Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 60: Abigaili ka Dabidi

Uandantskua 60: Abigaili ka Dabidi

¿MÍTISKIRI ini sési jásï uarhitini enga Dabidini andarherani jaka? Abigailisti. Inde sési eratsisïndi ka úsïndi eska Dabidi no no sési jásï ambe uáka. Peru ante de mítini ambespi, ju exeni néna nikukuxapi Dabidini.

Enga Dabidi sïpakuarhikujka Saulini, kueba ma jimbo jirikuarhisïndi. Ermanuembecha ka imeri familia jurhasïndiksï nani enga Dabidi jaka. Jurhasïndiksï 400 ísï achaticha ka Dabidi niárasïndi imecheri orhejtsïkutini. Jiájkani Dabidi nirasïndi juramuti Moabi anapuni jingoni ka arhisïndi: ‘Jimboetakua, jurajku eska juchiti táticha ixú pakaraka tʼungini jingoni astakani exeaka ambe úkuarhia’. Ka Dabidi ka imeri sondaduechaksï nirasïndi jirikuarhini juátarhu ísï.

No ióni jimbo, Dabidi mítisïndi Abigailini. Abigailiri uámba Nabalisti, jatsikuarheristi ka uánikua echerichani jatsiasti. Kaasïndi 3,000 karichichani ka 1,000 chibuechani. Nabali no sési kámpisïndi. Peru imeri témba Abigaili kánikua sési jáxesti ka mítisti sési jásï ambe úni. Ma jurhiatikua kuájchakusïndi imeri familiani. Ju exeni néna.

Dabidi ka imeri sondaduechaksï sési kámasïndi Nabalini. Jarhuatastiksï karichichani eranguani. Ma jurhiatikua Dabidi axasïndi máru achatichani paraksï kurhakuni ambe ma Nabalini. Engaksï niárajka, Nabali ka imeri jarhuajpiricha, karichichanksï kuinaaxapti. Kʼuínchikua jurhiatikuesti ka Nabali ambakiti akua ambe jatsisti. Jiájkani Dabidiri sondaduechaksï arhisïndi: ‘Juchaksïni sési kámaska. Nóksïni ma karichi sïpachiska ka jarhuataskaksïni eranguani. Jimboetakua, íntskujtsïni tʼirekua sáni’.

Nabali arhiasïndi: ‘No íntskuauaka tʼirekua xarhati kʼuiripuechani eska cha’. No sési arhiasïndi ka no sési uandasïndi Dabidiri ambe. Engaksï sondaduecha eiangujka i ambe Dabidini, kánikua ikiasïndi. Ka arhiasïndi: ‘¡Jupika je chári espadechani!’. Ka nirasïndiksï Nabalini ka imeri jarhuajpirichani uándikuani.

Enga ma Nabaliri jarhuajpiri kurhajka i no sési jásï ambe enga Nabali uandajka, aiangusïndi Abigailini. Abigaili sóntku tʼirekua jatsirasïndi, ka jatsiparhakuasïndi burruechani ka nirasïndi. Enga exentajka Dabidini, kétsisïndi burrurhu, kʼutitsesïndi ka arhisïndi: ‘Jimboetakua tata, asï kasu úku juchiti achati Nabalini. Tontu máesti ka no sési úsïndi ambe ma. Ixú jarhasti intsïmperakua ma, jupika ka puáchintajtsïni’.

Abigaili tʼirekua juákuxati Dabidini

Dabidi mókukusïndi: ‘Sésiri eratsisïnga’. ‘Tʼuri úska eskani no uándikuaka Nabalini, ima ambe jimbo enga uandaka. Ni níntani ka ásterhu uandanhia.’ Enga Nabali uarhijka, Abigaili niárasïndi Dabidiri témba máeni.

1 Samuel 22:1-4; 25:1-43.



Kurhamarhikuecha

  • ¿Néna arhinhasïni uarhiti dibujurhu anapu, ka na jásï kʼuiripueski?
  • ¿Néski Nabali?
  • ¿Dabidi andisï axaajki máru achatichani paraksï nirani ambe ma kurhakuni Nabalini?
  • ¿Nabali ambe arhiasïni Dabidiri sondaduechani, ka ambe úsïni Dabidi?
  • ¿Abigaili néna xarhatasïni eska sési eratsisïnga?

Máteru kurhamarhikuecha

  • Arhinta 1 Samuel 22:1-4.

    Dabidiri familia, ¿ambe ejemplujtsïni íntskuski na engachi jatsika para márku úkuarhintani iámindu kristianuecha? (Pro. 17:17; 1 Tes. 5:14.)

  • Arhinta 1 Samuel 25:1-43.

    ¿Andisï xáni no sési uandanhantajki Nabaliri? (1 Sam. 25:2-5, 10, 14, 21, 25.)

    ¿Ambe jorhendasïni Abigailiri ejemplu, témbechani engaksï kristianaeka? (1 Sam. 25:32, 33; Pro. 31:26; Efe. 5:24.)

    ¿Ambe úspi Abigaili paraka Dabidi no úpiringa tsimani no sési jásï ambe? (1 Sam. 25:31, 33; Rom. 12:19; Efe. 4:26.)

    Ambe enga úpka Dabidi, enga Abigaili uandontskuarhikupka, ¿néna jarhuaatasïni achatichani paraksï májkueni exeani uarhitichani eska Jeoba? (Uku. 21:8, 9; Rom. 2:11; 1 Ped. 3:7.)