Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Biblia ka ambe engajtsïni aiangujka

 ARHUKUKATA 18

Kristueri milagruecha

Kristueri milagruecha

Jesusi imeri milagruechani jingoni xarhataspti, na enga úrapiringa imeri uinhapikuani enga juramuni japiringia

TATA Diosï uinhapikua ma íntskusti imeri Uájpani enga iauani sánderu kʼérika eska kʼuiripuecheri, uánikuechani japarini úraspti indeni uinhapikuani para uánikua milagruechani uáni. I ambe jimbo, Jesusi xarhataspti eska úpiringa kʼamajkuni asta imani jamberi enga xáni no sési pʼikuastajka kʼuiripuechani. Exeakachi nákiskiksï máru.

Kʼarhingua. Orheta milagru enga Jesusi úpka —itsïni binu úntani— xarhataspti eska uinhapikua jatsiska para úni íntsani kʼuiripuechani kánikua tʼirekua ka itsïmakua. Jesusi tsimani uelta, uánikua uántaspti namunitu kuruchechani ka namunitu kurhindechani, para tʼirerani mili jimbo kʼuiripuechani. Ka méntkisï enga Jesusi i ambe úpka kánikua tʼirekua pakarasïrendi.

Pʼamenchakua. Tata Jesukristu ambakerantaspti kʼuiripuechani engaksï “mámaru jásï pʼamenchamka, ka iáminduechani engaksï malu jarhamka” (Mateu 4:23). Tsʼinaspti misïnharhichani, kándichani, engaksï no uáenga xanharani, engaksï lepra jukarapka ka engaksï ataki pʼiuauenga. Sési jimbo no jarhaspti ma pʼamenchakua enga ima no uáenga tsʼinani.

Kʼéri janikua enga no sési jándejka. Ma chúrikua, enga Jesusi ka imeri jorhenguarhiticha niranksï japka barku ma jimbo, jini mari de Galilea, repentku úndaspti uinhamu janini tarhiata jingoni. Jesusiri jorhenguarhiticha kánikuaksï chéspti, joperu Jesusi eranchispti auandarhu ka uandani: “¡Ísku ja! ¡Pínasku!”. Ka jirejiresï anhaxurhispti kʼéri janikua (Markusʌ 4:37-39). Máteru jurhiatikua enga kánikua no sési tarhiani japka Jesusi itsïrhu xanharaspti (Mateu 14:24-33).

No sési jarhati espirituecha. Íksï espirituecha engaksï isï mítikateka komueska demoniuecha, iauani sánderuksï uinhapisti eska jucha. Uánikua kʼuiripuechani mámaruksï kásïndi ka nóksï úsïndi kuájpikuarhini. Joperu Jesusi no chérhiaspti. Sánderu sési, imaksï jindespti engaksï chérhiaenga, ka enga Jesusi juramukuauenga eskaksï jurajkuapiringa kʼuiripuechani, imaksï jirejiresï kurhajchasïrendi.

Uarhikua. Ini ambe enga Biblia arhijka “ultimu ikiatspiti”, kókuani o ióndani méntkisïjtsïni andangusïndi (1 Korintu 15:26). Joperu ni uarhikua jamberi úspti andani Kristuni, jimboka tsítantaspka uarhiti tsïndiri uájpani ma ka iurhitskiri sapichuni ma. Joperu milagru enga sánderu mítikuarhika, jindesti enga tsítantapka imeri amigu Lasaruni enga tʼámu jurhiatikua páni japkia uarhirini ka enga tsítantapka uánikuechani japarini. Asta kʼuiripuecha engaksï ikiakuaenga, niárasptiksï jiókuarhini eska Jesusi kánikua uinhapikua jatsispka (Juanu 11:38-48; 12:9-11).

I kʼuiripuecha enga Jesusi ambakerantapka niárasptiksï ménderu pʼamenchani ka uarhinksï. Jimajkani, ¿para ambeksï marhuaspi i milagruecha? Kánikuaksï marhuaspti, jimbokaksï xarhataspka eska iámindu ambe engaksï uandapka Mesiasiri Juramukueri ambe isï úkuarhipiringa. Jimajkani, xarharasïndi eska ima Juramuti enga Tata Diosï erakuka, uáka kʼamajkuni kʼarhinguani, pʼamenchakuani, jurhiatikuechani engaksï no sési jándejka jenchekuechani jimbo o iorhentperakuechani jimbo, demoniuechani ka asta uarhikuani jamberi. Jiájkani úsïngachi exeni eska Jeoba íntskuska Jesusini uinhapikua para úni i ambe.

(Pʼitakata jarhasti libruecharhu, Mateu, Markusʌ, Lukasʌ ka Juanu.)