Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 95: Néna jorhentpisïni Jesusi

Uandantskua 95: Néna jorhentpisïni Jesusi

MA JURHIATIKUA Jesusi arhisïndi achaatini ma eska jatsiska para uékani imeri prójimuni. Achaati kurhamarhisïndi: ‘¿Néski juchiti prójimu?ʼ. Jesusi mítisti ambe enga ima achaati eratsijka. Ima eratsisïndi eska imeri prójimu o besinu, imaeska engaksï májkueni kolorika eska ima o engaksï márku religionirhu anapueka. Ísï jimbo, ju exeni Jesusi ambe arhisïni.

Jesusi ménichani jorhentpesïndi uandantskua ma jingoni. Ka iásï ísï úsïndi. Uandantasïndi ambe enga úkuarhipka judiu ka samaritanu ma jingoni. Jorhenguarhiskachia eska uánikua judiuecha nóksï exenchaasïnga samaritanuechani. I jindesti uandantskua.

Ma jurhiatikua judiu ma juátarhu ísï kétsimunguaxapti para Jeriko niántani. Peru kuárhukpitichaksï máru uekarukuspti. Ka euakuarhisptiksï tuminani ka atastiksï asta sáno uándikuni.

Tátsekua jimesïsï nitamasïndi saserdoti judiu ma. Exesti achaatini enga atakata japka. ¿Ka ambe úspi? Ma ladu nikuspti ka ísku nitamaspti. Jiájkani nitamasti ma enga kánikua tsitienga religioniri ísï jámani. Lebita máesti. ¿I anhaxurhispi? Nómbe, íjtu no anhaxurhispti para jarhuatani ini achaatini. Exesïngari saserdotini ka lebitani na engaksï iauani nirani jakaia.

Peru exe né jarhaski indeni achaatini jingoni engaksï ataka. Samaritanu máesti. Ka jarhuataxati judiuni. Remediu atarhexati jimini enga atakata jaka. Tátsekua, pásïndi nani enga uáka mintsikuarhini para úni sési pʼikuarherani.

Ambakiti Samaritanu ma

Enga Jesusi kʼamakujka uandantani i ambe, arhisïndi imani enga kurhamarhipka: ‘Iásï, i tanimueri, ¿né ísï kámaski atakatani eska prójimu o besinuemba ma? ¿Saserdoti, lebita o samaritanu?ʼ.

Achaati arhisïndi: ‘Samaritanu. Jimboka sési kámaska atakataniʼ.

Jesusi arhisïndi: ‘Ísïsti. Ísï jimbo, ni ka ísï u eska ima na úpkaʼ.

¿Tsitisïniri na enga Jesusi jorhentpejka? Jucha uánikua ambe uáka jorhenguarhini indeni ambe jimbo enga Jesusi uandapka Bibliarhu. ¿No ísïski?

Lukasʌ 10:25-37.



Kurhamarhikuecha

  • Achaati ma, ¿ambe kurhamarhisïni Jesusini ka andi?
  • ¿Jesusi ambe úrasïni ménichani para jorhentpini, ka ambechi jorhenguarhisïni judiuecheri ka samaritanuecheri ambe?
  • Jesusiri uandantskuarhu, ¿ambe úkuarhiski judiu ma jingoni enga Jeriko nirani japka?
  • ¿Ambe úkuarhisïni enga saserdoti judiu ma ka lebita ma jimesïsïksï nitamajka?
  • Dibujurhu, ¿né jarhuataxaki judiuni enga atakata jaka?
  • Enga Jesusi kʼamakujka uandantskuani, ¿ambe kurhamarhisïni achaatini, ka ima néna mókukusïni?

Máteru kurhamarhikuecha

  • Arhinta Lukasʌ 10:25-37.

    Nájkiruka Jesusi no mókukupka achatini enga mítipka Juramukuani, ¿néna jarhuataspi paraka ima jandiajku kurhanguntapiringa? (Luk. 10:26; Mat. 16:13-16.)

    ¿Jesusi néna úrasïreni uandantskuechani para jarhuatani kʼuiripuechani paraksï no imechantku uékaani engaksï májku nani ísï anapueka? (Luk. 10:36, 37; 18:9-14; Titu 1:9.)