Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 103: Mínhakuarhitinksï jarhasti

Uandantskua 103: Mínhakuarhitinksï jarhasti

ENGA Pedru ka Juanu uéntajkaksïa jima enga Jesusi jatsinhapka, Maria jandiajku pakarasïndi. Uénasïndi uerani. ¡Jiájkani eranhasïndi kuebarhu ka tsimani ánjilichani exeasïndi! Íksï arhisïndi: ‘¿Andirisï uerajki?’.

Maria mókukuasïndi: ‘Pástiksï juchiti Tátani, ka no mítiska naniksï jatsi’. Peru enga pʼirhikuarhejka, achaatini ma exesïndi. Ka i kurhamarhisïndi: ‘¿Néniri jirinhantasïni?’.

Maria eratsisïndi eska i achati jardinerueska, ka eska jamberi inde páska Jesusiri kuerpuni. Jimbosï arhijti: ‘Engari tʼu páka, arhirini naniri jatsiski’. I achati Jesusisti. Peru Maria no mítintasïndi jimboka ménderueni xarharasïngia. Peru enga i uandajpajka arhinhakuani jimbo, Maria mítisïndi eska Jesusiska. Ka uiriipasïndi eianguani jorhenguarhitichani ka arhiasïndi: ‘¡Exeskani Tátani!’.

Tátsekua ima mísmu jurhiatikua, engaksï tsimani jorhenguarhiticha nirani jarhajka Emausisï, achaati ma kúrhiaasïndi. Íksï jorhenguarhiticha kánikuaksï kómu pʼikuarheraxati Jesusiri uarhikuani jimbo. Peru engaksï nirani jarhajka, achaati uánikua ambe uandasïndi Bibliaeri ambe ka íksï sési pʼikuarherasïndi. Peru engaksï anhaxurhijka para tʼireni, jorhenguarhitichaksï mítintasïndi eska i Jesusiska. Peru Jesusi jimajku no náesïndi ka íksï kʼuanhatsintasïndi Jerusaleni paraksï apostulichani aianguani.

Enga ísï úkuarhini jarhajka, Jesusi ístu xarhakusïndi Pedruni. Máteruechaksï sési pʼikuarherasïndi engaksï kurhajka i ambe. Jiájkani ima tsimani jorhenguarhiticha nirasïndiksï Jerusaleni ka exentasïndiksï apostulichani. Ka arhiasïndiksï eska Jesusi xanharu jimbo xarhakuaska. Ka engaksï uandantani jarhajka, ¿mítiskiri ambe ambakiti ambe úkuarhisïni?

Exe dibujuni. Jesusi xarhakuasïndi kuarturhu, nájkiruka puerta míkakata jaka. ¡Na xáni tsípikua ma para jorhenguarhiticha! ¡Ambakiti jurhiatikua máesti! ¿Úsïniri miiuni namuni uelta xarhakuaski Jesusi? ¿Sinku?

Jesusi xarhakuaxati imeri jorhenguarhitichani

Apostuli Tomasi no jima jarhaspti enga Jesusi xarhakuapka. Jimboksïsï jorhenguarhiticha arhijti: ‘¡Exeskachi Tátani!’. Peru Tomasi arhiasïndi eska jatsiska para exeni para úni jakajkuni. Ochu jurhiatikua tátsekua. Jorhenguarhitichaksï ménderu kuartu ma jimboksï jarhasïndi tánguarhitini, puerta míkuarhitixapti ka Jesusi repentku xarhakuasïndi. Tomasi iásï kʼóru jakajkusïndia jimboka jima jarhasïnga.

Juanu 20:11-29; Lukasʌ 24:13-43.



Kurhamarhikuecha

  • ¿Maria ambe arhisïni achaatini ma enga eratsijka eska jardinerueska, peru néna mítisïni eska Jesusiska?
  • ¿Ambeksï úkuarhinchasïni tsimani jorhenguarhiticha engaksï Emausi nirani jarhajka?
  • ¿Ambe ambakiti ambe úkuarhisïni engaksï tsimani jorhenguarhiticha uandantani japka eskaksï exespka Jesusini?
  • ¿Namuni uelta xarhakuaski Jesusi imeri chúxapatichani?
  • ¿Tomasi ambe uandasïni enga mítijka eskaksï jorhenguarhiticha exeska Jesusini, peru ambe úkuarhisïni ochu jurhiatikua tátsekua?

Máteru kurhamarhikuecha

  • Arhinta Juanu 20:11-29.

    ¿Uandaxaki Jesusi jima Juanu 20:23 eskaksï kʼuiripuecha uáka puákuantani máteruecheri pekaduechani? Uandanta (Sal. 49:2, 7; Isa. 55:7; 1 Tim. 2:5, 6; 1 Juanu 2:1, 2).

  • Arhinta Lukasʌ 24:13-43.

    ¿Nénachi uá prepararini juchari mintsitani parachi jiókuarhini ambe enga Biblia uandajka? (Luk. 24:32, 33; Esd. 7:10; Mat. 5:3; Uku. 16:14; Ebr. 5:11-14.)