Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Parti 6: Enga Jesusi andajpenujka asta enga uándikunhajka

Parti 6: Enga Jesusi andajpenujka asta enga uándikunhajka

Ánjili Gabrieli axanhasti para pʼorhembini Mariani ambakiti uátsïni ma. Ka arhisti eska uájpa ma kámapiringa enga juramupiringa para méntkisï. I sapi Jesusi, andajpenusti jima enga animalicha patsanhaenga, jimaksï niraspti exeni karichi eranguticha máru. Tátsekua, jóskua ma orhekuapasti achaatichani máru Jurhiata uérakuarhu ísï asta jima enga ima japka. Jorhenguarhisïngachi né exeraaspi jóskuani ka na enga kuájchakunhapka Jesusi para no uándikunhani.

Tátsekuachi exesïnga Jesusini enga 12 uéxurhini jatirijkia ka exesïngachi na enga templurhu anapu jorhentpirichani uandontskuarhikuani jarhajka. Ka disiochu uéxurhini tátsekua Jesusi itsï atanhasti, ka jiáni uénasti eianhpini ka jorhentpini Juramukueri ambe, ísï uénaspti úni ambe enga jimbo Tata Diosï axapka Echerirhu. Jesusi erakuasti 12 achatichani ka apostuli uásti paraksï jarhuatani ini ánchikuarhitani úni.

Jesusi uánikua milagruechani uásti. Mili jimbo kʼuiripuechani tʼireraasti namunitu kurucha ka namunitu kurhindechani jingoni. Ka ístu tsinaasti pʼamenchatichani ka tsítaantasti uarhirichani. Ka jorhenguarhisïngachi uánikua ambe enga Jesusi úkuarhinchapka ultimu jurhiatikua ante de uarhini ka na engaksï uándikupka. Jesusi tanimu uéxurhini ka terojkani ísï aianhpisti, ísï jimbo, Parti SEISIRHU mítiakachi ambe úkuarhiski sánititu sánderu de 34 uéxurhini jimbo.

Jesusi jorhentpixati

PARAJTSÏ SÁNDERU MÍTINI

AMBAKITI AMBE ENGA TATA DIOSÏRIKA

¿Néski tata Jesukristu?

Jorhenguarhi je andisï uarhi Jesusi, ambeski euajpintskua, ka iásï Jesusi ambe úxaki.