Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 111: Sapi ma kʼuírasti

Uandantskua 111: Sapi ma kʼuírasti

¡EXE! ¿Ambe úkuarhixaki ixú? ¿Úkuarhinchaski ambe ma i sapi enga aponditini jaka? ¡Exe, ma achaati enga kʼumanchikuarhu uérani jaka Pabluesti! ¿Úsïniri exeni Timoteuntu? ¿Bentanarhu uératini uekorhintsï inde sapi?

Pablu niraxati tsítantani Eutikuni

Jo, inde ambesï úkuarheti. Pablu, ixú Troasi, arhijtsïkperata ma íntskuaxapti jorhenguarhitichani. Jimboka pauandikua, níntapiringa barku jimbo ka ióni nóteru exeapirindia. Jimbosï seguiripti arhijtsïkpini terojkani chúrikua jamberi.

I sapi enga arhinhaenga Eutiku, bentanarhu uaxakatixapti ka kʼuíraspti. Ka repentku uekorhintasti bentanarhu uératini, enga tanimu pisu iótapka. Jimbosï kʼuiripu kánikua uandanhiani jati. Engaksï i achaaticha jauatajka sapini, chésïndiksï mítini eska jamberi uarhiskia. ¡Ka ísïsti, uarhistia!

Enga Pablu exejka eska uarhiskia, kápatsesïndi imani jingoni ka kamapakusïndi. Jiájkani arhiasïndi: ‘Asï uandanhia je. ¡Inde sési jarhasti!’. ¡Ka ísïsti! ¡Milagru máesti! ¡Pablu tsítantasti! Kánikuaksï tsípisïndi iáminduecha.

Karhantasïndiksï ménderu ka tʼirekuaksï ma úsïndi. Pablu seguirisïndi jorhentpini asta enga erandijka. ¡Peruchi uáka seguru jarhani eska Eutiku nóteru kʼuísïngia! Tátsekua Pablu, Timoteu ka imaksï engaksï imechani jingoni jámajka, jatasïndiksï barkurhu. ¿Mítiskiri naniksï nirasïni?

Pablu kʼamakuxatiia imeri tanimu biajini enga nirajka eianhpini. Ini biajini jimbo, Pablu tanimu uéxurhini pakarasti Éfesu. Ísï jimbo, ini jimbo sánderu ióni jámasïndi eska segunduni jimbo.

Enga uéakuntapkia Troasi uératini. Barku anhaxurhisïndi ma tiempu ireta Miletu. Jima uératini Éfesu nóteru iauani pakarasïndi, jimbosï Pablu pʼitarkuarhiajti kúnguarhikuarhu anapu sánderu jatirichani engaksï Éfesu jaka, para úni ultimu uandontskuarhikuani. Tátsekua enga barku nirajkia, ¡kánikuaksï kómu pʼikuarherasïndi eranguntani Pabluni!

Barku kʼuanhatsintasïndi Sesarea. Enga Pablu Felipiri kʼumanchikuarhu jarhajka enga ístu jorhenguarhiri máeka, profeta Ágabu uandasïndi eska, enga Pablu niáraka Jerusaleni, eskaksï jima ónhaka. Ka ísï úkuarhisïndi eska Ágabu na uandapka. Tsimani uéxurhini ónhakata jarhasïndi Sesarea ka tátsekuaksï Roma axasïndi para Sésari, Roma anapu juramuti jusgarini. Ju exeni ambe úkuarhisïni enga nirani jarhajkia.

Ukuecha, kapituluecha 19 a 26.



Kurhamarhikuecha

  • ¿Néski sapi enga aponditini jaka, ka ambe úkuarhinchaski?
  • ¿Ambe úsïni Pablu enga exejka eska sapi uarhirixaka?
  • ¿Naniksï nirasïni Pablu, Timoteu ka máteru imecheri pámpiricha ka ambe úkuarhisïni engaksï Miletu anhaxurhijka?
  • ¿Profeta Ágabu ambe arhisïni Pabluni, ka néna úkuarhisïni ambe enga uandapka?

Máteru kurhamarhikuecha

  • Arhinta Ukuecha 20:7-38.

    ¿Nénachi uá no “kʼamanharhintskua jatsi[ni] eka nema tsïnchiaka”, eska na uandapka Pablu jima Ukuecha 20:26, 27? (Eze. 33:8; Uku. 18:6, 7.)

    ¿Orhejtsïkuticha andiksïsï jatsi paraksï jupikuarhini “uandakuani enga mintsinharhikueka” engaksï jorhentpini jauaka? (Uku. 20:17, 29, 30; Titu 1:7-9; 2 Tim. 1:13.)

  • Arhinta Ukuecha 26:24-32.

    Jimboka Pablu Roma anapu ireta ma jimbo andajpenuspka, ¿néna marhuakuspi i ambe enga jámani japka eianhpini ísï eska na arhipka Jesusi? (Uku. 9:15; 16:37, 38; 25:11, 12; 26:32; Luk. 21:12, 13.)