Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 96: Jesusi tsinaasïndi pʼamenchatichani

Uandantskua 96: Jesusi tsinaasïndi pʼamenchatichani

JESUSI ambakerantasïndi pʼamenchatichani iámindu paisi jimbo enga xáni jámajka. I milagruecha niárasïndiksï mítikuarhini iretecharhu engaksï jimesïsï jaka. Jimboksïsï paajti mangusïchani, sieguechani, kándichani ka uánikua máteru pʼamenchatichani. Ka Jesusi iáminduechani ambakeraantasïndi.

Jukari tanimu uéxurhini nitamastia enga Juanu itsï atapka Jesusini. Ka Jesusi arhiasïndi imeri apostulichani eska no ióni jimbo Jerusaleni niuaka, ka eskaksï jima uándikuaka ka eska tsíntaka. Peru ante de i ambe úkuarhini, Jesusi seguirisïndi pʼamenchatichani tsinaani.

Jesusi ambakerantasti uarhitini ma enga pʼamenchani japka

Ma uelta Jesusi jorhentpixapti sábadu. I jurhiatikua, judiuechaksï mintsikuarhisïndi. Uarhiti engari ixú exejka, 18 uéxurhini jarhasti kʼurhukuarhitini, ka no úsïrendi jurhimbintani. Jimbosï Jesusi pʼárhijti ka ima jurhimbintasïndi. ¡Ka ambakintastia!

I ambe, kánikua ikiataasïndi religionirhu anapu orhejtsïkutichani. Ma uinhachasïndi ka arhiasïndi kʼuiripuechani: ‘Seisi jurhiatikua jarhasti para ánchikuarhini’. ‘¡Ka indeksï jurhiatikua jindesti para tsinakuarhini, no sábadu!’

Peru Jesusi arhiasïndi: ‘¡No sési úricha! Chájtsï sábadu jurhiatikua kueratapiringa chári burruni parajtsï itsïmatani. Jiájkani, ¿no sési japirini tsinani ini uarhitini enga 18 uéxurhini pʼamenchakia?’. I ambe kʼuratsetaasïndi i no sési úrichani.

Tátsekua Jesusi ka imeri apostulicha, nirasïndiksï Jerusaleni. Engaksï niárani jarhajkia Jeriko, tsimani kʼuiripuecha engaksï no éskajka ka engaksï tumina kurhajkuarhijka, uinhachakusïndiksï: ‘Jesusi, jarhuatajtsïni’.

Jesusi uandajpaasïndi ka arhiasïndi: ‘¿Ambejtsï uékasïni eskaksïni úchiaka?’. Imaksï arhisïndi: ‘Tata, eskachi uáka éskani’. Jesusi pʼánharhikuasïndi, ¡ka imaksï jirejiresï éskantasïndi! ¿Mítiskiri andisï Jesusi uájki ini milagruechani? Jimboka uékaasïnga kʼuiripuechani ka uékasïndi eskaksï jakajkuaka imani. I ambejtsïni xarhatachisïndi eska, enga Jesusi juramuni jauakia nóteru nema pʼamenchakia.

Mateu 15:30, 31; Lukasʌ 13:10-17; Mateu 20:29-34.



Kurhamarhikuecha

  • ¿Ambe úsïni Jesusi iámindu paisi jimbo?
  • ¿Jesusi ambe arhiasïni apostulichani tanimu uéxurhini ísï tátsekua enga itsï atakuarhipkia?
  • ¿Néskiksï kʼuiripuecha engaksï dibujurhu jaka, ka ambe úsïni Jesusi uarhitini jimbo?
  • ¿Andisï kʼuratsetarajki religioniri orhejtsïkutichani na enga arhiajka Jesusi?
  • Enga Jesusi ka imeri apostulicha niáranksï jarhajkia Jeriko, ¿ambe úkuasïni Jesusi tsimani achaatichani engaksï no újka exeni?
  • ¿Jesusi andisï uájki milagruechani?

Máteru kurhamarhikuecha

  • Arhinta Mateu 15:30, 31.

    ¿Jesusi néna xarhatasïni na enga xáni uinhapikua jatsika Jeoba, ka nénajtsïni jarhuatasïni para kurhanguni imani ambe engajtsïni Jeoba aiachejka jimbanhi parhakpinirhu? (Sal. 37:29; Isa. 33:24.)

  • Arhinta Lukasʌ 13:10-17.

    Enga Jesusi sábadu uápka máru kʼérati milagruechani, ¿néna xarhatasïni i ambe eska mili uéxurhini enga ima juramuaka sési pʼikuarherakua jauaka? (Luk. 13:10-13; Sal. 46:9; Mat. 12:8; Kol. 2:16, 17; Jaŋ. 21:1-4.)

  • Arhinta Mateu 20:29-34.

    ¿Néna xarhatasïni i uandantskua eska Jesusi méntkisï tiempu jatsisïrenga para kʼuiripuechani jarhuaatani, ka ambechi jorhenguarhisïni? (Deu. 15:7; Sant. 2:15, 16; 1 Juanu 3:17.)