Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Parti 7: Enga tsíntajka Jesusi asta enga Pablu ónhanhajka

Parti 7: Enga tsíntajka Jesusi asta enga Pablu ónhanhajka

Jesusi tsíntasti tanimu jurhiatikua tátsekua enga uándikunhapka. Ima jurhiatikua iúmu uelta xarhakuasti imeri chúxapatichani. Ka seguiristi xarhakuani 40 jurhiatikua. Tátsekua máru imeri jorhenguarhitichaksï exesïndi enga karhanchintajka auandarhu. Diesi jurhiatikua tátsekua, Tata Diosï espiritu santu íntskuasti Jesusiri jorhenguarhitichani engaksï Jerusaleni pakarapka erokuarhini.

Sánderu tátsekua Tata Diosïri ikiatspiticha, ústiksï eskaksï ónhaapiringa apostulichani, peru ánjili ma petaantaspti. Ikiatspiticha máru, tsakapu jimboksï uándikusïndi jorhenguarhiri Estebanini. Peruchi jorhenguarhisïnga eska Jesusi erakuska ma imani enga jima japka, paraka ambakiti marhuari máepiringa, ka i niáraspti apostuli Pablueni. Tanimu uéxurhini ka terojkani tátsekua enga Jesusi uarhipkia, Tata Diosï axasti Pedruni paraka nípiringa eianguni Tata Diosïri ambe Korneliuni enga no judiuepka ka ístu imeri parientechani.

Trese uéxurhini ísï tátsekua, Pablu uénasïndi primeru biajini para nirani eianhpini. Segunduni jimbo, Timoteu pámbitasïndi. Pablu ka iáminduecha engaksï pámbipka, uánikua ambakiti ambeksï nitamakuarhisti engaksï marhuakuni japka Tata Diosïni. Tátsekua, Pablu ónhakata jarhaspti Roma. Tsimani uéxurhini jimbo jurajkunhaspti, peru tátsekuaksï ménderu ónhasïndi ka jiánksï uándikusïndi. Parti SIETI jimbo nitamasïndi 32 uéxurhini ísï.

Tʼíntskua, siegu jurajkusïndi Sauluni