Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

¿Ambemindusï jorhentpejki Biblia?

 APENDISI

Profeta Danieli uandasïndi káni janopirini Mesiasi

Profeta Danieli uandasïndi káni janopirini Mesiasi

PROFETA Danieli irekaspti jukari kinientu uéxurhini ante de Jesusi andajpenuni. Peru Jeoba eiangusti ambe enga jimbo mítikuarhipiringa káni erakunhapirini Jesusini eska Mesiasi o Kristu. Danielinksï arhispti: “Jatsiskari para mítini ka kurhanguni eska enga íntspinhaaka juramukua para tarhatanhantani ka únhantani Jerusaleni, asta Juramuti Mesiasi, jauati 7 semana, ístu 62 semana” (Daniel 9:25).

 Ju je exeni néna úpirini mítikuarhini káni xarharapirini Mesiasi. Orheta ju exeni káni uénapirini miiukuarhini tiempu enga nitamapiringa para ima xarharani. Profesia uandasïndi “enga íntspinhaaka juramukua para tarhatanhantani ka únhantani Jerusaleni”. ¿Káni “íntspinha[ski] juramukua”? Bibliarhu, Neemiasi karaspti eska juramukua para tarhatanhantani Jerusaleniri bardecha íntspenhaska enga “Artajerjesi 20 uéxurhini páni japkia juramuni” (Nehemías 2:1, 5-8). Uánikuecha engaksï istorieri ambe karajka, uandasïndiksï eska uéxurhini 474 jimbo ante de Jesusi (a. de. J), Artajerjesi ma uéxurhini páxapkia juramuni. Miiuaparini, exesïngachi eska 455 jimbo a. de J., Artajerjesi 20 uéxurhini páxapkia juramuni. Ísï jimbo, Danieliri profesia, Mesiasiri ambe, uéxurhini 455 a. de J., uénasïndi úkuarhini.

Danieli uandaspti na enga xáni nitamapiringa jima uératini, para xarharani “Juramuti Mesiasi”. Profesia uandasïndi eska jindepiringa “siete semana, ístu sesentaidosi semana”, jiájkani 69 semanaepirindi. ¿Na xáni tiempuepirini jiájkani? Eskaksï na uandajka uánikua Bibliaecha, nóksï jindepirindi semana engaksï siete jurhiatikueripiringa, sino semana uéxurhinicheri. Jo, ma semana siete uéxurhinipirindi. Ióntki, judiuechaksï sési mítispti ambespi semana uéxurhinicheri. Imaksï kʼuínchisïrendi ma uéxurhini kada siete uéxurhini ka i uéxurhinksï arhisïrendi uéxurhini sabatiku (Éxodo 23:10, 11). Ísï jimbo, profesia 69 semaneri, jindestiksï 69 grupu, ka ma grupu, 7 uéxurhinisti, jiájkani 483 uéxurhinisti.

Iásïchi kuenta uáka. Engachi miiuska 483 uéxurhini desde uéxurhini 455 a. de J., niárasïngachi uéxurhini 29 jimbo despuesi de Jesusi (d. de J.), ima uéxurhini enga Jesusi itsï atakuarhipka ka enga niárapka Mesiasini (Lukasʌ 3:1, 2, 21, 22). * I profesia niárasti meru ísï úkuarhini, ¿no ísïski?

^ párr. 2 Uéxurhini 455 a. de J. asta uéxurhini 1 a. de J. jindestiksï 454 uéxurhini. Tátsekua, uéxurhini 1 a. de J. asta uéxurhini 1 d. de J. ma uéxurhinisti (no jarhasti uéxurhini seru). Ka uéxurhini 1 d. de J. asta uéxurhini 29 d. de J., 28 uéxurhinisti. Engachi sumariaska ini tanimu tiempuechani (454+1+28), 483 uéxurhinisïndi. Jesusi “pʼikunhasti”, o uándikunhasti, uéxurhini 33 d. de J., 70 semana uéxurhinicheri jimbo (Daniel 9:24, 26). Parajtsï sánderu mítini, exe je libruni Prestemos atención a las profecías de Daniel, kapitulu 11, ka Perspicacia para comprender las Escrituras, segundu libruni, pájinecharhu 1014-1017. I libruechanksï, Jeobaeri testiguecha uásti.