Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Chári familia uáti sési irekani

 PARTI 9

Kómarhi je Jeobani chári familia jingoni

Kómarhi je Jeobani chári familia jingoni

“Kómarhi je imani enga kueraaka auandani ka parhakpinini.” (Jaŋaskuecha [Apocalipsis] 14:7)

Eskajtsï na exekia ini foieturhu, Biblia uánikua juramukuechani jataasti engaksïni jarhuataaka chánksïni ka chári familiani. Jeoba uékasïndi eskajtsï sési irekaaka. Ístu, aiatspesïndi eska engajtsï orheta peraaka imeri kómarhikuani ‘intsïnhaakajtsï iámindu máteru ambe’ (Mateu 6:33). Jeoba uékasïndi chári amigueni. Ísï jimbo, méntkisï jánguarhintsï je ambakiti pájperakua ma jatsini imani jingoni, jimboka inde jindeska sánderu ambakiti ambe enga kʼuiripu ma uáka jatsini (Mateu 22:37, 38).

 1 UINHAPERA JE CHÁRI PÁJPERAKUA JEOBA JINGONI

AMBE ENGA BIBLIA UANDAJKA: “Jindeakani chári Táti ka cha jindeaka juchiti uátsïcha. Ísï uandasïndi juchari Tata [Jeoba]” (2 Korintu 6:18). Jeoba uékasïndi eskajtsï cha imeri ambakiti amigu máeuaka, ka kómarhikua jindesti ma ambe parajtsï andarherani imani. Jeobajtsïni pʼímarhisïndi eskachi ‘méntku jauenaaka kómarhini’ (1 Tesalonika 5:17). Ima tsitisïndi eska cha eianguaka chári uandanhiatechani ka ambe engajtsï eratsijka (Filipusʌ 4:6). Engajtsï chári familia jingoni kómarhiaka, imaksï exeati eskajtsï cha ambakiti pájperakua ma jatsiska Jeoba jingoni.

Peru no solu jindesti uandontskuarhikuni Tata Diosïni, ístujtsï jatsiska para kurhajchani. Uákajtsï ísï úni jorhenguarhiparini Bibliaeri ambe ka publikasionicheri engaksï jima pʼitakata jaka (Salmo 1:1, 2). Eratsinta je imani ambe engajtsï jorhenguarhijka (Salmo 77:11, 12). Para kurhajchani Jeobani ístu uétarhisïndi eskajtsï niuaka tánguarhikuecharhu (Salmo 122:1-4).

Máteru ambe para uinhaperani chári pájperakua Jeoba jingoni, jindesti eianguani máteruechani imeri ambe. Engajtsï sánderu ísï uáka, pʼikuarheraakajtsï eskajtsï sánderu andarheratixaka imani (Mateu 28:19, 20).

AMBE ENGAJTSÏ UÁKA ÚNI:

  • Arhuta je tiempu parajtsï kómarhini ka arhintani Bibliani pauani pauani

  • Jarhuata je chári familiani orheta peerani Tata Diosïri ambe ka tátsekua tsípikuarhita ambe

2 TSÍPINI PʼIKUARHERA JE FAMILIERI JORHENGUARHIKUARHU

AMBE ENGA BIBLIA UANDAJKA: “Andarhiera je Diosïni, ka imajtuksïni andarhieraati chánksïni” (Santiagu 4:8). Eraku je jurhiatikua ka jandora ma parajtsï mándani semana jatsini programa ma familieri jorhenguarhikueri (Génesis 18:19). Peru no inde ambejkuesti: Jeoba jatsisti para méntkisï jarhani chári tsípikuarhu ka jatsiskajtsï para uinhaperani chári familieri pájperakua imani jingoni. Jimbosï Biblia uandajti: “Jatsiskari para [...] [Jeobaeri] ambe uandontskuarhini engari cheeni jauaka ka engari xanharu ísï jámaaka ka engari apondiaka ka engari jauaraaka” (Deuteronomio 6:6, 7). Ka eskajtsï niáraka ísï eratsini eska Josue enga uandapka: “Ji ka juchiti kʼumanchikuarhu anapuecha, jucha Jeobani marhuakuaka” (Josué 24:15).

AMBE ENGAJTSÏ UÁKA ÚNI:

  • Ú je programa ma parajtsï jorhendaani imani ambe enga uétarhinchajka mándani familiarhu anapu