Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 86: Chúxapasïndiksï jóskuani ma

Uandantskua 86: Chúxapasïndiksï jóskuani ma
Achaticha engaksï jóskuecheri ambe jorhenguarhijka

¿ÚSÏNIRI exeni achaatini enga juntsijkurani jaka jóskuani enga xáni uinhanharhijka? Orienti uératinksï jurhasïndi, ka jóskuecheri ambeksï jorhenguarhisïndi. Exesïndiksï eska i jimbanhi jóskua peerauaka nemani jingoni enga kánikua jukaparhakueka.

Engaksï i achaaticha niárapka Jerusaleni, kurhanguarhistiksï: ‘¿Nani jarhaski sapi enga judiuecheri juramutiuaka?’. “Judiuecha”, jindesti máteru arhinhakua para israelitecha. I achaatichaksï uandasïndi: ‘Jucha orheta jurhiata uérakuarhu ísï exeska inderi jóskuani’, ‘ka jurhaskachi para kómarhini’.

Enga Erodesi, juramuti Jerusaleni anapu mítipka i ambe, kánikua uandanhiaspti. Ima no uékasïndi eska máteru nema juramuaka imeri juramukuarhu. Ísï jimbo, kurhamarhiasti kʼéri saserdotichani: ‘¿Nani andajpenua juramuti enga aiatspinhaka?’. Imaksï arhisti: ‘Biblia uandasïndi eska Beleni’.

Erodesi arhiasti Orienti anapu achaatichani: ‘Jirinhanta je charhakuni. Ka engajtsï exentakia, juuakajtsïni aianguni. Jíjtuni uékasïnga nirani kʼéri ambe arhini’. ¡Peru Erodesi uékasïrendi uándikuni charhakuni!

Engaksï Orienti anapu achaaticha uérajka Jerusaleni, ari jóskua xarhakuasïndi ka orhekuapasïndi asta Beleni jamberi, ka jima anhaxurhisïndi enga Jesusi jarhajka. Engaksï i achaaticha inchajka kʼumanchikuarhu, exesïndiksï Mariani ka Jesusini. Ka íntskusïndiksï Jesusini intsïmperakuechani. Peru tátsekua, Jeoba tsánharhikua ma jimbo arhiasïndi, eskaksï no kʼuanhatsintaka Erodesini jingoni. Jimboksïsï máteru xanharu jimbo níntajti imecheri paisirhu.

Enga Erodesi mítijka eskaksï achaaticha níntaskia, kánikua no sési ikiasïndi. Ka uándikutarkuarhiasïndi iámindu Beleni anapu sapiichani engaksï tsimani uéxurhini o menosi jatirijka. Peru ante de i ambe ísï úkuarhini, Jeoba tsánharhikua ma jimbo aiangusïndi Joseni. Ka Jose ka imeri familia, nirasïndiksï Ejiptu. Enga Jose mítijka eska Erodesi uarhiskia, kʼuanhatsintasïndiksï Nasareti. Ka Jesusi ixú Nasareti kʼuiripesïndi.

¿Néniri exesïni tʼu eska úspka eska xarharapiringa ari jóskua? Miánta, engaksï achaaticha exepka jóskuani, orheta Jerusaleni peeraspti. Satanasi No Ambakiti uékasïrendi uándikuni Tata Diosïri Uájpani, ka mítispti eska Erodesi Jerusaleni anapu juramuti, ístu uékapiringa uándikuni. Ísï jimbo, Satanasispti enga úpka eska jóskua xarharapiringa.

Mateu 2:1-23; Miqueas 5:2.



Kurhamarhikuecha

  • ¿Néskiksï achaaticha engaksï dibujurhu jaka, ka ma, andisï juntsijkurani jaki jóskuani?
  • ¿Juramuti Erodesi andisï ikiajki, ka ambe úsïni?
  • ¿I jóskua nanisïsï orhekuapasïni, peru andiksïsï níntajki máteru xanharu jimbo imecheri paisirhu?
  • ¿Ambe juramusïni Erodesi, ka andi?
  • ¿Jeoba ambe arhisïni Joseni?
  • ¿Né xarhataspi jimbanhi jóskuani, ka andi?

Máteru kurhamarhikua

  • Arhinta Mateu 2:1-23.

    ¿Na xáni jatirispi Jesusi ka nani irekaspi engaksï jóskuecheri jorhenaticha pʼorhembipka? (Mat. 2:1, 11, 16.)