Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 91: Jesusi juátarhu jorhentpesïndi

Uandantskua 91: Jesusi juátarhu jorhentpesïndi

EXE Jesusini, ixú uaxakatixati. Ka jorhendaaxati kʼuiripuechani Galilea anapu juáta ma jimbo. Indeecha engaksï jimintku jaka inderi jorhenguarhirichestiksï. Erakuasti 12 paraksï inderi apostulini. Apostulicha méntkisïksï Jesusini jingoni jarhasïrendi ka ima axaasïrendi paraksï nirani eianhpini. ¿Mítiskiri nénaksï arhinhasïni?

Jesusi jorhentpixati

Orheta erakuspti Simoni Pedruni ka ermanuemba Andresini. Tátsekua, Santiaguni ka Juanuni engaksï ístu ermanueka. Jarhasti máteru enga arhinhajka Santiagu ka máteru enga arhinhajka Simoni. Ka tsimani engaksï arhinhajka Judasï. Ma Judasï Iskariotisti ka máteru Judasï Tadeu. Ka Felipi ka Natanaeli (enga ístu arhinhajka Bartolomeu), ka Mateu ka Tomasi.

Enga Jesusi kʼuanhatsintajkia Samaria uératini, uénasïndi eianhpini ka uandasïndi: ‘Auandarhu anapu juramukua janoxatiia’. ¿Mítiskiri ambeski i juramukua? Tata Diosïri juramukuesti. Ka Jesusi juramutisti. Ka juramuati auandarhu uératini ka pínandikua juaati Echerirhu. I juramukua jimbo iámu Echeri sési jándentaati.

Ixú, Jesusi Tata Diosïri juramukueri ambe jorhentpixati. Uandasïndi: ‘Ísïjtsï kómarhiaka’. ‘Juchari Táti engari auandarhu jaka, eska pímbinhasïuaka chíti arhinhakua. Eska juuaka chíti juramukua. Eska ístu úkuarhiaka ambe engari tʼu uékajka ixú Echerirhu, májkueni eska na úkuarhijka auandarhu.’ Uánikuechaksï ísï mítisti ini kómarhikuani eska, ‘Padre nuestru’. ¿Úsïniri iámu arhini?

Jesusi ístu jorhendaaxati kʼuiripuechani nénaksï jatsiski para kámberani, arhiasïndi: ‘Úkua máteruechani ambe engari uékajka eskaksïni úchiaka’. ¿Sésiri pʼikuarherasïni engaksïni máteruecha sési kámajka? Ísï jimbo, juchajtuchi jatsiska para sési kámani máteruechani. ¡Na xáni sésiua sési jándekuarhu, jimbokachi iáminduecha sési kámberaka! ¿No ísïski?

Mateu, kapituluecha 5 a 7; 10:1-4.



Kurhamarhikuecha

  • Eska na xarharajka dibujurhu, ¿nani jorhentpixaki Jesusi, ka néskiksï engaksï jimintku jaka?
  • ¿Nénaksï arhinhasïni dose apostulicha?
  • ¿Ambeski Juramukua enga Jesusi aianhpijka?
  • ¿Ambe jorhendaasïni Jesusi kʼuiripuechani eskaksï kurhajkuarhiaka kómarhikua jimbo?
  • ¿Néna jorhentpisïni Jesusi na engaksï jatsika para kámberani kʼuiripuecha?

Máteru kurhamarhikuecha

  • Arhinta Mateu 5:1-12.

    ¿Nénachi uá xarhatani eskachi uétarhinchasïnga mítini Tata Diosïri ambe? (Mat. 5:3; Rom. 10:13-15; 1 Tim. 4:13, 15, 16.)

  • Arhinta Mateo 5:21-26, NM.

    ¿Néna xarhatasïni Mateu 5:23, 24 eska na engachi pájperajka erachichani jingoni xarhatasïnga juchari pájperakua Jeobani jingoni? (Mat. 6:14, 15; Sal. 133:1; Col. 3:13, NM; 1 Juanu 4:20.)

  • Arhinta Mateu 6:1-8.

    ¿Nákiskiksï máru fariseueri jánguecha engaksï kristianuecha no jatsika para úni? (Luk. 18:11, 12; 1 Kor. 4:6, 7; 2 Kor. 9:7.)

  • Arhinta Mateu 6:25-34.

    ¿Néna jorhentpiski Jesusi eskachi jatsiska para mintsikani eskajtsïni Jeoba íntskuaka iámindu ambe engachi uétarhinchaka? (Éxo. 16:4; Sal. 37:25; Fili. 4:6.)

  • Arhinta Mateu 7:1-11.

    Mateu 7:5, ¿ambejtsïni jorhendasïni Jesusiri ambe? (Pro. 26:12; Rom. 2:1; 14:10; Sant. 4:11, 12.)