Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 115: Jimbanhi sési jándekua echerirhu

Uandantskua 115: Jimbanhi sési jándekua echerirhu

EXEA anhatapu kʼératichani, tsïtsïkichani ka kʼérati juátechani. Sési jásïsti i ambe, ¿a no? Exe, axuni tʼirexati sapiri jájkirhu. Ka exe lionichani ka kabaiuechani engaksï uitsakuarhu anhaakuka. ¿Tsitipiriniri irekani kʼumanchikua ma jimbo o ma nani enga xándepiringa?

Tata Diosï uékasïndi eskari tʼu sési jándekuarhu irekaka para méntkisï, no ma no sési pʼikuarherakua jingoni engachi jatsika iásï. Biblia inde ambe aiakuasïndi imechani engaksï irekaaka jimbanhi sési jándekuarhu. ‘Tata Diosï imechani jingoni jauati. Nóteru jauatia uarhikua ka ni uandanhiata ka nóteru nema ueraati. Iámindu uénani anapu ambe nitamati.’

Jesusi uáti eska i ambakiti ambe niáraka ísï úkuarhini. ¿Mítiskiri káni? Jo, jiáni enga Jesusi kʼamajkuaka ixú Echerirhu no sési jásï ambeni ka kʼuiripu no sési úrichani. Miánta, enga Jesusi ixú jámani japka, tsinaasti iámindu jásï pʼamenchakuechani, ka niárasti jamberi máru tsítantaani. Ísï xarhatasti ambe enga uáka enga juramuni jauakia Tata Diosïri juramukuarhu.

¡Eranhaska na xáni sésiua irekani jimbanhi paraisurhu! Jesusi ka máru enga ima erakuaka, juramuatiksï auandarhu. Ka íntskuauatiksï iáminduechani engaksï Echerirhu jauaka iámu ambe engaksï uétarhinchaaka, ka uátiksï eskaksï tsípikua jingoni irekaka. Ju exeni ambechi jatsiski para úni, parajtsïni Tata Diosï tsípikua íntskuni para méntkisï ini jimbanhi sési jándekuarhu.

Jaŋaskuecha 21:3, 4; 5:9, 10; 14:1-3.

Paraisu ma


Kurhamarhikuecha

  • Eska na uandajka Biblia, ¿nénachi ireka jimbanhi Sési Jándekuarhu ixú Echerirhu?
  • ¿Ambe aiakuasïni Biblia imechani engaksï irekaka Sési Jándekuarhu?
  • ¿Jesusi káni uá eska úkuarhiaka i sési jándekua?
  • Enga Jesusi Echerirhu japka, ¿ambe úspi para xarhatani ambe uá enga juramuni jauakia Tata Diosïri Juramukuarhu?
  • ¿Ambe uá Jesusi ka imecha engaksï imani jingoni juramuaka Echerini auandarhu uératini?

Máteru kurhamarhikuecha

  • Arhinta Jaŋaskuecha 5:9, 10.

    ¿Andichisï uá mintsikani eska juramuticha ka saserdoticha engaksï mili uéxurhini juramukuani jauaka kʼuiripuechani Echerirhu, pʼamojpiakaksï ka sésiksï kámpini? (Efe. 4:20-24; 1 Ped. 1:7; 3:8; 5:6-10.)

  • Arhinta Jaŋaskuecha 14:1-3.

    ¿Ambe arhikuekasïni engaksï i 144,000 pájka tserhukuarhu Tátiri arhinhakuani ka ístu Karichi Sapichueri arhinhakuani? (1 Kor. 3:23; 2 Tim. 2:19; Jaŋ. 3:12.)