Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 100: Jesusi jardinirhu jarhasïndi

Uandantskua 100: Jesusi jardinirhu jarhasïndi

ENGA Jesusi ka imeri apostulichaksï uéntajkia kuarturhu, nirasïndiksï jardini Jetsemanirhu. Uánikua ueltaksï jurhastia ixú. Jesusi arhiasïndi eskaksï tsínharhitini jauaka ka eskaksï kómarhikua úni jauaka, ka jarhariasïndi sánitu, tʼénksatasïndi éjpuni ka uénasïndi kómarhikua úni.

Tátsekua, Jesusi andarheraantasïndi apostulichani. ¿Amberi exesïni eskaksï úxapka? ¡Kʼuíxatiksï! Jesusi tanimu uelta arhiasïndi eskaksï tsínharhitini jauaka, peruksï méntkisï kʼuíni jarhasïndi enga Jesusi kʼuanhatsintajka. Enga ultimu kʼuanhatsintajka ísï arhiasïndi: ‘¿Nénajtsï úsïni kʼuíni iásï?ʼ. Niárastia jurhiatikua parajtsïni juchiti ikiatspiticha jupikani.

Enga útasï ísï arhiani japka, kurhaakuarhesïndi uánikua kʼuiripu. ¡Exe! ¡Jurhaxatiksï achaaticha espada ka chkari ambe jingoni! Ka antorchechanksï kaasïndi paraksï erajkuni. Engaksï andarherani jarhajkia, nema sánderu sóntku jurhasïndi andarherani Jesusini. Ka eskari na exejka ixú, putinharhikusïndi. ¡Achaati, Judasï Iskariotisti! Peru, ¿andisï putinharhikujki Jesusini?

Judasï íntspentasïndi Jesusini

Jesusi arhisïndi: ‘Judasï, ¿putinharhikua ma jingonirini íntspentaxaki?ʼ. Jo, i putinharhikua úsïndi eskaksï imecha engaksï Judasïni jingoni jaka uákaksï mítintani Jesusini. Jimbosïksï Jesusiri ikiatspiticha andarherajti paraksï jupikani. Peru Pedru no jurajkuati eskaksï paaka Jesusini no kuájpintaparini. Jimbosï pʼiaarajti espadani ka indeni jingoni atasïndi achaatini ma enga jima no iauani jaka. Kachundikusïndi kutsïkuani jurhijkandani ladu anapuni. Peru Jesusi pʼándikusïndi achaatini ka tsinasïndi.

Jesusi arhisïndi Pedruni: ‘Inchaaranta espadani. ¿Nori exesïni tʼu eskani ji úpiringa kurhakuni juchiti Tátini mili jimbo ánjilichani parajtsïni kuájpintani?ʼ. ¡Jo, úpirindi! Peru Jesusi no arhisïndi Tata Diosïni eska axauaka ánjilichani, jimboka mítiska eska janoskia jurhiatikua paraksï páni. Ka Jesusi jurajkusïndi eskaksï paaka. Iásï ju exeni ambe úkuarhinchasïni Jesusi.

Mateo 26:36-56, NM; Lukasʌ 22:39-53; Juanu 18:1-12.



Kurhamarhikuecha

  • ¿Naniksï nirasïni Jesusi ka imeri apostulicha engaksï uéntajkia kuarturhu enga iótakuarhu japka, ka ambe arhiasïni eskaksï uáka?
  • ¿Néna exeantasïni Jesusi apostulichani enga kʼuanhatsintajkia, ka namuni uelta ísï exenunguaasïni?
  • Eska na xarharajka dibujurhu, ¿néchaksï niárasïni jardinirhu, ka ambe úsïni Judasï Iskarioti?
  • ¿Judasï andisï putinharhikujki Jesusini, ka ambe úsïni Pedru?
  • ¿Jesusi ambe arhisïni Pedruni, peru Jesusi andisï no kurhakujki Tata Diosïni eska axaka ánjilini ma?

Máteru kurhamarhikuecha

  • Arhinta Mateo 26:36-56,NM.

    ¿Andisï jinde ambakiti ejemplu ma para orhejtsïkuticha na enga Jesusi jurhimberantapka imeri jorhenguarhitichani? (Mat. 20:25-28; 26:40, 41; Gál. 5:17; Efe. 4:29, 31, 32.)

    ¿Néna exesïreni Jesusi para úrani uarhiperakuechani para máteruechani ataani? (Mat. 26:52; Luk. 6:27, 28; Juanu 18:36.)

  • Arhinta Lukasʌ 22:39-53.

    Enga ánjili xarhakupka Jesusini jardini Getsemanirhu para uinhaperantani, ¿arhikuekasïni eska Jesusiri jakajkukua chkespkia? Uandanta (Luk. 22:41-43; Isa. 49:8; Mat. 4:10, 11; Ebr. 5:7).

  • Arhinta Juanu 18:1-12.

    ¿Jesusi néna kuájchakuaspi imeri jorhenguarhitichani imecheri ikiatspitichani jingoni, ka ambechi jorhenguarhisïni íri ambe? (Juanu 10:11, 12; 18:1, 6-9; Ebr. 13:6; Sant. 2:25.)