Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 93: Jesusi uánikuechani tʼireraasïndi

Uandantskua 93: Jesusi uánikuechani tʼireraasïndi

NO SÉSI jásï ambe úkuarhesti. Uándikustiksï Juanu Bautistani. Erodiasi, juramutiri témba ikiakusïrendi. Ka ústi eska juramuti kachujchatarkuarhipiringa.

Jesusi kómu pʼikuarherasïndi enga mítijka i ambe. Nirasïndi nani enga uáka jandiajku jarhani. Peru kʼuiripu chúngumasïndi. Enga Jesusi exeajka kʼuiripuechani, pʼamojkuasïndi. Jimbosï uandontskuarhikuajti Tata Diosïri juramukueri ambe ka ambakerantaasïndi pʼamenchatichani.

Ima chúrikua imeri jorhenguarhirichaksï jurhasïndi ka arhisïndiksï Jesusini: ‘Chúristia ka ixuisïsï no nema irekasti. Axaanta kʼuiripuechani paraksï úni tʼirekua piákuarheni iretecharhu ísï engaksï no iauani jaka’.

Jesusi uánikuechani tʼireraasïndi

‘Indeksï no jatsisti para níntani’, uandasïndi Jesusi. ‘Cha íntskua je ambe ma paraksï tʼireni.’ Jesusi, eratisïndi Felipini ka kurhamarhisïndi: ‘¿Nanichi uá piáni tʼirekua para iáminduecha?’.

Felipi uandasïndi: ‘Uánikua tumina uétarhiati parachi piáni ka úni sánhanitu íntskuani iáminduechani’. Andresi uandasïndi: ‘I tumbi, kámaxati iúmu kurhindechani ka tsimani kuruchechani. Peru no andanguati para iáminduecha’.

Jesusi uandasïndi: ‘Arhia je kʼuiripuechani eskaksï uaxakaka uitsakuarhu’. Jimajkani meiamukua arhisïndi Tata Diosïni tʼirekuani jimbo, ka úndasïndi ústani. Jesusiri jorhenguarhitichaksï íntskuasïndi kʼuiripuechani, kurhinda ka kurucha. Jindestiksï 5,000 achaticha ka mili jimbo uarhiticha ka sapicha. Ka iáminduechaksï tʼiresïndi asta uiniarani. ¡Ka jorhenguarhiticha 12 tsïkiata uiniri taantasïndiksï enga pakarapka!

Iásï, Jesusi úsïndi eska imeri jorhenguarhiticha, lancha ma jimbo jataaka paraksï Galilea anapu marini parhikuni. Chúrikua, kʼéri ma janisïndi tarhiata jingoni, ka olechaksï jiniani ka axuanksï pásïndi lanchani. Jorhenguarhiticha kánikuaksï chésïndi. Jiájkani pápjandikuarhu, exesïndiksï nemani enga itsïrhu xanharani jarhajka para imechani andarherani. Uinhachasïndiksï xáni chéni. Jimbokaksï no mítispka ambespi engaksï exeni japka.

Jesusi arhiasïndi: ‘Asï ché je’. ‘¡Jiiska!’ Peruksï no jakajkusïndi. Ísï jimbo Pedru uandasïndi: ‘Engari tʼuika, Tata, arhirini eskani xanharaka itsïrhu tʼungini jingoni’. Jesusi arhisïndi: ‘¡Ju!’. ¡Pedru nirasïndi ka xanharasïndi itsïrhu! Peru úndasïndi chéni ka uénasïndi ipimeni, ka Jesusi jarhuatasïndi.

Tátsekua, Jesusi ménderu mili jimbo kʼuiripuechani tʼireraasïndi. Peru i jurhiatikua úrasïndi siete kurhindechani ka namunitu kuruchechani. Ka ménderu iáminduechaksï uiniarasïndi. ¡Kánikua sésisti exeni na enga Jesusi jarhuatajka kʼuiripuechani! ¡Enga Jesusi juramuni jauakia, nóteruchi ambe ma jimbo uandanhiauakia!

Mateu 14:1-32; 15:29-38; Juanu 6:1-21.



Kurhamarhikuecha

  • ¿Ambe no sési jásï ambe úkuarhinchaski Juanu Bautista, ka néna pʼikuarherasïni Jesusi?
  • ¿Jesusi néna tʼireraasïni uánikua kʼuiripuechani engaksï chúxapajka, ka na xáni tʼirekua pakarasïni?
  • ¿Andiksïsï chérakuarhejki jorhenguarhiricha ma chúrikua, ka ambe úkuarhisïni Pedruni jingoni?
  • ¿Jesusi néna tʼireraasïni mili jimbo kʼuiripuechani máteru jurhiatikua?
  • ¿Andisï kánikua sésiua enga Tata Diosï íntskuaka juramukua Jesusini para juramuni Echerirhu?

Máteru kurhamarhikuecha

  • Arhinta Mateu 14:1-32.

    Mateu 14:23-32, ¿néna xarhatasïni na enga jásïpka Pedru?

    ¿Néna xarhatasïni Biblia eska Pedru nóteru májkuenispkia ka eska úsïrengia pʼíngukuarhini? (Mat. 14:27-30; Juanu 18:10; 21:7; Uku. 2:14, 37-40; 1 Ped. 5:6, 10.)

  • Arhinta Mateu 15:29-38.

    ¿Jesusi néna xarhataspi eska jukaparharasïrenga ambe enga imeri Tátemba íntskuaenga? (Mat. 15:37; Juanu 6:12; Col. 3:15, NM.)

  • Arhinta Juanu 6:1-21.

    ¿Nénachi pʼitaa Jesusiri ejempluni para janhanharhiani juramutichani? (Juanu 6:15; Mat. 22:21; Rom. 12:2; 13:1-4.)