxati jimesï enga no miiuka. Enga exeajkia edifisiuechani ka xanharuecheri nombri, kuenta íntskukuarhisïndi eska no jima jarhaska enga jatsika para jarhani. Tsïnchesti. Jamberi nani máteru xanharuni jupikapti.

¿Amberi úpirini engari Dabidipiringa?

EROKA KA ERATSINTA

Jatsiaskari uánikua opsionichani:

  1. Kurhamarhini nemani nénari uá niárani jima engari uéjka nirani.

  2. Mapa ma exeni o GPS ma úrani.

  3. Seguirini manejarini erokuarhiparini exentani xanharuni engari uéjka.

Opsioni C sánderu no sési jarhasti.

Opsioni B sánderu sési jarhasti eska primeru opsioni: kámani jauakari mapa o GPS, ka íkini uáti jarhuatani xanharu jimbo.

Bibliakini uáti májkueni jarhuatani.

Libru enga desde iónisï sánderu ataranhantaka, uátikini:

  • Jarhuatani engari uandanhiatechani jatsiauaka.

  • Jarhuatani parari sési mítikuarhini ka ambakitiri kʼuiripu máeni.

  • Jorhendani nénari uá sánderu sési irekani.

 MÓKUNTSKUECHA PARA KʼÉRATI KURHAMARHIKUECHA TSÍPIKUERI

Engachi uénajka uandani úndasïngachi kurhamarhikuechani uaani:

  • ¿Andisï auanda asuli?

  • ¿Ambeksï jimbo úkata jarhaski jóskuecha?

Tátsekuachi uénasïnga uaani kurhamarhikuechani iámu amberi:

¿Mítiskiri eska Biblia mókuantasïnga ini kurhamarhikuechani?

Uánikuaksï uandasïndi eska Biblia puru kuentusi ambe uandasïnga ka imani ambe enga no ísïika o eska nóteru marhuasïngia iásï o eska difisiliska kurhanguni. Peru, ¿ísïski i ambe? ¿Ísïi ambe enga uandanhajka Bibliaeri ambe? ¿Oksï no sési mítitini jaki?

Ejemplu ma, kʼuiripu eratsisïndi eska Biblia arhisïnga eska Tata Diosï juramuxaka echerirhu. Peru, ¿ísï i ambe? Kánikua no sési jánhaskuarhexati echerirhu. Iápuruchi exesïnga uandanhiata, kómu nitamakua, pʼamenchakua ka uarhikua, no jatsikuarhikua ka no sési jásï ambe. ¿I ambe úpirini Tata Diosï uékpiti ma?

¿Uékapiriniri mítini némindusï juramuni jaki i parhakpinirhu? Ískukini pakataati ambe enga Biblia uandajka.

Kuenta íntskukuarhikaria eskaksï konsejuecha engaksï i foieturhu jaka Bibliarhu pʼitakata jarhaska. Jeobaeri testiguechachi seguru jarhaska eska Biblia jarhuajperata máeska enga mintsinharhikueka jimboka “Diosïni jimboes[ka], ka marhuasïndi para jorhentpini, para jánhastpini, ka para arhistatspini” (2 Timoteo 3:16, 17). Jatsiskari para tʼu mísmu mítini ini libruni enga ióntki anapueka, peru enga marhuajka iásï jamberi.

PARAJTSÏ SÁNDERU MÍTINI

BIBLIAERI JORHENGUARHIKUA

¿Néna úkuarhisïni estudiu bíbliku ma?

Iámu parhakpini jimbo Jeobaeri testiguechaksï mítikatesti jimbokaksï jorhentpesïnga gratisi Bibliaeri ambe. Exe je na engaksï újka ini ambe.