Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 114: Kʼamarasïndi iámu no sési jásï ambe

Uandantskua 114: Kʼamarasïndi iámu no sési jásï ambe

¿AMBERI exesïni ixú? Jo, uánikua kabaiu urapiti jatarichani. Peru exe naniksï uératini jurhasïni. ¡Uiriipuxatiksï kétsini auandarhu uératini nubicharhu ísï! ¿Jakiksï kabaiuecha auandarhu?

Jesusi Juramutistia auandarhu

Íksï no sési jimbo kabaiuestiksï. Mítiskachi jimbokaksï kabaiuecha no úsïnga uiriini nubicharhu, ¿no ísïski? Peru Biblia uandasïndi auandarhu anapu kabaiuechani. ¿Mítiskiri andi?

Jindesti jimboka ma tiempu iatirhu úranhasïrenga kabaiuecha uarhiperakuecharhu. Ísï jimbo, Biblia uandasïndi eska auandarhu uératini kétsisïnga kʼuiripuecha máru kabaiu jatarini para xarhatani eska Tata Diosï uarhiperakua ma jatsiska kʼuiripuechani jingoni. ¿Mítiskiri néna arhinhasïni i uarhiperakua? Armagedoni, ka kʼamajkuati iámindu no sési jásï ambeni Parhakpinirhu.

Jesusiuati Enga orhejtsïkuaka ini uarhiperakuani Armagedonirhu. Miánta eska Jeoba, Jesusini erakuska para juramutini Imeri juramukuarhu. Jimbosï Jesusi kanakua ma pájti. Ka espada xarhatasïndi eska uándikuauaka iámindu Tata Diosïri ikiatspitichani. ¿Ískujtsïni pakataa mítini eska Tata Diosï kʼamajkuauaka iámindu no sési úrichani?

Jirinhanta Uandantskua 10. ¿Amberi exesïni? Jo, Kʼéri Janikuani enga kʼamajkuapka kʼuiripu no sési úrichani. ¿Né úspi eska Kʼéri ma Janipiringa? Tata Diosï Jeoba. Iásï exe Uandantskua 15. ¿Ambe úkuarhixaki jimini? Jeoba chʼipiri jingoni kʼamajkusïndi Sodomani ka Gomorrani.

Exe Uandantskua 33. Exe ambe engaksï úkuarhinchani jaka kabaiuecha ka karretecha ejipsiuecheri. ¿Né úski eska itsï ójchakuraapiringa? Jeoba. Ústi i ambe para kuájchakuni imeri iretani. Jirinhanta Uandantskua 36 ka 76. Jiminiri exeaka eska Jeoba imeri iretani jamberi jurajkuska eska kʼamajkunhapiringa, jimbokaksï no sési úrispka.

Ísï jimbo, nójtsïni jatsisti para ísku pakatani mítini eska Jeoba axauaka auandarhu anapu ejersituechani para kʼamajkuni iámu no sési jásï ambe enga úkuarhini jaka Echerirhu. ¿Ambe úkuarhia tátsekua? Nitama máteru pájinani ka ju exeni.

Jaŋaskuecha 16:16; 19:11-16.



Kurhamarhikuecha

  • ¿Biblia andisï uandajki kabaiuecheri ambe auandarhu?
  • ¿Néna arhinhasïni uarhiperakua enga Tata Diosï uáka no sési úrichani jingoni, ka para ambeski i uarhiperakua?
  • Eska na xarharajka dibujurhu, ¿néski enga orhepaaka ini uarhiperakuarhu, andisï kanakua ma pájki, ka ambe arhikuekasïni espada?
  • Mítiparini ambeksï uandasïni uandantskuecha 10, 15 ka 33, ¿andisï no úkua juka para kurhanguni eska Tata Diosï kʼamajkuauaka no sési úrichani?
  • ¿Nénaksï xarhatasïni uandantskuecha 36 ka 76 eska Tata Diosï kʼamajkuauaka no sési úrichani nájkirukaksï uandaaka eskaksï kómarhisïnga?

Máteru kurhamarhikuecha

  • Arhinta Jaŋaskuecha 19:11-16.

    ¿Néna xarhatasïni Karakatecha eska kabaiu urapiti jatari Jesukristueska? (Jaŋ. 1:5; 3:14; 19:11; Isa. 11:4.)

    ¿Néna xarhatasïni Jesusiri xukuparhakua enga iurhiri jáxetini jaka eska imeri andakua uarhiperakuarhu sésiska ka para méntkisï? (Jaŋ. 14:18-20; 19:13.)

    ¿Néksï jamberi niára jarhani ejersiturhu engaksï chúxapaaka Jesusini enga kabaiu urapiti jimbo jatarini niuaka? (Jaŋ. 12:7; 19:14; Mat. 25:31, 32.)