Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 99: Kuarturhu enga iótakuarhu jaka

Uandantskua 99: Kuarturhu enga iótakuarhu jaka

IÁSÏ juebesï chúrikuestia, nitamastia tsimani jurhiatikua. Jesusi ka imeri 12 apostulicha ini kʼéri kuartuni jimboksï jarhasti enga iótakuarhu jaka paraksï arhani Paskuarhu anapu senani. Inde enga uérani jaka, Judasï Iskariotisti. Niraxati arhiani saserdotichani nénaksï jupika Jesusini.

Ultimu sena

Ma jurhiatikua antesi, Judasï uandontskuarhikuasti saserdotichani ka arhiasti: ‘¿Ambejtsïni íntskua engaksïni jarhuataska jupikani Jesusini?ʼ. Imechaksï arhisti: ‘Treinta tumina plateriʼ. Judasï iásï niraxati imechani jingoni para paani Jesusini jingoni. ¡Xáni no sési jásï ambe! ¿No ísïski?

Kʼamakusïndiksï arhani paskuarhu anapu senani. Ka Jesusi uénasïndi máteru sena enga kánikua jukaparhakueka. Íntsaasïndi imeri apostulichani kurhinda ma ka arhiasïndi: ‘A je, jimboka i arhikuekasïnga juchiti kuerpu enga chánksïni jimbo íntskunhakaʼ. Tátsekua jupikasïndi basu ma binu jingoni ka arhiasïndi: ‘Itsïma je, jimboka i arhikuekasïnga juchiti iurhiri enga chánksïni jimbo tsïtanhakaʼ. Biblia arhisïndi i senani ‘Ultimu senaʼ.

Israelitechaksï arhasïrendi Paskuarhu anapu senani paraksï miántani jiáni enga Tata Diosïri ánjili ‘no niárapkaʼ imecheri kʼumanchikuecharhu jini Ejiptu ka enga kʼóru uándikupka orheta uájpani enga ejipsiuecheri kʼumanchikuecharhu irekapka. Peru iásï Jesusi uékasïndi eska imeri chúxapaticha Jesusinksï miántaaka, ka eska imecha jimbo uarhiska. Ka para i ambesti i sena enga mándani uéxurhini úkuarhijka.

Engaksï na úpkia Ultimu Senani, Jesusi arhiasïndi imeri apostulichani eskaksï no chéaka ka eska uinhapiaka imecheri jakajkukua. Kʼamarukusïndiksï pirekuparini Tata Diosïni ka uéntasïndiksï jima. Jamberi jukari terojkani chúriptia. ¿Naniksï nirasïni?

Mateo 26:14-30, NM; Lucas 22:1-39, NM; Juanu, kapituluecha 13 a 17; 1 Korintu 11:20.



Kurhamarhikuecha

  • Eska na xarharajka dibujurhu, ¿ambeksï úxaki Jesusi ka dose apostulicha kʼéri kuarturhu iótakuarhu?
  • ¿Néski enga uéntani jaka, ka ambe uá?
  • ¿Ambe máteru ambakiti tʼirekua uénasïni Jesusi engaksï tʼirejkia sena Paskua anapuni?
  • ¿Ambeksï miántasïreni israelitecha Paskua jimbo, ka máteru sena enga Jesusi úpka ambe miátantaua Jesusiri chúxapatichani?
  • Enga úkuarhipkia Ultimu Sena, ¿ambe arhiasïni Jesusi imeri chúxapatichani, ka ambeksï úsïni imecha?

Máteru kurhamarhikuecha

  • Arhinta Mateu 26:14-30.

    ¿Néna xarhatasïni Mateu 26:15 eska ambe enga Judasï úpka, úspti jimboka ísï uékaspka?

    ¿Ambe tsimani ambe jimbo marhuasïni Jesusiri iurhiri? (Mat. 26:27, 28; Jer. 31:31-33; Efe. 1:7; Ebr. 9:19, 20.)

  • Arhinta Lukasʌ 22:1-39.

    ¿Andisï Biblia uandajki eska Satanasi incharispka Judasïni? (Luk. 22:3; Juanu 13:2; Uku. 1:24, 25.)

  • Arhinta Juanu 13:1-20.

    Eska na uandajka Juanu 13:2, ¿jatsipi kulpa Judasï imani ambe jimbo enga úka ka ambechi uá jorhenguarhini Tata Diosïri marhuaricha? (Gén. 4:7; 2 Kor. 2:11; Gal. 6:1; Sant. 1:13, 14.)

    ¿Ambe jukaparhakua ambe jorhentpiski Jesusi? (Juanu 13:15; Mat. 23:11; 1 Ped. 2:21.)

  • Arhinta Juanu 17:1-26.

    ¿Ambe arhikuekasïreni Jesusi enga kurhakuapka imeri chúxapatichani eskaksï “májku ambepiringa”? (Juanu 17:11, 21-23; Rom. 13:8; 14:19; Kol. 3:14.)