Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

¿Ambemindusï jorhentpejki Biblia?

¿I ambesï uékaeni Tata Diosï?

¿I ambesï uékaeni Tata Diosï?

¿AMBEJTSÏ exesïni periodikurhu, telebisionirhu ka engajtsï kurhaajka radiuni? ¡Puru ikichakueni jásï ambe, uarhiperakuecha ka na engaksï ísku jatini uándikpejka! Iásï eratsianta je chári uandanhiatechani. Jamberijtsï no sési pʼikuarherani jaka, jimbokajtsï pʼamenchani jaka ojtsï uarhiranchani nemani. Jamberijtsï ísï pʼikuarherajka eska Jobu, ambakiti achamasï ma enga uandapka: “kuatantaskia uandanhiatechani jingoni” (Job 10:15).

Jamberijtsï uandajka:

  • ¿I ambesï uékaeni Tata Diosï para ji ka para iámindu kʼuiripuecha?

  • ¿Nani uá exentani jarhuajperata para juchiti uandanhiatechani?

  • ¿Jaua ma jurhiatikua enga sési irekanhaaka?

Bibliajtsïni ambakiti ambe aiangusïndi.

 BIBLIA JORHENTPESÏNDI ESKA TATA DIOSÏ I AMBE UÁKA PARHAKPINIRHU.

“Kutsunharhikuauati iámindu uekua, ka nóteru jauatia uarhikua, ka ni uandanhiata, ka nóteru nema uérati o pʼamenchani.” (Jaŋaskuecha [Apocalipsis] 21:4)

“Enga no újka xanharani ísï tsanguaraati eska axuni ma.” (Isaías 35:6)

“Sieguechaksï éskantaati.” (Isaías 35:5)

 “Iámindu imecha engaksï inchatsikurini jaka [enga Tata Diosï miáuani jaka], tsíntaatiksï.” (Juanu 5:28, 29)

“No nema enga jima irekaaka uandaati: ‘Pʼamenchaxaka’.” (Isaías 33:24)

“Kánikua tʼirekua jauati echerirhu.” (Salmo 72:16)

 MÍTI JE AMBE ENGA BIBLIA JORHENTPEJKA

Asï uanda je eska i ambe enga orheta pájinecharhu jaka, tsánharhikua máeska. Tata Diosï aiatspestia ka Biblia uandasïndi néna ísï uá.

Peru no indejkuesti. Bibliajtujtsïni jorhendasïndi nénachi uá sési irekani iásï. Eratsia je chári uandanhiatechani. Jamberi tumineti, chári familia, pʼamenchakua o jamberijtsï uarhiranchaka nemani. Bibliajtsïni jarhuatasïndi ini uandanhiatechani jingoni ka sésijtsïni pʼikuastasïndi jimbokajtsïni mókuchiantasïnga ini kurhamarhikuechani:

  • ¿Andichisï kómu nitamakuarhejki?

  • ¿Nénachi uá orhepani uérakuani uandanhiatechani?

  • ¿Ambechi uá para juchari familia sánderu sési irekani?

  • ¿Nanichi nirasïni engachi uarhijka?

  • ¿Exeantauachi parientichani engaksï uarhikia?

  • ¿Andichisï uá seguru jarhani eska Tata Diosï uáka ambe enga eiatspika?

 Engajtsï arhintani jaka ixú, arhikuekasïndi eskajtsï uékasïnga mítini ambe enga jorhentpejka Biblia. I libruksïni jarhuataati ísï úni. Mándani pájinarhu, jarhastiksï párrafueri kurhamarhikuecha. Uánikuechaksï tsitisïndi na engaksï jorhentpejka Bibliani, Jeobaeri testiguecha, úrapariani kurhamarhikuechani ka mókuntskuechani, ka erokuarhisïngachi eskajtsï chájtu tsitiaka. Eskaksïni Tata Diosï újchakuraaka iásï engajtsï uénakia jorhenguarhini ambemindusï jorhentpejki Biblia.

PARAJTSÏ SÁNDERU MÍTINI

BIBLIAERI JORHENGUARHIKUA

¿Néna úkuarhisïni estudiu bíbliku ma?

Iámu parhakpini jimbo Jeobaeri testiguechaksï mítikatesti jimbokaksï jorhentpesïnga gratisi Bibliaeri ambe. Exe je na engaksï újka ini ambe.