Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 105: Jerusaleniksï erokuarhisïndi

Uandantskua 105: Jerusaleniksï erokuarhisïndi

ÍKSÏ kʼuiripuecha Jesusiri chúxapatichesti. Kurhajchastiksï ka pakarastiksï Jerusaleni. Engaksï iáminduecha ixú jarhajka, kʼéri ma ruidu kurhaakuarhesïndi incharini. Ísï eska na kurhaakuarhejka kʼéri ma tarhiata. Ka mándani kʼuiripu chʼipiri ma xarhajtsïsïndi imeri éjpurhu. ¿Úsïniri exeni chʼipirini indecheri éjpurhu? ¿Ambe arhikuekasïni i ambe?

Intsïnhasïndiksï espiritu santu jorhenguarhiticha primeru siglurhu anapu

¡Milagru máesti! Jesusi auandarhu jarhastia ménderu Tátembani jingoni ka íntskuaxati Tata Diosïri espiritu santuni imeri chúxapatichani. ¿Mítiskiri ambe úsïni i espiritu eskaksï uáka? Úndasïndiksï mámaru jásï idioma jimbo uandani.

Uánikua Jerusaleni anapuecha kurhaasïndiksï ini ruiduni enga ísïka eska kʼéri ma tarhiata, ka jurhasïndiksï exeni ambe úkuarhixaki. Máruksï, máteru nasioni ísï anapuestiksï engaksï juka nitamani kʼuínchikua Pentekostesini israelitecherini. ¡Na xáni ískuksï pakarapi! Jimboka jorhenguarhitichaksï eianhpixaka imecheri idioma jimbo, inde ambakiti ambe enga Tata Diosï úka.

Imecha engaksï jupka kʼuínchikua nitamani, uandasïndiksï: ‘Iáminduksï, Galilea anapuestiʼ. ‘Jimajkani, ¿andiksïsï újki uandani juchari paisicharhu anapu idiomechani?ʼ

Pedru jauarasïndi para arhiani andisï i ambe úkuarhini jaki. Uinhachaparini eianguasïndi na engaksï uándikuka Jesusini ka eska Jeoba tsítantaska. Pedru uandasïndi: ‘Iásï Jesusi auandarhu jarhastia, Tata Diosïri jurhijkandani ladu’. ‘Ka ima íntspesti espiritu santu enga aiatspipka. Ka i espiritu jimboesti enga i ambe úkuarhini jaka.ʼ

Enga Pedru ísï uandajka, uánikuaksï no sési pʼikuarherasïndi imani ambe jimbo engaksï úkupka Jesusini. Kurhanguarhisïndiksï: ‘¿Ambechi uá?ʼ. Pedru arhiasïndi: ‘Jatsiskajtsï para mójtakuni chári irekakuani ka itsï atakuarhintsïʼ. Ima jurhiatikua, 3,000 ísïksï itsï atakuarhisïndi ka Jesusiri chúxapatiksï úkuarhisïndi.

Ukuecha 2:1-47.



Kurhamarhikuecha

  • Eska na xarharajka dibujurhu, ¿ambeksï úkuarhinchasïni Jesusiri chúxapaticha engaksï Jerusaleni erokuarhijka?
  • ¿Andiksïsï ísku pakarajki imecha engaksï nípka Jerusaleni?
  • ¿Pedru ambe arhiasïni kʼuiripuechani?
  • ¿Nénaksï pʼikuarherasïni uánikuecha engaksï kurhajkia Pedruni, ka ambeksï jatsiski para úni?
  • ¿Namunksï itsï atakuarhisïni uéxurhini 33 A. de J. Pentekostesirhu?

Máteru kurhamarhikuecha

  • Arhinta Ukuecha 2:1-47.

    ¿Néna xarhatasïni Pedrueri uandakuecha engaksï Ukuecha 2:23, 36 jimbo jaka eskaksï iámindu judiuecha kulpa jatsispka Jesusiri uarhikuani jimbo? (1 Tes. 2:14, 15.)

    ¿Ambe ambakiti ejemplu íntspeski Pedru para úni máteruechani jánhastaani Karakatechani jingoni? (Uku. 2:16, 17, 29, 31, 36, 39; Kol. 4:6.)

    Jesusi aiakuspti Pedruni “auandarhu anapu juramukueri mítakuechani”, ¿néna úraspi ima orheta mítakuani? (Uku. 2:14, 22-24, 37, 38; Mat. 16:19.)