Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Mókuntskuecha para 10 kurhamarhikuecha tumbiicheri

 KURHAMARHIKUA 3

¿Néna uá uandontskuarhini juchiti táticha jingoni?

¿Néna uá uandontskuarhini juchiti táticha jingoni?

ANDISÏ JUKAPARHAKUE

Engari sési pájperaska chíti táticha jingoni, sánderuri tsípikua jingoni irekaaka.

¿AMBERI ÚPIRINI TʼU?

Eranhaska arini ambe: mierkulisï xatinisti, Geoffrey enga 17 jatirika, mintsikuarhixati sáni jimboka kʼamaraskia ambe enga jatsipka para úni. Étskuntasïndi teleni ka apojtsïkusïndi siionirhu enga sánderu tsitijka.

Jimajkani, tátemba ikiatku inchasïndi puertarhu ísï.

“¡Geoffrey! ¿Andirisï tiempu tsïtani jaki tele exeni? ¿Nori jatsipirini parari chíti ermanu sapichuni jarhuatani jarhani ambe ma úni? ¡Nori méni úsïnga ambe engaksïni arhijka!”.

Geoffrey sïpasïpamiparini uandasïndi: “Uénaskachia”.

Tátemba andarherasïndi ka arhini: “¿Amberisï uanda?”.

Geoffrey no sési nínharhiparini uandasïndi: “Nómbe ma”.

Tátemba kánikua ikiaxati. Arhisïndi: “¡Asïrini ísï mókuche jíndeni!”.

Engari tʼu jindepiringa Geoffrey, ¿amberi úpirini para no i ambe úkuarhini?

EROKA KA ERATSINTA

Engari karruni ma manejarini jarhajka ka karretera míkuarhitini jarhani, máteru xanharuri jirinhantasïnga. Uákari májkueni úni, jirinhakuntani nénari uá uandontskuarhini chíti táticha jingoni.

 EJEMPLU MA:

Lea uandasïndi: “Kánikua úkua jukanchasïnga uandontskuarhini juchiti táti jingoni. Ménisï, engani ma ratu uandontskuarhikujkia, arhisïndirini: ‘Tekachintarini, ¿arhixapirini ambe ma?’”.

LEA TANIMU OPSIONI JATSIASTI

  1. Uinhachakuni tátembani.

    Lea uinhachakuparini arhisïndi: “¡Kurhajcharini! ¡Jukaparhakua ambesti!”.

  2. Nóteru uékania uandontskuarhini.

    Lea nomasi nóteru uékasïndia uandontskuarhikuni tátembani problemeri.

  3. Exeni káni sési jaua uandontskuarhini.

    Lea sánderu tátsekua uandontskuarhisïndi tátemba jingoni, o karta ma úkusïndi para eianguni imeri problemani.

¿Amberi arhipirini Leani eska úpiringa?

ERATSI ARINI AMBE: Leaueri tátemba máteru ambe eratsixati ka no ma amberi kuenta íntskukuarhisti. Enga Lea opsioni 1 erakupiringa ka uinhachakuni, jamberi tátemba no kurhangupirindi andisï ikiajki. Seguru eska Lea no úpiringa úni eska kurhajchapiringa; ka ístu no janhanharhini japirindi (Efesu 6:2). I opsioni no marhuakuauati.

Nájkirukaksï jauaka ójkutakuecha, uákari exeni néna uandontskuarhikuani chíti tátichani ka nénajtsï uá kurhangutsperani.

Nájkiruka opsioni 2 sánderu fásiliika, no arhikuekasïndi eska i sánderu sési jarhaska. ¿Andi? Jimboka enga Lea uéjka arreglariuani imeri problemechani, jatsisti para uandontskuarhikuni tátembani. Ka tátemba jatsisti para mítini ambe úkuarhinchasïni para jarhuatani. No ma ambe uandani, no marhuasïndi.

Peru opsioni 3 jingoni, Lea no jurajkusïndi eska ójkutakua ma, uáka eskaksï nóteru uandontskuarhiakia. Sánderu sési, jánguarhisïndi tátsekua uandontskuarhikuni problemeri ambe. Ka enga eratsiska karta ma úkuni tátembani, jamberi sési pʼikuarherantaati.

Karta ma úni, jarhuataati Leani sési eianguni tátembani ambe enga uéjka. Enga tátemba arhintaaka, sánderu sési kurhanguati ambe enga nitamanchani jaka. Sánderu ambakiti opsioni para tsimarhani, jindesti 3. Ia sea engaksï uandontskuarhiska o enga karta ma úkuska, i opsioni terokuntasïndi Bibliaeri konseju jingoni, eskachi jatsiska para méntku “úni jarhani ambe engachi jimbo sési pájperani jauaka” (Roma 14:19).

¿Ambe máteru opsionichani jatsiaski Lea?

Eratsi máteru opsioni ka ambe úpirini úkuarhini.

 ÚRAA UANDAKUECHANI ENGAKSÏ KURHANGUKUARHIAKA

Miá: chíti tátichaksï no méntkisï sési kurhangusïndi ambe engari tʼu uandajka.

EJEMPLU MA:

Chíti tátichaksïni kurhamarhisïndi andirisï kurhuraxeni jaki. Tʼuri arhiasïnga: “No uékasïnga inderi ambe uandontskuarhini”.

Peruksï ima úpirindi arini ambe kurhanguni: “Nóteruni xáni mintsikaasïnguia juchiti tátichani. Juchiti amiguecha jingontkusïni uandontskuarhiaka juchiti problemecheri”.

Eranhaska eskari kʼéri problema ma jatsiska ka chíti táti o nándikini uékasïndi jarhuatani, peruri tʼu arhisïnga: “Asï uandanhia, ji uáka jandiajkuni sési péntani”.

  • ¿Ambeksï úpirini kurhanguni chíti táticha?

  • ¿Ambe sánderu sésipirini eskari arhiapiringa?