Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Biblia ka ambe engajtsïni aiangujka

 ARHUKUKATA 17

Jesusi jorhentpesïndi Tata Diosïri Juramukueri ambe

Jesusi jorhentpesïndi Tata Diosïri Juramukueri ambe

Jesusi uánikua ambe jorhendasïndi imeri jorhenguarhitichani, joperu sánderu jorhentpesïndi Tata Diosïri Juramukueri ambe

¿AMBE úni jurhaspi Jesusi Parhakpinirhu? Ima mísmu uandaspti: “Uétarhisïndi eskani [...] eianhpiaka ambakiti eianhperakua Diosïri juramukuerini, jimboka para ini ambe únisïni axanhaka” (Lukasʌ 4:43). Ambe enga sánderu jorhentpipka Jesusi, jindespti Juramukueri ambe, exeakachi tʼámu ambe enga ima jorhentpipka i Juramukueri.

1. Jesusi jindepirindi Juramuti. Jesusi xarhataspti eska Mesiasispka (Juanu 4:25, 26). Ístu, uandaspti eska jindespka Juramuti enga profeta Danieli exepka jánhaskua ma jimbo. Arhiaspti apostulichani eska ma jurhiani, uaxakapiringa ‘kʼéri uaxantsïkuarhu ma jimbo, tʼíntskua jingoniʼ ka eska imecha jindepiringa máru engaksï juramupiringa imani jingoni (Mateu 19:28). Ini kʼuiripuechani, arhiraspti “namunitu karichicha”. Ístu uandaspti eskaksï japiringa “máruteru karichicha” engaksï no májkuenipiringa (Lukasʌ 12:32; Juanu 10:16).

2. Tata Diosïri Juramukua juapirindi jurhimbikua. Jesusi uandaspti eska Tata Diosïri Juramukua kénditapiringa sánderu no sési jásï ambeni enga úkuarhipka: ima ambe enga Satanasi úka Tata Diosïri arhinhakuani jingoni. ¿Néna úpirini i ambe? Kutsurhintaparini o pímbinhajkuntaparini iámindu imani chikuanderakuecheri ambe enga xáni uandanhajka desde Edeniri uénani (Mateu 6:9, 10). Kristu xarhataspti eska, enga ima Juramuni japiringia, iáminduksï uékperapiringa jimboka ima mámaru jásï kʼuiripuechani jorhendaspka, achatichani ka uarhitichani, jatsikuarherichani ka no jatsikuarherichani. Ka nájkiruka axanhapka para israelitechani jorhendani, ístu jánguarhintaspti para samaritanuechani ka máteru nasioni anapuechani jarhuaatani. Engaksï religionirhu orhejtsïkuenga imani jurhiatikuechani jimbo, nóksï uékasïrendi iámindu jásï kʼuiripuechani ka pʼindesptiksïa sési káani máruechani ka máteruechani nombe, joperu Jesusi no májkuenispti eska imecha.

3. Tata Diosïri Juramukua no i parhakpini anapuepirindi. Jesusi irekaspti imani jurhiatikuechani jimbo enga judiuecha kánikua no sési kámberani japka politika ambe jimbo, jimboka imecheri nasionini máteru paisi juramukuxapka. Kʼuiripuechaksï uékasïrendi Jesusini politikarisï inchatani, joperu ima no méni uékaspti jimesïsï jámani (Juanu 6:14, 15). Enga Jesusi uandontskuarhini japka juramutini ma jingoni, arhispti: ‘Juchiti juramukua no ini parhakpini anapuestiʼ (Juanu 18:36). Ka imeri jorhenguarhitichani arhiaspti: “Chajtsï nóteru parhakpini anapueskia” (Juanu 15:19). Ístu, no jurajkuaspti eskaksï uarhipetarakua ambe jámapiringa jupikani ni sikiera paraksï imani kuájpintani (Mateu 26:51, 52).

‘Jámaspti [...] iretecharhisï ka ranchuecharisï uandajtsïkpini ka eianhpini ambakiti eianhperakua Diosïri juramukuerini.ʼ (Lukasʌ 8:1)

4. Kristu uékperakua jingoni juramupirindi. Jesusi aiakuaspti imeri chúxapatichani eska jarhuaatapiringa paraka imecheri uandanhiatecha nóksï xáni kʼuetsapipiringa (Mateu 11:28-30). Ka isï úspti. Íntsaspti ambakiti arhistakuechani engaksï jarhuaatapiringa néna úni paraksï no xáni uandanhiatechani jatsiani, paraksï no jámani tsitini jatsikuarhekua ambe, ka nénaksï sési pájperani máteruechani jingoni ka nénaksï tsípikua jingoni irekani (Mateu, kapituluecha 5 a 7). Jesusi kʼuiripu máespti enga sési kámpiaenga ka iáminduechaksï úsïrendi andarherani. Na uéjki jásï kʼuiripu asta ima jamberi enga sánderu no jatsikuarheripka nirasïrendi andarherani mintsikaparini eska Jesusi sési erokapiringa. ¿Né no uékapirini xásï ma juramutini jatsini?

Ístu uáspti uánikua milagruechani para xarhatani ambe enga uáka Tata Diosïri Juramukua. ¿Andisï uápi milagruechani? Ju je exeni.

(Pʼitakata jarhasti libruecharhu Mateu, Markusʌ, Lukasʌ ka Juanu.)

PARAJTSÏ SÁNDERU MÍTINI

¿AMBEMINDUSÏ JORHENTPEJKI BIBLIA?

¿Ambeski Tata Diosïri Reinu?

Uánikua kʼuiripu mítisti Padre nuestruni. ¿Ambeksï arhikuekasïni uandakuecha: “Juue chíti Reinu”?