Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 104: Jesusi níntasïndi auandarhu

Uandantskua 104: Jesusi níntasïndi auandarhu

NITAMASÏNDIKSÏ jurhiatikuecha, ka Jesusi mémindu xarhakuasïndi imeri chúxapatichani. Ma uelta xarhakuasti 500 ísï jorhenguarhitichani. ¿Mítiskiri ambe aianguasïni enga xarhakuajka? Tata Diosïri juramukueri ambe. Jeoba axasti Jesusini Echerirhu para Juramukueri ambe jorhentpini. Ka seguirisïndi i ambe úni enga tsíntajkia.

Jesusi níntasïndi auandarhu

¿Miásïniri ambeski Tata Diosïri juramukua? Sési jimbo Tata Diosïri gobiernu máesti enga auandarhu jaka, ka Tata Diosï, Jesusini erakusti para juramutini. ¡Eskachi na exekia, Jesusi uánikuechani tʼireraasti, tsinasti pʼamenchatichani, ka tsítantasti uarhirichani, iámindu i ambe xarhatasïndi eska ambakiti juramuti máeuaka!

Ísï jimbo, enga Jesusi juramuni jauakia mili uéxurhini, ¿ambe úkuarhia Echerirhu? Jo, iámindu Parhakpini sési jándentaati. Nóteru jauatia uarhiperakuecha ni uándikperakuecha, pʼamenchakuecha, ka ni uarhikua. Mítiskachi eska ísïuaka, jimboka Tata Diosï úska Echerini para kʼuiripuecha sési jándikua ma jimbo irekani. Jimbosï úpti jardini Edenini. Ka Jesusi uáti eska iásï kʼóru úkuarhiaka ambe enga Tata Diosï uékajka.

Ka niárastia jurhiatikua para Jesusi auandarhu níntani. Kuarenta jurhiatikua xarhakuastia jorhenguarhitichani ka imaksï mítistia eska tsípiti jarhaska. Peru ante de karhanchintani, arhiasïndi: ‘Ixú pakara je Jerusaleni astakajtsï espiritu santu intsïnhakaʼ. Espiritu santu, Tata Diosïri uinhapikuesti, ísï eska tarhiata ambe, ka i jarhuatauati paraksï úni ambe enga Tata Diosï uékajka. Ístu Jesusi arhiasïndi: ‘Chájtsï juchiti ambe uandantaka iámu Parhakpinirhuʼ.

Peru enga i ambe arhiajka, úkuarhisïndi ambe ma. Jesusi úndasïndi auandarhu karhanchintani, eskari na újka exeni ixú. Tátsekua, nubi ma ójchakurasïndi ka jorhenguarhitichaksï nóteru úsïndia exeni. Jesusi níntasïndi auandarhu ka jini uératini úndasïndi juramukuani imeri chúxapatichani ixú Echerirhu.

Jorhenguarhitichaksï eranchixati auandarhu

1 Korintu 15:3-8; Jaŋaskuecha 21:3, 4; Ukuecha 1:1-11.



Kurhamarhikuecha

  • Ma jurhiatikua, ¿namuni jorhenguarhitichaksï exesïni Jesusini, ka ambe arhiasïni?
  • ¿Ambeski Tata Diosïri Juramukua, ka nénaeua irekakua Echerirhu enga Jesusi mili uéxurhini juramuaka?
  • ¿Namuni jurhiatikua xarhakuaskia Jesusi imeri jorhenguarhitichani, peru ambe úkuarhia iásï?
  • ¿Ambe juramukua íntskuasïni Jesusi imeri jorhenguarhitichani ante de jurajkuani?
  • ¿Ambe úkuarhixaki dibujurhu, ka andiksïsï nóteru újkia exeni Jesusini?

Máteru kurhamarhikuecha

  • Arhinta 1 Korintu 15:3-8.

    ¿Andisï apostuli Pablu xáni mintsikakua jingoni uandapi Jesusiri tsíntskueri ambe ka ambeerichi uá juchajtu iásï kánikua mintsikakua jingoni aianhpini? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

  • Arhinta Ukuecha 1:1-11.

    Ísï eska na uandapka Ukuecha 1:8 eska úkuarhipiringa, ¿nani jamberi etsakurhispi eianhperakua? (Uku. 6:7; 9:31; 11:19-21; Kol. 1:23.)