Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 88: Juanu itsï atasïndi Jesusini

Uandantskua 88: Juanu itsï atasïndi Jesusini

EXE palomasïni enga achaatini andajtsïkuni jaka. Achaati Jesusisti. Iásï 30 uéxurhini ísï jatiristia. Ka máteru achaati Juanuesti. Jorhenguarhiskachia sánitu inderi ambe. ¿Miásïniri enga Maria nípka pʼorhembini Elisabetini ka enga Elisabetiri charhaku manakuarhipka xáni tsípini? Ima charhaku enga nótki andajpenuaenga Juanuespti. Peru ¿ambeksï úxaki iásï Juanu ka Jesusi?

Itsï atasïndiksï Jesusini

Juanu iáiasï kʼamakusti inchamani Jesusini iorhekua Jordanirhu. Ísï itsï atakuarhinhasïndi. Iámu inchamanhasïndi ka tátsekua pʼímanhantasïndi. Juanu i ambe úsïndi kʼuiripuechani jingoni, jimbosïksï arhijti Juanu bautista. Peru, ¿andisï itsï ata Jesusini?

Juanu ústi i ambe, jimboka Jesusi jurhaska ka kurhakusti eska itsï atapiringa. Juanu itsï ataasïndi imechani engaksï xarhatajka eskaksï no sési pʼikuarherasïnga imecheri no sési jarhati úkuechani jimbo. Peru, ¿Jesusi úski ma ambe enga no sési jaka? Nómbe, Jesusi no méni ústi inde ambe, jimboka Tata Diosïri Uájpeska ka jurhasti auandarhu uératini. Ísï jimbo, jarhasti ma ambe enga jimbo kurhakuka Juanuni eska itsï atapiringa. Ju exeni ambespi.

Ante de jurhani Juanuni jingoni, Jesusi karpinteruespti. Ma karpinteru mámaru ambe úsïndi chkariri ambe, uásïndi mesechani, siiechani ka bankuechani. Jose, Mariaeri uámba, karpinteruespti, ka ima jorhendasti Jesusini úni ini ambe. Peru Tata Diosï no axasti imeri Uájpani Echerirhu para karpinterueni. Kʼéri ánchikuarhita ma jatsisti para Jesusi, ka niárastia jurhiatikua para uénani úni. Ísï jimbo, para xarhatani eska jurhaska úni ambe enga imeri Táti uéjka, kurhakusïndi Juanuni eska itsï ataaka. ¿Sési exesïni Tata Diosï i ambe?

Jo, jimboka enga Jesusi uémintajkia, kurhakuarhesïndi uandakua ma auandarhu uératini enga uandajka: ‘I jindesti juchiti Uájpa, engani ji xáni jaiapanhintajka’. Ístu, auanda mítakuarhisïndi ka kétsisïndi ma ambe, enga ísï xarharajka eska palomasï ma, peru no palomasïsti. Tata Diosïri espiritu santuesti.

Iásï Jesusi jatsisti para uánikua ambe eratsintani, ísï jimbo, 40 jurhiatikua nirasïndi desierturhu. Jima, jurhasïndi Satanasi. Ka tanimu uelta jámasïndi úni eska Jesusi no kurhajchauaka Tata Diosïri juramukuechani. Peru Jesusi no ísï úsïndi.

Enga i ambe nitamajkia, Jesusi kʼuanhatsintasïndi ka mítiasïndi máru achaatichani engaksï niárajka jindeni orheta imeri chúxapaticha o jorhenguarhiticha. Máruksï jindesti: Andresi, Pedru (enga ístu arhinhajka Simoni), Felipi ka Natanaeli (enga ístu arhinhajka Bartolomeu). Jesusi nirasïndi distritu de Galilea ísï, íchani jingoni. Ka inchasïndiksï Kana, nani enga Natanaeli anapueka, jima tembuchakua ma jimbo, Jesusi úsïndi orheta milagruni. ¿Mítiskiri ambeski? Itsïni binu úntasïndi.

Mateu 3:13-17; 4:1-11; 13:55; Markusʌ 6:3; Juanu 1:29-51; 2:1-12.



Kurhamarhikuecha

  • Dibujurhu, ¿néskiksï tsimani achaaticha?
  • ¿Néna itsï atakuarhisïni ma kʼuiripu?
  • ¿Juanu neechani itsï ataasïni?
  • ¿Jesusi andisï kurhakujki Juanuni eska itsï ataaka?
  • ¿Tata Diosï néna xarhatasïni eska jaiapanhintaska Jesusini enga itsï atakuarheka?
  • ¿Ambe úkuarhisïni enga Jesusi kuarenta jurhiatikua nirajka desierturhu?
  • ¿Néskiksï orheta Jesusiri chúxapaticha, ka nákiski imeri orheta milagru?

Máteru kurhamarhikuecha

  • Arhinta Mateu 3:13-17.

    ¿Andisï itsï atakuarhipi Jesusi, ka andichisï jatsi para jucha májkueni úni? (Sal. 40:7, 8; Mat. 28:19, 20; Luk. 3:21, 22.)

  • Arhinta Mateu 4:1-11.

    ¿Andijtsïnisï uinhaperantajki na enga Jesusi úrapka Karakatani, parachi jucha pauani pauani arhintani Bibliani? (Mat. 4:5-7; 2 Ped. 3:17, 18; 1 Juanu 4:1.)

  • Arhinta Juanu 1:29-51.

    ¿Néni uékasïreni Juanu Bautista eskaksï chúxapapiringa imeri jorhenguarhiticha, ka nénachi uá májkueni úni? (Juanu 1:29, 35, 36; 3:30; Mat. 23:10.)

  • Arhinta Juanu 2:1-12.

    ¿Néna xarhataspi orheta Jesusiri milagru eska Jeoba iámindu ambe íntskuasïnga Imeri marhuatspirichani? (Juanu 2:9, 10; Sal. 84:11; Sant. 1:17.)